ປິດຊຸດອົບຮົມວຽກງານສື່ມວນຊົນ ໃຫ້ຕານາງຂ່າວກອງທັບ 4 ແຂວງພາກໃຕ້.

Image may contain: 3 people

ຊຸດອົບຮົມວຽກງານສື່ມວນຊົນໄລຍະສັ້ນໃຫ້ບັນດາຕານ່າງຂ່າວກໍາລັງຫຼວງ ແລະ ກໍາລັງ ທ້ອງຖິ່ນ 4 ແຂວງພາກໃຕ້ໂດຍ ແມ່ນໜັງສືພິມກອງທັບປະຊາຊົນລາວຮ່ວມກັບກອງພົນທີ 5 ຈັດຂຶ້ນທີ່ກອງພົນທີ 5 ໄດ້ປິດລົງດ້ວຍໝາກຜົນອັນຈົບງາມໃນວັນ ທີ 19 ສິງຫາ 2020 ນີ້, ພາຍຫຼັງທີ່ໄດ້ດໍາເນີນການອົບຮົມເປັນເວລາ 15 ວັນ, ໂດຍການເຂົ້າຮ່ວມເປັນປະທານຂອງສະຫາຍ ພັນ ເອກ ບຸນທັນ ມາບຸດສະດີ ເລຂາ ຄະນະພັກ ຫົວໜ້າການເມືອງກອງ ພົນທີ 5 , ສະຫາຍພັນເອກ ຄໍາ ສາວ ແກ້ວວິເສດ ຫົວໜ້າບັນນາ ທິການໜັງສືພິມກອງທັບມີຄະນະຮັບຜິດຊອບຈັດຊຸດອົບຮົມ, ຄະນະພັກ-ຄະນະບັນຊາບັນດາກົມກອງພ້ອມດ້ວຍນັກເຝິກອົບຮົມທີ່ມາຈາກກອງພົນທີ 5 ຈໍານວນ 13 ສະຫາຍ, ໂຮງຮຽນກໍ່ສ້າງນາຍສິບເລກ 2 ວຽງໄຊ 6 ສະຫາຍ, ໂຮງໝໍບໍລິເວນ 106 ຈໍານວນ 2 ສະຫາຍ, ກອງພັນໃຫຍ່ 645 ຈໍານວນ 2 ສະຫາຍ, ກອງບັນຊາການທະຫານແຂວງຈໍາປາສັກ 5 ສະຫາຍ, ເຊກອງ 3 ສະຫາຍ, ສາລະວັນ 3 ສະຫາຍ ແລະ ກອງບັນຊາການທະຫານແຂວງອັດຕະປື 3 ສະຫາຍເຂົ້າຮ່ວມຢ່າງພ້ອມພຽງ. ໃນບົດສະຫຼຸບຕີລາຄາໝາກຜົນຂອງການຈັດຕັ້ງອົບຮົມວຽກງານສື່ມວນຊົນດັ່ງກ່າວທີ່ສະເໜີໂດຍສະຫາຍ ພັນເອກ ຄໍາສາວ ແກ້ວວິເສດ ຫົວໜ້າບັນນາທິການໜັງສືພິມກອງທັບໃຫ້ຮູ້ວ່າ: ໂດຍຈັດຕັ້ງປະຕິບັດຕາມທິດຊີ້ນໍາຂອງກົມໃຫຍ່ການເມືອງກອງທັບຄັ້ງ ວັນທີ 5 ມິຖຸນາ 2020 ກ່ຽວກັບການປັບປຸງ ແລະ ເພີ່ມທະວີການເຄື່ອນໄຫວວຽກງານສື່ມວນຊົນໃນກອງທັບໃຫ້ແຂງແຮງ, ມີຄຸນນະພາບ ແລະ ທັນສະໄໝ ແລະ ອີງຕາມແຜນການອົບຮົມບໍາລຸງ ຍົກລະດັບວຽກງານຂ່າວສານໜັງສືພິມກອງທັບໃຫ້ນັກຂ່າວຢູ່ບັນດາກົມກອງຂອງກອງທັບປະຈໍາປີ 2020. ດັ່ງນັ້ນ, ໜັງສືພິມກອງທັບຈຶ່ງໄດ້ປະສານສົມທົບກັບຄະນະພັກ-ຄະນະບັນຊາກອງພົນທີ 5 ຈັດ ຕັ້ງດໍາເນີນຊຸດອົບຮົມວຽກງານສື່ມວນຊົນໄລຍະສັ້ນໃຫ້ນັກຂ່າວຢູ່ບັນດາກົມກອງກໍາລັງຫຼວງ-ກໍາລັງທ້ອງຖິ່ນ 4 ແຂວງພາກໃຕ້ຂຶ້ນຢູ່ທີ່ກອງພົນທີ 5 ເພື່ອແນໃສ່ສ້າງຖັນແຖວນັກຂ່າວຢູ່ແຕ່ລະກົມກອງໃຫ້ມີຄວາມຮູ້, ຄວາມສາມາດໃນການເກັບກຳຂໍ້ມູນ, ຂຽນບົດ, ຂ່າວສະໜອງໃຫ້ແກ່ໜັງສືພິມກອງທັບ ແລະ ສົ່ງອອກສື່ມວນຊົນຕ່າງໆແນໃສ່ໂຄສະນາຜົນງານການເຄື່ອນໄຫວດ້ານຕ່າງໆຢູ່ບັນດາກົມກອງໃຫ້ມີບັນຍາກາດຟົດຟື້ນ, ແຂງແຮງ ແລະ ກວ້າງຂວາງ. 

Image may contain: 3 people

ຜ່ານການຈັດຕັ້ງອົບຮົມຕົວຈິງພາກທິດສະດີຫຼັກການ ແລະ ພາກປະຕິບັດຕົວຈິງເຫັນວ່າ: ບັນ ດານັກເຝິກອົບຮົມສ່ວນຫຼາຍມີຄວາມຮັບຮູ້-ເຂົ້າໃຈ ແລະ ກໍາ ໄດ້ບົດຮຽນແຕ່ລະວິຊາ, ບັນດາ ຂ່າວ-ບົດຂຽນຖືກໂຄງສ້າງຖືກເປົ້າໝາຍ ແລະ ສາມາດລົງໃນໜ້າໜັງສືພິມກອງທັບ. ໃນນີ້ຕີລາຄາຄວາມຮັບຮູ້ດ້ານທິດສະດີ ໄດ້ຂັ້ນດີ 60%, ກາງ 30% ແລະ ຄາດໝາຍ 10%. ດ້ານການຂຽນຕົວຈິງຂັ້ນເກັ່ງ (ແຂງ) 24 ສະຫາຍເທົ່າກັບ 64%, ກາງ 10 ສະຫາຍເທົ່າກັບ27% ແລະ ຄາດໝາຍ 3 ສະຫາຍເທົ່າກັບ 8%. ໃນຊຸດອົມຮົມຄັ້ງນີ້ຜູ້ເຂົ້າ ຮ່ວມໄດ້ຮຽນຮູ້ກ່ຽວກັບຄວາມຮູ້ພື້ນຖານຂອງໜັງສືພິມປະຕິວັດ, ຈັນຍາບັນຂອງສື່ມວນຊົນລາວ, ການຂຽນຂ່າວໃຫ້ຊວນອ່ານ, ວິທີເອົາເອກະສານ ແລະ ເກັບກໍາຂໍ້ມູນ, ການຂຽນບົດວຽກດີຄົນເດັ່ນ, ບົດລາຍງານຂ່າວ, ທັກສະການເຮັດຂ່າວອອນ ລາຍ, ການສົ່ງຂ່າວຜ່ານໂທລະ ສັບມືຖື ແລະ ເຕັກນິກການຖ່າຍ ຮູບປະກອບບົດ-ຂ່າວ. ໂອກາດເຂົ້າຮ່ວມເປັນປະ ທານໃນພິທີປິດຊຸດອົບຮົມສະ ຫາຍ ພັນເອກ ບຸນທັນ ມາບຸດສະ ດີຫົວໜ້າການເມືອງກອງພົນທີ 5 ໄດ້ມີຄໍາເຫັນວ່າ: ຊຸດອົບຮົມວຽກງານຂ່າວສານໜັງສືພິມ ໃນຄັ້ງນີີ້ແມ່ນມີຄວາມສຳຄັນ ຫຼາຍ, ເພາະວ່າມັນເປັນການສືບຕໍ່ຈັດຕັ້ງປະຕິບັດວຽກງານພັກ-ວຽກງານການເມືອງໃນກອງທັບ, ເປັນການຂະຫຍາຍຖັນແຖວ ຕານ່າງຂ່າວຢູ່ພາຍໃນກົມກອງ ໃຫ້ນັບມື້ກວ້າງຂວາງ ເພື່ອເຮັດໜ້າທີ່ໃນການໂຄສະນາເຜີຍແຜ່ແນວທາງແຜນນະໂຍບາຍຂອງພັກ, ກົດໝາຍຂອງລັດ, ເປັນຜູ້ນຳເອົາຜົນງານການເຄື່ອນໄຫວໃນດ້ານຕ່າງໆ ຂອງກົມກອງອອກເຜີຍແຜ່ທາງພາຫະນະສື່ມວນຊົນເພື່ອກະຕຸກຊຸກຍູ້ຂະບວນການພາຍໃນກົມກອງໃຫ້ມີຄວາມຟົດຟື້ນແຂງແຮງ. ແຕ່ຜົນສໍາເລັດຂອງການອົບຮົມຄັ້ງນີ້ເປັນພຽງແຕ່ບາດກ້າວເບື້ອງຕົ້ນບົນເສັ້ນ ທາງຂອງການເປັນນັກຂ່າວ ເຊິ່ງ ຍັງຈະຕ້ອງໄດ້ສືບຕໍ່ຮໍ່າຮຽນຈາກ ການເຮັດຕົວຈິງ, ຮຽນນໍາຄູ-ອາຈານ, ໝູ່ຄູ່ ເພື່ອພັດທະນາຕົນເອງ ກ້າວຂຶ້ນຈາກເປັນຕານ່າງຂ່າວ ກາຍເປັນນັກຂ່າວອາຊີບ, ເປັນ ນັກຂ່າວລະດັບຊາດ ແລະ ລະດັບ ສາກົນ. ສະຫາຍຍັງໄດ້ຮຽກຮ້ອງໃຫ້ ຜູ້ເຂົ້າຮ່ວມອົບຮົມຈົ່ງພ້ອມກັນ ນໍາເອົາບັນດາບົດຮຽນດ້ານຕ່າງໆທີ່ຄູ-ອາຈານຖ່າຍທອດໃຫ້ນັ້ນໄປໝູນໃຊ້ເຂົ້າໃນພຶດຕິກໍາຕົວຈິງປະກອບສ່ວນໂຄສະນາຂະບວນການດ້ານຕ່າງໆຢູ່ກົມກອງ ໃຫ້ຟົດຟື້ນແຂງແຮງ ແນໃສ່ສ້າງ ຜົນງານຂໍ່ານັບຮັບຕ້ອນວັນປະຫວັດສາດສໍາຄັນຂອງຊາດ, ຂອງ ພັກ ແລະ ຂອງກອງທັບໃຫ້ມີເນື້ອໃນຄວາມໝາຍເລິກເຊິ່ງ.






















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments