ປະກາດການແຕ່ງຕັ້ງ ແລະ ໂຍກຍ້າຍ ພະນັກງານນຳພາຄຸ້ມຄອງບາງຂະແໜງການອ້ອມຂ້າງເມືອງໂພນທອງ



ວັນທີ່ 20 ສິງຫາ ປີ 2020 ທີ່ສະໂມສອນໃຫ່ຍຂອງເມືອງໂພນທອງ ໄດ້ຈັດພິທີປະກາດການແຕ່ງຕັ້ງ-ໂຍກຍ້າຍ ພະນັກງານນຳພາຄຸ້ມຄອງ ບາງຂະແໜງການຂອງເມືອງ ໂດຍເປັນປະທານຂອງ ທ່ານ ບຸນຈັນ ປານຟອງເພັດ ເລຂາພັກເມືອງ ເຈົ້າເມືອງໂພນທອງ ມີຫົວໜ້າ-ຮອງຫົວໜ້າຫ້ອງການ ແລະພັກນັກງານລັດຖະກອນອ້ອມຂ້າງເມືອງເຂົ້າຮ່ວມ. 


Image may contain: 5 people, people sitting, table and indoor


ພິທີ ທ່ານ ນາງ ເພັດສະໝອນ ທຳມະຈັນ ຮອງຫົວໜ້າຄະນະຈັດຕັ້ງເມືອງໄດ້ຜ່ານມະຕິຕົກລົງຂອງຄະນະປະຈຳພັກເມືອງວ່າດ້ວຍການແຕ່ງຕັ້ງ ທ່ານ ທອງດີ ດວງພະຈັນ ຮອງເລຂາພັກເມືອງ ເປັນຫົວໜ້າຄະນະຈັດຕັ້ງເມືອງ, ທ່ານ ແຕ່ງທອງ ໄຊຍະທິ ກຳມະການປະຈຳພັກເມືອງຫົວໜ້າຄະນະຈັດຕັ້ງເມືອງ, ໄປປະຈຳການຢູ່ຫ້ອງວ່າການປົກຄອງເມືອງ, ທ່ານ ອຳຄາ ແກ້ວອຳພອນ ກຳມະການປະຈຳພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງໄປປະຈຳຢູ່ຫ້ອງວ່າການປົກຄອງເມືອງ


Image may contain: 1 person, indoor


ທ່ານ ຝົງລໍດົວປໍ່ ກຳມະການພັກເມືອງ, ປະທານກຳມະບານເມືອງ, ປະຈຳຢູ່ຫ້ອງການໂຄສະນາອົບຮົມເມືອງ. ໂອກາດນີ້ ທ່ານ ບຸນຈັນ ປານຟອງເພັດໄດ້ເນັ້ນໜັກໃຫ້ຜູ້ທີໄດ້ຮັບການແຕ່ງຕັ້ງ ແລະ ສັບຊ້ອນບ່ອນປະຈຳການໃນຄັ້ງນີ້ຈົ່ງສືບຕໍ່ເພີ່ມທະວີຄວາມຮັບຜິດຊອບ ຕໍ່ການຊີ້ນຳ-ນຳພາວຽກງານຕາມໜ້າທີ ແລະ ພາລະບົດບາດຂອງວຽກງານທີ່ໄດ້ຮັບການມອບໝາຍຢ່າງມີແຜນການ, ຕາມຫຼັກການລວມສູນປະຊາທິປະໄຕ ເຮັດວຽກເປັນໝູຄະນະ, ພ້ອມດຽວກັນນີ້ ຕ້ອງໄດ້ຄົ້ນຄ້ວາຮຽນຮູ້ນິຕິກຳແນວທາງນະໂຍບາຍຂອງພັກ ແຜນພັດທະນາວຽກງານ ເພື່ອນຳໄປຈັດຕັ້ງຜັນຂະຫຍາຍ ເຂົ້າໃນວຽກງານ ເປັນແຜນການ, ໂຄງການຢ່າງລະອຽດ ສຸມໃສ່ຈັດຕັ້ງປະຕິບັດວຽກງານ ຂອງບັນດາຂະແໜງການ ຕາມມະຕິກອງປະຊຸມໃຫ່ຍຄັ້ງທີ Il ຂອງອົງຄະນະພັກເມືອງ ວາງອອກໃຫ້ໄດ້ຮັບຜົນດີ ທ່ານກ່າວຕື່ມວ່າ: ການສັບຊ້ອນ ບ່ອນປະຈຳການ ແລະມອບ-ຮັບໜ້າທີໃນຄັ້ງນີ້ ແມ່ນປະຕິບັດຕາມມະຕິກອງປະຊຸມໃຫ່ຍຄັ້ງທີ Il ຂອງອົງຄະນະພັກເມືອງ ແລະປະຕິບັດຕາມຫຼັກການ ໃນການສັບປ່ຽນວຽກງານ ຕາມຄວາມຮຽກຮ້ອງຕ້ອງການຂອງໜ້າທີວຽກງານໃນໄລຍະໃໝ່.


Image may contain: 4 people, people standing and indoor


Image may contain: 1 person, sitting and indoor


ຂ່າວ: ສົມເພັດ ມີໄຊກອນ ນັກຂ່າວເມືອງໂພນທອງ



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments