7 ເດືອນ​ຕົ້ນ​ປີ ແຂວງ​ສະ​ຫວັນ​ນະ​ເຂດເກັບ​ລາຍ​ຮັບ​ໄດ້ 741,30 ຕື້​ກີບ, ເທົ່າ​ກັບ 45,81% ຂອງ​ແຜນ​ການ​ປີ



ໃນວັນທີ 26 ສິງຫາ 2020 ນີ້, ທ່ານ ບຸນໂຈມ ອຸບົນປຣະເສີດ ຮອງລັດຖະມົນຕີກະຊວງການເງິນໄດ້ພົບປະໂອ້ລົມກັບພະນັກງານຂະແໜງການຕ່າງໆໃນຂົງເຂດການເງິນໂດຍສະເພາະພາກສ່ວນທີ່ເກັບລາຍຮັບເຂົ້າງົບປະມານຢູ່ທີ່ຫ້ອງປະຊຸມຂອງພະແນກການເງິນແຂວງ. ໂດຍມີ ທ່ານ ປອ ແສນສັກ ສຸລິສັກ ຫົວໜ້າພະແນກການເງິນແຂວງ, ຫົວໜ້າ ແລະ ຄະນະສ່ວຍສາອາກອນແຂວງ, ພາກສ່ວນພາສີ, ຊັບສິນລັດ, ຫ້ອງການການເງິນຈາກເມືອງຈຳນວນໜຶ່ງເຂົ້າຮ່ວມ.

Image may contain: 5 people, people sitting, table and indoor

ໃນໂອກາດນີ້, ທ່ານ ແສນສັກ ສຸລິສັກ ໄດ້ລາຍງານວ່າ: ໃນ 7 ເດືອນປີ 2020 ນີ້, ສາມາດຈັດເກັບລາຍຮັບເຂົ້າງົບປະມານໄດ້ແລ້ວ 741,30 ຕື້ກີບ, ເທົ່າກັບ 45,81% ຂອງແຜນການປີທີ່ວາງໄວ້ທັງໝົດ1.618,14 ຕື້ກີບ. ໃນນີ້ພູດຂອງສູນກາງປະຕິບັດຢູ່ແຂວງໄດ້ 434,37 ຕື້ກີບ ແລະ ພູດຂອງທ້ອງຖິ່ນປະຕິບັດໄດ້ 306,93 ຕື້ກີບ. ແຕ່ລວມມາຮອດວັນທີ 20 ສິງຫາ ທີ່ຜ່ານມານີ້ປະຕິບັດການເກັບ ລາຍຮັບແລ້ວ 802,70 ຕື້ກີບ, ຄາດຄະເນໝົດປີຈະໄດ້ປະມານ 1.381,26 ຕື້ກີບ ເທົ່າກັບ 85,363% ຂອງແຜນການປີສາເຫດທີ່ພາໃຫ້ການເກັບລາຍຮັບຫຼຸດລົງຍ້ອນວ່າໃນປີ 2019 ຜ່ານມາແຂວງສະຫວັນນະເຂດເກີດມີໄພນໍ້າຖ້ວມໃນຫຼາຍເມືອງ ແລະ ໃນຕົ້ນປີ 2020 ຊໍ້າພັດ ເກີດການລະບາດຂອງພະຍາດ ໂຄວິດ-19 ໃນຫຼາຍປະເທດທົ່ວໂລກ, ມີການປິດປະເທດເຊິ່ງເປັນຜົນກະທົບໂດຍກົງຕໍ່ການນຳເຂົ້າ-ສົ່ງອອກ. ຕໍ່ການຜະລິດ, ຕໍ່ການບໍລິການ, ບັນດາຫົວໜ່ວຍທຸລະກິດ, ໂຮງຈັກ-ໂຮງງານ ແລະ ບັນດາອົງການຈັດຕັ້ງລັດ ຈຳນວນໜຶ່ງບໍ່ສາມາດເຄື່ອນໄຫວໄດ້ຢ່າງເຕັມ ເມັດເຕັມໜ່ວຍ.

Image may contain: 1 person, text

ຈາກນັ້ນ, ທ່ານ ບຸນໂຈມ ອຸບົນປ​ຣະເສີດ ກໍ່ໄດ້ຮຽກຮ້ອງ ໃຫ້ທຸກພາກສ່ວນເປັນເຈົ້າການ ແລະສຳຫຼວດກວດກາຄືນເບິ່ງ ຕົວຈິງບັນດາຫົວໜ່ວຍທຸລະກິດ ທີ່ແຈ້ງມອບຫຼຸດ ຫຼືຢຸດກິດຈະການແທ້ ຫຼື ບໍ່, ສຳລັບການເກັບ ຄ່າທຳນຽມທາງ ແລະ ພາສີທີ່ດິນຜ່ານລະບົບທະນາຄານທີ່ຍັງຫຍຸ້ງຍາກຍ້ອນ, ພໍ່ແມ່ປະຊາຊົນເຈົ້າຂອງທີ່ດິນກໍ່ຄືເຈົ້າໜ້າທີ່ບໍ່ທັນມີຄວາມພ້ອມກໍ່ໃຫ້ເຮັດໄປທັງ 2 ຢ່າງຄື: ແບບໃຫ້ ພະນັກງານລົງເກັບເອງ ແລະ ແບບເກັບຜ່ານທະນາຄານໃນບ່ອນທີ່ມີຄວາມສະດວກ ແລະມີຄວາມພ້ອມ, ສ່ວນການເກັບຄ່າທຳນຽມທາງຈາກຜູ້ໃຊ້ລົດໃຊ້ຖະໜົນກໍ່ຄວນສົມທົບເຈົ້າໜ້າທີ່ກ່ຽວຂ້ອງໃນແຕ່ລະເມືອງປະຕິບັດຢ່າງເຂັ້ມງວດກວ່າເກົ່າຈຶ່ງຈະເຮັດໃຫ້ການເກັບລາຍຮັບປີນີ້ບັນລຸໄດ້ຕາມແຜນ ການ.



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments