ມອບ - ຮັບເຄື່ອງຊ່ວຍເຫຼືອອຸປະກອນການຮຽນ - ການສອນ ແລະ ເຄື່ອງອຸປະໂພກ - ບໍລິໂພກ


ໃນຕອນເຊົ້າຂອງວັນທີ 24 ສິງຫາ 2020 ຢູ່ທີ່ໂຮງຮຽນ ມຕ ຝັ່ງຖານໃຫຍ່ໄດ້ມີພິທີ ມອບ - ຮັບເຄື່ອງຊ່ວຍເຫຼືອອຸປະກອນການຮຽນ - ການສອນ ແລະ ເຄື່ອງອຸປະໂພກ - ບໍລິໂພກ ຈໍານວນໜຶ່ງ, ຈາກຄະນະອິ່ມບຸນເມດຕາທໍາ ທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ຄໍາເຜືອ ຄຸນນິດໃສ ຄະນະປະຈຳພັກເມືອງຮອງເຈົ້າເມືອງ ຜູ້ຊີ້ນໍາວຽກວັດທະນະທໍາ - ສັງຄົມ, ພາຍໃນມີ ພຣະອາຈານ ສູນທອນ ຈັນທະວັງໂສຄະນະ ອພສ ແຂວງ ປະທານ ອພສ ເມືອງຄົງເຊໂດນ, ມີກໍາມະການພັກເມືອງ, ຫົວໜ້າຫ້ອງການທີ່ກ່ຽວຂອງ, ອຳນາດການປົກຄອງ, ພໍ່ແມ່ປະຊາຊົນ, ພ້ອມດ້ວຍນ້ອງນ້ອຍນັກຮຽນເຂົ້າຮ່ວມ.​

Image may contain: one or more people, crowd and outdoor

ສຳລັບຕາງໜ້າໃຫ້ຄະນະອິ່ມບຸນເມດຕາທໍານຳເອົາເຄື່ອງລົງມາຊ່ວຍເຫຼືອໃນຄັ້ງນີ້ແມ່ນພຣະອາຈານ ບຸນທະວີ ມ່ວງຄໍາສີ, ໄດ້ນໍາເອົາອຸປະກອນການຮຽນປະເພດປຶ້ມຂຽນ, ສໍດໍາ, ບັນທັດ, ບິກຂຽນ, ອຸປະກອນກິລາ ແລະ ເຄື່ອງຮັບໃຊ້ພາຍໃນຫ້ອງການຄິດເປັນມູນຄ່າ 24 ລ້ານກວ່າກີບ 

Image may contain: 4 people, people sitting

ໂຮງຮຽນທີ່ໄດ້ຮັບການຊ່ວຍເຫຼືອໃນຄັ້ງນີ້ປະກອບມີ 6 ໂຮງຮຽນຄື: ມຕ ຝັ່ງຖານໃຫຍ່, ໂຮງຮຽນມູນຝັ່ງຖານໃຫຍ່, ໂຮງຮຽນມູນຝັ່ງຖານນ້ອຍ, ໂຮງຮຽນປະຖົມແກ້ງຕະຫວັງ, ປະຖົມບຶງມານ, ແລະ ປະຖົມໜອງກະຊອງ, ການນໍາເອົາເຄື່ອງມາຊ່ວຍເຫຼື່ອໃນຄັ້ງນີ້ກໍ່ເພື່ອແບ່ງເບົາ, ຊ່ວຍທາງພໍ່ແມ່ນັກຮຽນໃນການຊອກຫາອຸປະກອນການຮຽນໃຫ້ແກ່ລູກຫຼານຂອງຕົ້ນທີ່ກໍາລັງຈະໄຂສົກຮຽນໃໝ່ໃນມໍ່ໆນີ້ ອີກດ້ານໜຶ່ງກໍ່ເພື່ອ ຢາກຊ່ວຍສ້າງສາ ບ້ານເກີດເມືອງນອນ ຂອງຕົນ ໃຫ້ມີຄວາມສີວິໄລ ແລະ ລູກຫຼານກໍ່ໄດ້ຮັບການສືກສາທີ່ດີຈົນກາຍເປັນອານາຄົດທີ່ມີຄຸນນະພາບໃນພາຍພາກໜ້າອີກດ້ວຍ.

Image may contain: 7 people, people sitting and indoor


ໃນຕອນທ້າຍພິທີ ທ່ານ ຄຳເຜືອ ຄຸນນິດໃສ ກໍ່ໄດ້ກ່າວຄຳຂອບໃຈ ແລະ ຍ້ອງຍໍຊົມເຊີຍຕໍ່ ໝາກຜົນຜົນງານ ທີ່ທາງ ພຣະອາຈານ ບຸນທະວີ ມ່ວງຄໍາສີ, ກໍ່ຄືທາງ ຄະນະເມດຕາທໍາ ທີ່ໄດ້ນໍາເອົາເຄື່ອງລົງມາຊ່ວຍເຫຼືອໃນຄັ້ງນີ້ ພ້ອມທັງໄດ້ມອບໃບຍ້ອງໃຫ້ທາງພຣະອາຈານ ບຸນທະວີ ຜູ້ຕາງໜ້າໃຫ້ຄະນະອິ່ມບຸນເມດຕາທໍາອີກດ້ວຍ.

Image may contain: 3 people, people sitting and text



ໂດຍ: ນັກຂ່າວເມືອງຄົງເຊໂດນ



 














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments