ເຈົ້າແຂວງໄຊຍະບູລີ ຢ້ຽມຢາມ ແລະ ພົບປະໂອ້ລົມປະຊາຊົນ ບ້ານນ້ຳພຽງ ເມືອງບໍ່ແຕນ.

ໃນວັນທີ 30 ກໍລະກົດ ນີ້, ທ່ານ ພົງສະຫວັນ ສິດທະ ວົງ ກໍາມະການສູນກາງພັກ ເລ ຂາພັກແຂວງ ປະທານປ້ອງກັນ ຊາດ-ປ້ອງກັນຄວາມສະຫງົບ ແຂວງ ເຈົ້າແຂວງໆໄຊຍະບູລີ ໄດ້ ລົງຢ້ຽມຢາມ ແລະ ພົບປະໂອ້ລົມ ອໍານາດການປົກຄອງ ແລະ ພໍ່ ແມ່ປະຊາຊົນບ້ານນໍ້າພຽງ ເມືອງ ບໍ່ແຕນ ແຂວງໄຊຍະບູລີ, ໂດຍ ມີ ສະຫາຍ ພົນຈັດຕະວາ ສີພັນ ພຸດທະວົງ ກຳມະການ ຄະນະ ພັກກົມໃຫຍ່ເສນາທິການ ຫົວໜ້າ ກົມທະຫານຊາຍແດນ ກົມໃຫຍ່ເສ ນາທິການກອງທັບ, ສະຫາຍ ພັນເອກ ກູດ ພົມມາ ຫົວໜ້າການ ທະຫານກອງບັນຊາການທະຫານແຂວງໄຊຍະບູລີ, ມີເລຂາ ພັກເມືອງ, ພະແນກການຂອງ ແຂວງ-ເມືອງ, ອໍານາດການປົກ ຄອງບ້ານ ແລະ ພໍ່ແມ່ປະຊາຊົນ ບ້ານດັ່ງກ່າວເຂົ້າຮ່ວມ. 

Image may contain: 13 people, people standing, outdoor and nature

ໂອກາດນີ້, ທ່ານ ຄໍາແພງ ພູສີ ຄໍາ ເລຂາພັກບ້ານ, ນາຍບ້ານໆ ນໍ້າພຽງ ເມືອງບໍ່ແຕນ ໄດ້ລາຍ ງານໃຫ້ຊາບໂດຍຫຍໍ້ສະພາບ ລວມຂອງບ້ານນໍ້າພຽງ, ເຊິ່ງ ບ້ານນໍ້າພຽງປະກອບມີ 50 ຄອບ ຄົວ, ມີຈໍານວນພົນທັງໝົດ 293 ຄົນ, ຍິງ 147 ຄົນ, ອາຊີບປະຊາຊົນ ສ່ວນໃຫຍ່ແມ່ນເຮັດນາ, ເຮັດສວນ ປູກພືດເປັນຕົ້ນແມ່ນປູກສາລີ, ມັນ ຕົ້ນ, ໝາກເດືອຍ ແລະ ລ້ຽງສັດ ປະເພດຕ່າງໆ, ພ້ອມນີ້, ອໍານາດການປົກຄອງບ້ານຍັງໄດ້ເຮັດໜ້າທີ່ເຄື່ອນໄຫວຮ່ວມກັບອ້າຍນ້ອງທະຫານຊາຍແດນ ກວດກາບໍລິ ເວນຊາຍແດນຂອບເຂດທີ່ບ້ານຮັບຜິດຊອບ, ເຮັດໃຫ້ສະພາບ ມີຄວາມສະຫງົບໂດຍພື້ນຖານ. ໂອກາດນີ້, ທ່ານເຈົ້າແຂວງ ໄຊຍະບູລີ ກໍໄດ້ຮຽກຮ້ອງໃຫ້ອົງ ການປົກຄອງບ້ານສືບຕໍ່ຊີ້ນໍາ-ນໍາ ພາພໍ່ແມ່ປະຊາຊົນ ໃນການປູກພືດ ເປັນສິນຄ້າໃຫ້ໄດ້ຫຼາຍ, ປູກໃນ ສະຖານທີ່ທີ່ຂັ້ນເທິງໄດ້ຈັດສັນ ໃຫ້, ເອົາໃຈໃສ່ປົກປັກຮັກສາປ່າ ໄມ້, ຕ້ານ ແລະ ສະກັດກັ້ນບັນ ດາປາກົດການຫຍໍ້ທໍ້ຕ່າງໆ ໂດຍ ສະເພາະແມ່ນບັນຫາຢາເສບຕິດ, ການລັກລອບໄປອອກແຮງງານ ຢູ່ປະເທດເພື່ອນບ້ານໃກ້ຄຽງແບບ ຜິດກົດໝາຍ, ຮັກສາຄວາມສາ ມັກຄີໃຫ້ເປັນປຶກແຜ່ນແໜ້ນໜາ, ເອົາໃຈໃສ່ສຶກສາອົບຮົມລູກຫຼານ ໃຫ້ຫ່າງໄກຈາກຢາເສບຕິດ ແລະ ເປັນເຈົ້າການໃນການປ້ອງກັນ ຊາຍແດນຮ່ວມກັບອ້າຍນ້ອງທະ ຫານຊາຍແດນ ໃຫ້ມີຄວາມສະ ຫງົບປອດໄພ 100%, ຈາກນັ້ນ, ທ່ານເຈົ້າແຂວງໄຊຍະບູລີ ພ້ອມ ດ້ວຍຄະນະຍັງໄດ້ລົງຢ້ຽມຢາມ ໃຫ້ກໍາລັງໃຈອ້າຍນ້ອງທະຫານ ຊາຍແດນ ພ້ອມທັງມອບເຄື່ອງ ອຸປະໂພກ-ບໍລິໂພກ ໃຫ້ປ້ອມທະ ຫານຊາຍແດນເຊັ່ນ: ປ້ອມນໍ້າ ພຽງ, ປ້ອມພູວຽງ 1 ແລະ ປ້ອມພູ ວຽງ 2 ທີ່ເຮັດໜ້າທີ່ປົກປັກຮັກ ສາເຂດນໍ້າແດນດິນຂອງຊາດ ກໍ ຄືເສັ້ນຊາຍແດນຂອງແຂວງໄຊຍະບູລີໄວ້ໃຫ້ໝັ້ນຄົງ.


ຂ່າວ: ສົມຈີນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments