ມອບ-ຮັບ​ໜ້າ​ທີ່​ຫົວ​ໜ້າ​ການ​ເມືອງກອງ​ບັນ​ຊາ​ການ​ທະ​ຫານ​ແຂວງ​ສະ​ຫວັນ​ນະ​ເຂດ ຜູ້​ເກົ່າ ແລະ ຜູ້​ໃໝ່


ໃນວັນທີ 29 ກໍລະກົດ 2020 ນີ້, ຢູ່ທີ່ສະໂມສອນກອງ ບັນຊາການທະຫານແຂວງໄດ້ ຈັດພິທີມອບ-ຮັບໜ້າທີ່ຫົວໜ້າການເມືອງຂອງກອງບັນຊາການທະຫານແຂວງສະຫວັນນະເຂດລະຫວ່າງຜູ້ເກົ່າ ແລະ ຜູ້ໃໝ່ ໂດຍເປັນກຽດເຂົ້າຮ່ວມຂອງສະຫາຍ ສັນຕິພາບ ພົມວິ ຫານກຳມະການສູນກາງພັກເລຂາພັກແຂວງເຈົ້າແຂວງສະຫວັນນະເຂດ, ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງຮອງຫົວໜ້າກົມໃຫຍ່ການເມືອງກອງທັບພ້ອມຄະນະກົມທີ່ກ່ຽວຂ້ອງ, ມີບັນດາສະຫາຍ ຄະນະພັກ-ຄະນະບັນຊາ, ພະແນກການຈາກອົງການ 5 ຫ້ອງ, ກົມກອງອ້ອມຂ້າງກອງບັນຊາການທະຫານແຂວງ ແລະ ແຂກຖືກເຊີນເຂົ້າຮ່ວມ.

Image may contain: 12 people, people standing and indoor

ໃນພິທີ, ສະຫາຍ ພົນຈັດຕະວາ ຈະເລີນ ວົງວິໄຊ ຫົວໜ້າການເມືອງ ກອງບັນຊາການທະຫານແຂວງ ສະຫວັນນະເຂດ (ຜູ້ເກົ່າ) ໄດ້ຂຶ້ນລາຍງານການປະຕິບັດວຽກງານຮອບດ້ານໃນການຊີ້ນຳໆພາຂອງຕົນໄລຍະຜ່ານມາໂດຍຫຍໍ້ພ້ອມທັງກ່າວມອບໜ້າທີ່ຢ່າງເປັນທາງການ. ຈາກນັ້ນ, ສະຫາຍ ພັນເອກ ສີ ທະວີໄຊ ວ່າການຫົວໜ້າການເມືອງກອງບັນຊາການທະຫານແຂວງສະຫວັນນະເຂດ (ຜູ້ໃໝ່) ໄດ້ຂຶ້ນກ່າວຮັບໜ້າທີ່ໃຫມ່ພ້ອມໃຫ້ຄຳໝັ້ນສັນຍາວ່າຈະສືບຕໍ່ຊີ້ນຳ-ນຳພາກອງບັນຊາການທະຫານແຂວງສະຫວັນນະເຂດໃຫ້ມີໃບໜ້າອັນໃຫມ່ ແລະ ຈະນຳເອົາບົດຮຽນທີ່ດີຂອງສະຫາຍນຳໄປເຊື່ອມຊຶມເຂົ້າໃນໜ້າທີ່ວຽກງານການຊີ້ນໍາໆພາຂອງຕົນໃຫ້ເກີດດອກອອກຜົນ.













------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments