ຄະນະຊຸກຍູ້ການຈັດເກັບລາຍຮັບ ລົງຕິດຕາມ ກວດກາການປະຕິບັດງົບປະມານຢູ່ຫຼວງພະບາງ


ຄະນະຊຸກຍູ້ການຈັດເກັບລາຍຮັບຂອງກະຊວງການເງິນ, ຊຶ່ງນຳໂດຍ ທ່ານ ພູວົງ ກິດຕະວົງ ຫົວໜ້າກົມງົບປະມານແຫ່ງລັດກະຊວງການເງິນ, ພ້ອມດ້ວຍຄະນະຊຸກຍູ້, ໄດ້ເຄື່ອນໄຫວຊຸກຍູ້, ຕິດຕາມ, ກວດກາການປະຕິບັດງົບປະມານຢູ່ພະແນກການເງິນແຂວງຫຼວງພະບາງ ແລະ ໄດ້ເຂົ້າພົບຄະນະພະແນກການເງິນແຂວງຫຼວງພະບາງ, ໂດຍການຕ້ອນຮັບຂອງທ່ານ ເພັດສະໝອນ ຈັນທະລາດ ຮອງຫົວໜ້າພະແນກການເງິນແຂວງຫຼວງພະບາງ, ພ້ອມດ້ວຍຄະນະ, ຈຸດປະສົງເພື່ອເປັນການປຶກສາຫາລືກ່ຽວກັບຂໍ້ສະດວກ, ຂໍ້ຫຍຸ້ງຍາກ,ສິ່ງທ້າທ້າຍ ແລະ ບັນຫາອື່ນໆ... ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດໃນ 06 ເດືອນຕົ້ນປີ ແລະ ແຜນດັດແກ້ 06 ເດືອນທ້າຍປີ 2020 ເພື່ອໃຫ້ບັນລຸຕາມຄາດໝາຍທີ່ວາງໄວ້.

Image may contain: 3 people

ພ້ອມດຽວກັນນີ້ ຍັງເປັນການເກັບກຳຂໍ້ມູນ, ຊອກຫາວິທີແກ້ໄຂ, ບັນຫາຂໍ້ຫຍຸ້ງຕ່າງໆ ແລະ ຊອກທ່າແຮງລາຍຮັບບົ່ມຊ້ອນຂອງແຂວງ, ພ້ອມທັງກວດກາຄືນການປະຕິບັດຕົວເລກລາຍຈ່າຍຕາມການອະນຸມັດຂອງສະພາແຫ່ງຊາດຂອງແຕ່ລະຂະແໜງການ, ແນ່ໃສ່ການຈັດເກັບລາຍຮັບທີ່ເປັນຈຸດສຸມສະເພາະເປັນຕົ້ນ: ວຽກງານລາຍຮັບ-ລາຍຈ່າຍງົບປະມານ 2020 ແລະ ຂຶ້ນແຜນ 2021, ວຽກງານລາຍຮັບຈາກຂະແໜງສ່ວຍສາອາກອນ, ຂະແໜງພາສີ, ຂະແໜງຄຸ້ມຄອງຊັບສິນຂອງລັດ ແລະ ການເງິນທີ່ລັດລົງທຶນ, ຄ່າທໍານຽມ-ຄ່າບໍລິການ ແລະ ອື່ນໆໃນສົກປີ 2020 ໃຫ້ສອດຄ່ອງງກັບລະບຽບກົດໝາຍ. 

Image may contain: 2 people, people sitting and indoor

ທັງນີ້ ກໍ່ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງການເງິນທີ່ຈະຈັດຂຶ້ນໃນມໍ່ໆນີ້ ແລະ ກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວນຳອີກດ້ວຍ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments