ເມືອງໂພນໄຊ ທົດລອງສ້າງແຜນກໍານົດພະນັກງານນໍາພາຄຸ້ມຄອງຂັ້ນເມືອງ


ໃນຕອນເຊົ້າຂອງວັນທີ 14 ສິງຫາ 2020 ເມືອງໂພນໄຊ ແຂວງຫຼວງພະບາງ ໄດ້ຈັດກອງປະຊຸມທົດລອງສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນເມືອງ,ຄຸ້ມຄອງ ບ້ານປາກງາ ໂດຍເປັນປະທານຂອງ ທ່ານ ທອງຈັນ ລັດຕະນະປະດິດ ເຈົ້່າເມືອງໆໂພນໄຊ,ທ່ານ ຄໍາແພງ ປານມະນີ ນາຍບ້ານໆປາກງາ,ມີຄະນະປະຈໍາພັກເມືອງ,ກໍາມະການພັກເມືອງ,ຫົວໜ້າຫ້ອງການ,ຮອງຫ້ອງການ,ຫົວໜ້າຄະນະຊີ້ນໍາແຕ່ລະກຸ່ມບ້ານພາຍໃນເມືອງເຂົ້າຮ່ວມ.

Image may contain: one or more people, people sitting and indoor

ທ່ານ ຄໍາກ້ຽງ ຈົ່ງຮົ່ວຖໍ່ ຮອງເລຂາພັກເມືອງ ເປັນກຽດເຜີຍແຜ່ເອກະສານໃຫ້ແກ່ຜູ້ແທນກອງປະຊຸມໄດ້ຮັບຟັງນໍາເອົາໄປຈັດຕັ້ງປະຕິບັດຢູ່ແຕ່ລະຂະແໜງ ການຂອງຕົນເອງໄດ້ຮັບຜົນມີປະສິດພາບໃນການສ້າງພະນັກງານສຶດທອດໃຫ້ຖືກເປົ້າຕາມລະດັບຄາດໜາຍ ເອກະສານທີ່ໄດ້ນໍາມາໃນຄັ້ງນີ້ມີ 3 ເອກະສານຄຶ: ເອກະສານຄໍາສັ່ງແນະນໍາກ່ຽວກັບການຈັດຕັ້ງປະຕິບັດມະຕິຂອງກົມການເມືອງສູນກາງພັກວ່າດ້ວຍມາດຖານຂອງພະນັກງານນໍາພາ-ຄຸ້ມຄອງ,ວຽກງານຄຸ້ມຄອງພະນັກງານ ແລະ ວຽກງານສ້າງແຜນກໍານົດພະນັກງານນໍາພາ ເລກທີ 292/ຄຈສພ,ລົງວັນທີ 26/4/2018,ເອກະສານມະຕິວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ ເລກທີ 030/ກມສພ,ລົງວັນທີ 3 ສິງຫາ 2018 ແລະ ເອກະສານຄໍາສັ່ງແນະນໍາກ່ຽວກັບການຂື້ນແຜນກໍານົດພະນັກງານ-ນໍາພາຄຸ້ມຄອງຂັ້ນບ້ານ ເລກທີ 844/ຄຈສພ,ລົງວັນທີ 21/11/2017.

Image may contain: 2 people, people sitting

ມາດຕະຖານຂອງພະນັກງານນໍາພາ-ຄຸ້ມຄອງ ຕ້ອງມີຄຸນທາດການເມືອງຍຶດໜັ້ນຕໍ່ອຸດົມການສັງຄົມນີຍົມມີຄວາມຈົ່ງຮັກພັກດີຕໍ່ພັກຕໍ່ປະເທດຊາດຕໍ່ລະບອບປະຊາທິປະໄຕ ປະຊາຊົນຢ່າງໜັກແໜ້ນ,ມີຄວາມຮັບຜິດຊອບສູງຕໍ່ໜ້າທີ່ວຽກງານ,ເຄົາລົບ ແລະ ປະຕິບັດກົດລະບຽບຂອງພັກ,ລັດຖະທໍາມະນູນ,ກົດໝາຍຂອງລັດຢ່າງເຂັ້ມງວດ,ມີຄວາມສາມັກຄີເປັນເອກະພາບພາຍໃນພັກພະນັກງານ,ສະມາຊິກພັກ ແລະ ມີການເຄື່ອນໄຫວທີ່ດີ ປະຕິບັດວັດຖຸປະສົງ ແລະ ອຸດົມການຂອງພັກຢ່າງສຸດກົກສຸດປາຍ,ໄດ້ຮັບການເຊື້ອໝັ້ນໄວ້ວາງໃຈຈາກພະນັກງານ, ສະມາຊິກພັກ, ມະຫາຊົນ ແລະ ປະຊາຊົນບັນດາເຜົ່າ ເອົາໃຈໃສ່ຕໍ່ການຍົກລະດັບຊີວິດການເປັນຢູ່ທາງດ້ານວັດຖຸ, ຈິດໃຈ ແລະ ເຄົາລົບສິດເປັນເຈົ້າຂອງປະຊາຊົນ ມີນໍ້່າໃຈເສຍສະຫລະເພື່ອຊາດ,ເພື່ອປະຊາຊົນ ສຸມສະຕິປັນຍາ ແລະ ກໍາລັງຂອງຕົນເພື່ອຮັບໃຊ້ຊາດ ແລະ ຮັບໃຊ້ປະຊາຊົນດ້ວຍຄວາມບໍລິສຸດ. 

ໃນການຂື້ນແຜນກໍານົດພະນັກງານນໍາພາ-ຄຸ້ມຄອງຂັ້ນບ້ານພື້ນຖານ ເປັນສີ່ງສໍາຄັນໃຫ້ແກ່ການສ້າງແຜນກໍ່ສ້າງ-ບໍາລຸງ,ແຜນຄາດຄະເນສັບຊ້ອນ ແລະ ການຈັດວາງພະນັກງານຢ່າງສົົມເຫດສົມຜົນ ບ້ານແມ່ນເຂດປົກຄອງທ້ອງຖີ່ນຂັ້ນຮາກຖານຕໍ່ການຈັດຕັ້ງປະຕິບັດບັນດາແນວທາງແຜນນະໂຍບາຍຂອງພັກ,ລະບຽບ,ກົດໜາຍຂອງລັດ,ແຜນພັດທະນາເສດຖະກິດ-ສັງຄົມ ຢູ່ຂັ້ນຮາກຖານໃຫ້ປະກົດຜົນເປັນຈິງ.


ຂ່າວ: ສີວອນ ນັກຂ່າວເມືອງໂພນໄຊ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments