ກອງປະຊຸມຄົ້ນຄວ້າ ປຶກສາຫາລືກ່ຽວກັບວຽກງານສະຫຼຸບແຜນພັດທະນາເສດຖະກິດ-ສັງຄົມ ພາຍໃນເມືອງໂພນທອງ



ວັນທີ່ 25 ສິງຫາ 2020 ນີ້ຫ້ອງການແຜນການ ແລະ ການລົງທຶນເມືອງໂພນທອງ ໄດ້ຈັດກອງປະຊຸມປຶກສາຫາລື ກ່ຽວກັບວຽກງານສະຫຼຸບແຜນພັດທະນາເສດຖະກິດ-ສັງຄົມ ໂດຍເປັນປະທານຂອງ ທ່ານ ນາງ ວັນເພັງ ພະຫົງຈັນ ຫົວໜ້າຫ້ອງການແຜນການ ແລະການລົງທຶນເມືອງ, ມີບັນດາພະນັກງານລັດຖະກອນ ຜູ້ຮັບຜິດຊອບວຽກງານວາງແຜນພັດທະນາຂອງແຕ່ລະຂະແໜງການພາຍໃນເມືອງເຂົ້າຮ່ວມ. 

Image may contain: 3 people, people sitting and indoor

ໂອກາດນີ້ ທ່ານ ນາງວັນເພັງ ພະຫົງຈັນ ໄດ້ມີຄຳເຫັນກ່ຽວກັບ ການປະຕິບັດວຽກງານໃນໄລຍະຜ່ານມາ ພ້ອມທັງໄດ້ນຳສະເໜີ ແຜນການບໍລິຫານວຽກງານໃນຕໍ່ໜ້າ ໂດຍຫັ້ນເອົາເຕັກໂນໂລຊີ, ລະບົບ IT ເຂົ້າໃນການປ້ອມຂໍ້ມູນໃຫ້ລະອຽດ, ຊັດເຈນ ກ່ຽວກັບການສ້າງ ແລະ ສົ່ງບົດສະຫຼຸບ ຂອງແຕ່ລະຂະແໜງການໃຫ້ທັນກັບຫຍຸກສະໄໝປະຈຸບັນ ເພື່ອເຮັດໃຫ້ວຽກງານບົດສະຫຼຸບລາຍງານທ່ວງທັນກັບເວລາ ນັບທັງກຸ່ມເສດຖະກິດ ແລະ ກຸ່ມວັດທະນະທຳ-ສັງຄົມ ທີ່ຂື້ນກັບຫ້ອງການແຜນການ ແລະ ການລົງທຶນ ແລະ ບັນດາຂະແໜງການອື່ນທີ່ຂື້ນກັບຫ້ອງວ່າການປົກຄອງເມືອງ. 

Image may contain: 6 people, people sitting

ຈາກນັ້ນ ທ່ານ ວຽງໄຊ ຫຼວງສະອາດ ຕາງໜ້າຄະນະນັບຜິດຊອບ ໄດ້ຂື້ນແນະນຳແບບຮ່າງບົດສະຫຼຸບ ແຕ່ລະໄລຍະ ຫຼື ຕາມໄຕມາດ ເພື່ອເຮັດໃຫ້ຜູ້ເຂົ້າຮ່ວມໄດ້ຮັບຮູ້ໂດຍລະອຽດ ແລະນຳໄປຈັດຕັ້ງປະຕິບັດ ຕາມແຜນວຽກທີ່ຂະແໜງການ. ຈາກນັ້ນ ຜູ້ເຂົ້າຮ່ວມໄດ້ພ້ອມກັນປະກອບຄຳເຫັນ ຊອກຫາວິທີແກ້ໄຂຂໍ້ຫຍຸ້ງຍາກໃນໄລຍະຜ່ານມາ, ທັງປັບປຸງ, ໃຫ້ສອດຄ່ອງໄປຕາມລະບຽບຫຼັກການ. 

Image may contain: 1 person, sitting, table and indoor

ຕອນທ້າຍກອງປະຊຸມ ທ່ານນາງ ວັນເພັງ ພະຫົງຈັນ ໄດ້ເນັ້ກໜັກໃຫ້ ຜູ້ຮັບຜິດຊອບວຽກງານ ແຜນພັດທະນາເສດຖະກິດ-ສັງຄົມ ຂອງແຕ່ລະຂະແໜງການ ນຳເອົາບົດຮຽນທີ່ໄດ້ຄົ້ນຄ້ວາໃນກອງປະຊຸມໄປຈັດຕັ້ງປະຕິບັດ, ຕາມແຜນການທີ່ກຳໜົດໄວ້ໃນຕໍ່ໜ້າ ໃຫ້ມີຜົນສຳເລັດ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments