ເຈົ້າ​ແຂວງ​ສະ​ຫວັນ​ນະ​ເຂດ ລົງ​ຊຸກ​ຍູ້​ການ​ຜະ​ລິດ​ຂອງ​ປະ​ຊາ​ຊົນ​ເມືອງ​ໄຊ​ພູ​ທອງ


ທ່ານ ສັນຕິພາບ ພົມວິຫານ ເຈົ້າແຂວງໆສະຫວັນນະເຂດ ພ້ອມພະແນກການຂອງແຂວງມີ: ພະແນກກະສິກໍາ ແລະ ປ່າໄມ້ແຂວງ, ກອງບັນຊາການ ປກສ ແຂວງ, ພະ​ແນກອຸດສາຫະກໍາ ແລະການຄ້າແຂວງ ແລະຫ້ອງ ວ່າການປົກຄອງແຂວງ ໄດ້ລົງ ເຄື່ອນໄຫວຊຸກຍູ້ການພັດທະ ນາເສດຖະກິດ-ສັງຄົມພາຍ ໃນເມືອງໄຊພູທອງ ໃນວັນທີ 31 ກໍລະກົດ 2020 ໂດຍທ່ານ ເຈົ້າແຂວງໄດ້ໃຫ້ກຽດພົບປະ ໂອ້ລົມກັບການນໍາຂະແໜງການຕ່າງໆພາຍໃນເມືອງ ຢູ່ຫ້ອງວ່າການປົກຄອງເມືອງ ຊຶ່ງມີທ່ານ ຄໍາວິໄສ ຜຸຍຍະວົງ ເຈົ້າເມືອງໄຊພູທອງໄດ້ລາຍ ງານສະພາບການຕ່າງໆພາຍ ໃນເມືອງຊຶ່ງພາຍຫລັງທີ່ມີ ການຈັດຕັ້ງຜັນຂະຫຍາຍມະຕິ 

Image may contain: 1 person, sitting, child, table and indoor

ກອງປະຊຸມໃຫຍ່ຄັ້ງທີ V ຂອງ ອົງຄະນະພັກເມືອງເຫັນໄດ້ວ່າໃນທົ່ວເມືອງໄຊພູທອງຍັງມີສະ ຖຽນລະພາບທາງດ້ານການເມືອງມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ, ບັນດາປະກົດການຫຍໍ້ທໍ້ຕ່າງໆທີ່ເກີດຂຶ້ນສາມາດແກ້ໄຂໄດ້ເປັນສ່ວນໃຫຍ່, ດ້ານເສດຖະກິດມີການຂະຫຍາຍຕົວໃນ ລະດັບ 5,69%, ລວມຍອດຜະລິດຕະພັນພາຍໃນບັນລຸໄດ້ 814,05 ຕື້ກີບ, ສະເລ່ຍໃສ່ຫົວຄົນບັນລຸໄດ້ 15,4 ລ້ານກີບ, ເທົ່າກັບ 1.855 ໂດລາສະຫະ ລັດ/ຄົນ/ປີ, ໃນນີ້ກະສິກໍາ ແລະ ປ່າໄມ້ເພິ່ມຂຶ້ນ 5,35%, ກວມ 78,88%ຂອງ(ຈີດີີພີ), ອຸດ ສາຫະກໍາ-ຫັດຖະກໍາ ເພີ່ມຂຶ້ນ 9,51%, ກວມ 13,62% ແລະ ບໍລິການເພີ່ມຂຶ້ນ 7,26%, ກວມ ເອົາ 7,50% ຊຶ່ງໃນຜ່ານມາ ເມືອງໄຊພູທອງ ໄດ້ຖືເອົາວຽກ ງານການເມືອງແນວຄິດເປັນ ກົກ ໂດຍເລັ່ງໃສ່ສືກສາອົບຮົມ ການເມືອງແນວຄິດໃນຖັນແຖວພະນັກງານ-ລັດຖະກອນ ແລະ ພໍ່ແມ່ປະຊາຊົນໄດ້ພ້ອມກັນເຊື່ອມຊຶມມະຕິຂອງກອງປະຊຸມໃຫຍ່ ແລະ ພ້ອມກັນຈັດຕັ້ງປະຕິບັດສໍາເລັດເປັນ່ບາດກ້າວສ້າງຄວາມເພິ່ງພໍໃຈພາຍໃນເມືອງສະແດງວ່າ: ສາມາດສ້າງບ້ານໃຫຍ່ຄ້າຍຄືຕົວເມືອງນ້ອຍໃນຊົນນະບົດໄດ້ 4 ບ້ານ ແລະ ສ້າງບ້ານພັດທະນາໄດ້ 40 ບ້ານ, ປະຕິບັດ 100%.

Image may contain: 3 people, people sitting, table and indoor

ໂອກາດດັ່ງກ່າວນີ້, ທ່ານ ສັນຕິພາບ ພົມວິຫານ ໃຫ້ທິດ ຊີ້ແນະຫລາຍບັນຫາຕໍ່ການ ການພັດທະນາພາຍໃນເມືອງ ໄຊພູທອງ ເປັນຕົ້ນແມ່ນໃຫ້ເອົາໃຈໃສ່ຕໍ່ກັບວຽກງານການເມືອງແນວຄິດໂດຍທີ່ວ່າຄະ ນະພັກທຸກຂັ້ນກໍ່ຕ້ອງຖືວຽກງານນີ້ເປັນບັນຫາສໍາຄັນ ແລະ ເປັນບັນຫາກົກຊຶ່ງໄດ້ທໍາການສຶກສາອົບຮົມພະນັກງານ-ລັດຖະກອນກໍ່ຄືພໍ່ແມ່ປະຊາຊົນເຮັດດ້ວຍຫລາຍວິທີເພື່ອເຮັດແນວໃດໃຫ້ເຂົາເຈົ້າໄດ້ເຊື່ອມຊຶມຢ່າງລະອຽດຕໍ່ແນວທາງຂອງພັກຢ່າງຈະແຈ້ງ, ຕໍ່ກັບວຽກງານປ້ອງກັນຊາດ-ປ້ອງ ກັນຄວາມສະຫງົບແມ່ນໃຫ້ອໍໍານາດການປົກຄອງທຸກຂັ້ນຖື ໄດ້ວ່າເປັນພາລະໜ້າທີ່ຂອງທຸກຄົນໂດຍໄດ້ເອົາໃຈໃສ່ຢ່າງແຂງແຮງໃນນີ້ແມ່ນເອົາໃຈໃສ່ໃນການສ້າງບ້ານປ້ອງກັນ ຊາດເຂັ້ມແຂງ, ສ້າງບ້ານ ແລະ ກຸ່ມບ້ານສູ້ຮົບຕິດລ່ຽນຢູ່ກຸ່ມບ້ານທີ 2 ທ່າໂພ, ສ້າງບ້ານປ້ອງກັນຄວາມສະຫງົບ, ບ້ານປອດຢາເສບຕິດ ນອກນັ້ນກໍ່ໃຫ້ມີການຝຶກອົບຮົມຝຶກແອບດ້ານສິລະປະຍຸດ-ຍຸດທະວິທີໃຫ້ແກ່ ອ້າຍນ້ອງໃນກົມກອງ, ກອງ ຮ້ອຍກອງຫລອນ, ຕິດຕາມ ການເຝົ້າລະວັງພະຍາດໂຄວິດ-19 ຕະຫລອດຮອດການສ້າງບ້ານປະຕິບັດກົດໝາຍ ແລະໜ່ວຍແກ້ໄຂຂໍ້ຂັດແຍ່ງຂັ້ນບ້ານໃຫ້ເຂົາເຈົ້າໄດ້ປະຕິບັດຕາມສິດໜ້າທີ່ພາລະບົດບາດໄດ້ເປັນຢ່າງດີ. 

Image may contain: 10 people, people standing, sky, child and outdoor

ຕໍ່ກັບການຜະລິດກະສິກໍາເຫັນວ່າເມືອງໄຊພູທອງປັກດໍານາປີໄດ້ 62,3% ຂອງຈໍານວນເນື້ອທີ່ ນາ 14.100 ກວ່າເຮັກຕາ ໃນນີ້ມີນາຢອດ 25%, ນາຫວ່ານ 15% ແລະນາດໍາ 20 ກວ່າສ່ວນຮ້ອຍເຫັນວ່າຫລ້າຊ້າ ອາດຈະເປັນຍ້ອນຝົນຕົກບໍ່ຕໍ່ເນື່ອງເກີດສະພາບແຫ້ງແລ້ງບວກກັບດ້ວງງວງ, ພະຍາດເຫງົ້າເນົ່າ ແລະ ເປັນເພັຍໄຟທໍາລາຍແຕ່ກໍ່ຕ້ອງໃຫ້ອໍານາດການປົກຄອງເມືອງສົມທົບກັບພາກສ່ວນກ່ຽວຂ້ອງ ແລະ ປະຊາຊົນແຕ່ລະທ້ອງຖິ່ນໄດ້ຫັນວິທີການຜະລິດແບບໃຫມ່ເປັນຕົ້ນແມ່ນຕ້ອງຫາພືດທີ່ໃຊ້ນໍ້າໜ້ອຍໂດຍຊີ້ແນະໃຫ້ການ ນຳໄດ້ລົງຊຸກຍູ້ປະຊາຊົນມາທໍາການປູກພືດທາດແປ້ງຕ່າງໆຫລາຍຂຶ້ນຊຶ່ງອາດຈະເປັນການແກ້ໄຂຕໍ່ກັບໄພແຫ້ງແລ້ງກໍ່ຄືໄພນໍ້າຖ້ວມ, ໃນເມື່ອຫາກການສະຫນອງນໍ້າໃຫ້ການຜະລິດບ່ໍພຽງພໍກໍ່ໃຫ້ຂະແໜງການກ່ຽວຂ້ອງສຸມໃສ່ພັດທະນາ ແລະ ສ້າງແຫລ່ງນໍ້າ ເພື່ອເຮັດແນວໃດໃຫ້ເປັນການພິກໂອກາດສະໜອງພືດຜະລິດກະສິກໍາໃຫ້ໄດ້ຂາຍເປັນສິນຄ້າ ເຮັດໃຫ້ການປູກ-ການລ້ຽງ ພາຍໃນເມືອງໄຊພູທອງໂດດ ເດັ່ນໃນຍາມເກີດວິກິດຄືໃນປີ ນີ້, ສ່ວນຂໍ້ສະເໜີຕ່າງໆທີ່ທາງເມືອງສະເໜີກໍ່ແມ່ນໃຫ້ຂະແໜງການກ່ຽວຂ້ອງໄດ້ໄປຄົ້ນຄວ້າ ຈັດຕັ້ງປະຕິບັດເປັນຕົ້ນແມ່ນການຂຶ້ນສໍາມະໂນຄົວ ແລະ ອອກບັດແມ່ນໃຫ້ປກສ ແຂວງລົງສົມທົບກັບເມືອງໄດ້ຈັດຕັ້ງ ປະຕິບັດຢູ່ກັບທ້ອງຖິ່ນໂລດ ແລະ ໃຫ້ມີການຄຸ້ມຄອງຂຶ້ນທະບຽນເລື່ອງເຮືອຈັກ, ການປັບ ປຸງອ່າງເກັບນໍ້າ, ການກໍ່ສ້າງຫົວງານ ແລະການກໍ່ສ້າງຕະຫລາດ ຖາວອນທີ່ບໍລິເວນເດີ່ນພຣະທາດໂຜ່ນ ແຕ່ປະກົດວ່າມີມູນຄ່າລາຄາສູງທາງເມືອງກໍ່ບໍ່ສາມາດຮັບໄດ້ ແລະ ບັນຫາອື່ນໆ.




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments