ຮອງປະທານປະເທດລົງເຄື່ອນໄຫວເຮັດວຽກທີ່ແຂວງຫົວພັນ



ໃນວັນທີ 25 ສິງຫາ 2020 ນີ້, ທ່ານ ພັນຄໍາ ວິພາວັນ ຮອງປະທານເທດ ພ້ອມດ້ວຍຄະນະ ໄດ້ສືບຕໍ່ລົງເຄື່ອນໄຫວເຮັດວຽກທີ່ແຂວງຫົວພັນ ແລະ ໄດ້ຮັບການຕ້ອນຮັບຈາກ ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ ເຈົ້າແຂວງໆຫົວພັນ.

Image may contain: 1 person, indoor

ທ່ານ ວັນໄຊ ແພງຊຸມມາ ໄດ້ລາຍງານສະພາບລວມໂດຍຫຍໍ້ ການປະຕິບັດໜ້າທີ່ວຽກງານພາຍໃນແຂວງໃນໄລຍະຜ່ານມາ, ແຂວງຫົວພັນເປັນແຂວງໜຶ່ງ ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະ ການແຜ່ລະບາດຂອງຕັກກະແຕນ ທີ່ທໍາລາຍຜົນລະປູກຂອງປະຊາຊົົນ ເຮັດໃຫ້ເກີດຄວາມເສຍຫາຍ, ການຂະຫຍາຍຕົວຂອງເສດຖະກິດຂອງແຂວງ ພົບຄວາມຫຍຸ້ງຍາກ ສົ່ງຜົນໃຫ້ບໍ່ສາມາດບັນລຸຕາມແຜນການທີ່ວາງໄວ້. ເຖິງຢ່າງໃດກໍຕາມ, ຄະນະນໍາຂອງແຂວງ ກໍໄດ້ເອົາໃຈໃສ່ນໍາພາ ແລະ ຊຸກຍູ້ການຜະລິດຂອງປະຊາຊົນໃຫ້ກຸ້ມພາຍໃນແຂວງ, ສ້າງເງື່ອນໄຂໃຫ້ບັນດາທຸລະກິດສາມາດສ້າງຄວາມເຂັ້ມແຂງດ້ວຍຕົນເອງ ເພິ່ງຕົນເອງໄດ້ ເພື່ອຮັກສາຈັງຫວະການເຕີບໂຕທາງດ້ານເສດຖະກິດ ບໍ່ໃຫ້ຫລຸດໂຕນກັນຫລາຍ, ກໍ່ສ້າງພື້ນຖານໂຄງລ່າງທີ່ມີຄວາມຈໍາເປັນ, ຫັນພະນັກງານລົງກໍ່ສ້າງຮາກຖານຢູ່ຊົນນະບົດ, ຢູ່ເຂດຈຸດສຸມ ແລະ ຫັນວຽກງານປ້ອງກັນຊາດ-ປ້ອງກັນຄວາມສະຫງົບ ເປັນຂອງທົ່ວປວງຊົນຮອບດ້ານເຮັດໃຫ້ແຂວງມີສະຖຽນລະພາບທາງດ້ານການເມືອງ ຮັກສາໄດ້ຄວາມສະຫງົບໂດຍພື້ນຖານ.

Image may contain: 1 person, sitting and indoor

ໃນໂອກາດນີ້, ທ່ານ ພັນຄໍາ ວິພາວັນ ໄດ້ເນັ້ນໜັກໃຫ້ຄະນະພັກ, ອົງການປົກຄອງແຂວງ ສຸມໃສ່ການກະກຽມດຳເນີນກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ໂດຍສະເພາະການກະກຽມເນື້ອໃນ, ບຸກຄະລາກອນ ແລະ ອື່ນໆ ໃຫ້ມີຄວາມພ້ອມຮອບດ້ານ ແລະ ທັນຕາມເວລາທີ່ໄດ້ກຳນົດໄວ້. ນອກຈາກນີ້, ຍັງໄດ້ເນັ້ນໜັກໃຫ້ຄະນະພັກ, ອົງການປົກຄອງທຸກຂັ້ນ ຈົ່ງສືບຕໍ່ປັບປຸງແບບແຜນວິທີນຳພາ ແລະ ແບບແຜນວິທີເຮັດວຽກ ໃຫ້ເຂົ້າສູ່ລະບຽບຫລັກການຢ່າງລະອຽດຈະແຈ້ງ ໂດຍຢຶດໝັ້ນຕາມຫລັກ ການຂອງພັກຢ່າງເຂັ້ມງວດເປັນຕົ້ນ ການຄຸ້ມຄອງລັດ-ຄຸ້ມຄອງເສດຖະກິດ-ສັງຄົມ ໃຫ້ກ້າວເຂົ້າສູ່ການຄຸ້ມຄອງດ້ວຍລະບຽບກົດໝາຍ ໂດຍສອດຫ້ອຍກັບການໂຄສະນາເຜີຍແຜ່ ແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມ, ຕີຖອຍປະກົດການແນວຄິດຄັບແຄບ, ແນວຄິດທ້ອງຖິ່ນ ແລະ ແນວຄິດກຸ່ມກ້ອນ ບໍ່ໃຫ້ເກີດຂຶ້ນພາຍໃນພັກ ແລະ ໃນໝູ່ມະຫາຊົນ, ສືບຕໍ່ປຸກລະດົມຂົນຂວາຍປະຊາຊົນບັນ ດາເຜົ່າ ໃຫ້ເປັນເຈົ້າການເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບ, ຊຸກຍູ້ສົ່ງເສີມການຜະ ລິດເປັນສິນຄ້າ ເພື່ອສ້າງລາຍຮັບ ແລະ ຫລຸດພົ້ນອອກຈາກຄວາມທຸກຍາກ ເທື່ອລະກ້າວ.

Image may contain: 1 person, sitting, flower, table and indoor

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments