ສວສ ເຜີຍແຜ່ຜົນການປະເມີນການປະຕິບັດໜ້າທີ່ຂອງພະນັກງານສະມາຊິກພັກຜູ້ທີ່ມີຕຳແໜ່ງບໍລິຫານ


ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ ໄດ້ຈັດກອງປະຊຸມເຜີຍແຜ່ຜົນການປະເມີນການປະຕິບັດໜ້າທີ່ວຽກງານຂອງພະນັກງານສະມາຊິກພັກຜູ້ທີ່ມີຕຳແໜ່ງບໍລິຫານ (ສົກປີ 2019-2020) ແລະ ວຽກງານກໍ່ສ້າງ ແລະ ປັບປຸງພັກຕາມທິດກໍ່ສ້າງໜ່ວຍພັກປອດໄສ, ເຂັ້ມແຂງ ແລະ ໜັກແໜ້ນ ເມື່ອວັນທີ 14 ສິງຫາ ຜ່ານມາ ທີ່ສະຖາບັນດັ່ງກ່າວ, ໂດຍພາຍໃຕ້ການເປັນປະທານຂອງສະຫາຍ ປອ ອ່ອນແກ້ວ ນວນນະວົງ ຄະນະພັກ ກະຊວງສຶກສາທິການ ແລະ ກິລາ, ຜູ້ອຳນວຍການ ສະຖາບັນຄົ້ນຄວ້າວິທະຍາສາດການສຶກສາ, ມີສະຫາຍ ສຸກສະຫວັນ ພອນເທວາ ເລຂາຄະນະພັກຮາກຖານສະຖາບັນ, ຮອງຜູ້ອຳນວຍການ ສະຖາບັນຄົ້ນຄວ້າວິທະຍາສາດການສຶກສາ, ພ້ອມດ້ວຍຄະນະພັກຮາກຖານ, ເລຂາໜ່ວຍພັກ, ຄະນະໜ່ວຍ, ຫົວໜ້າ-ຮອງຫົວໜ້າຈຸ, ສະມາຊິກພັກ ຕະຫຼອດຮອດພະນັກງານເຂົ້າຮ່ວມ.


Image may contain: 1 person, sitting and indoor


ໃນໂອກາດດັ່ງກ່າວ, ສະຫາຍ ປອ ອ່ອນແກ້ວ ນວນນະວົງ ໄດ້ກ່າວວ່າ: ການຈັດກອງປະຊຸມຄັ້ງນີ້, ແມ່ນເພື່ອເປັນການເຜີຍແຜ່ຜົນການປະເມີນການປະຕິບັດໜ້າທີ່ວຽກງານຂອງພະນັກງານ ສະມາຊິກພັກຜູ້ທີ່ມີຕຳແໜ່ງບໍລິຫານ (ສົກປີ 2019-2020) ແລະ ວຽກງານກໍ່ສ້າງ ແລະ ປັບປຸງພັກຕາມທິດກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ຊຶ່ງການປະຕິບັດໜ້າທີ່ວຽກງານໄລຍະຜ່ານມາໃນແຕ່ລະດ້ານພາຍໃນສະຖາບັນຖືວ່າສະມາຊິກພັກ ແລະ ພະນັກງານທີ່ມີຕຳແໜ່ງບໍລິຫານທຸກສະຫາຍແມ່ນມີພາລະບົດບາດທີ່ສຳຄັນເປັນຫົວຈັກຫຼັກແຫຼ່ງໃນການປະຕິບັດໜ້າທີ່ຂອງຕົນເອງ. ສະນັ້ນ, ເພື່ອເຮັດວຽກງານຂອງຕົນມີຄວາມກ້າວໜ້າຈະຕ້ອງໄດ້ມີການປັບປຸງການຈັດຕັ້ງ ແລະ ປັບປຸງຕົນເອງໄປໃນແຕ່ລະໄລຍະເພື່ອພັດທະນາຕົນເອງ, ປັບປຸງຕົນເອງເຂົ້າໃນກົງຈັກການຈັດຕັ້ງທີ່ໄດ້ກຳນົດໄວ້ໃນກົດລະບຽບຂອງພັກ ແລະ ກົດໝາຍຂອງລັດຖະກອນ.


Image may contain: 6 people, crowd and indoor


ຂະນະດຽວກັນນີ້, ສະຫາຍ ປອ ອ່ອນແກ້ວ ນວນນະວົງ ຍັງກ່າວຕື່ມອີກວ່າ: ຜູ້ເຂົ້າຮ່ວມຕ້ອງຖືເປັນວຽກງານທີ່ສຳຄັນ ເພື່ອຈະໄດ້ປະເມີນເຂົ້າໃນການປັບປຸງການຈັດຕັ້ງບຸກຄະລາກອນ, ປະເມີນເພື່ອແຕ່ງຕັ້ງໃໝ່ ຫຼື ແຕ່ງຕັ້ງຄືນຕ່າງໆ, ຜູ້ເຂົ້າຮ່ວມທົບທວນຄືນວຽກງານຂອງແຕ່ລະພາກສ່ວນ, ຜ່ານມາການຈັດຕັ້ງປະຕິບັດວຽກງານໄດ້ມີຈຸດດີ, ຈຸດອ່ອນ ແລະ ຂໍ້ຄົງຄ້າງແນວໃດພ້ອມກັນສົ່ງເສີມຈຸດດີ ແລະ ແກ້ໄຂຂໍ້ຄົງຄ້າງຕ່າງໆ ເພື່ອພັດທະນາວຽກງານ, ຊຶ່ງການຄົ້ນຄວ້າໃນແຕ່ລະກຸ່ມແມ່ນໃຫ້ເອົາໃຈໃສ່ໃນການປະກອບຄຳຄິດເຫັນຕ້ອງມີຄວາມກ້າຫານ, ຕ້ອງເວົ້າຕາມຄວາມຈິງ ແລະ ສຸພາບ. ສ່ວນຜູ້ທີ່ຖືກປະກອບຄຳເຫັນແມ່ນໃຫ້ເປີດກ້ວງ, ຮັບເອົາການປະກອບຄຳເຫັນຈາກໝູ່ຄະນະເພື່ອນຳໄປພິຈາລະນາ ແລະ ປັບປຸງຕົນເອງ.


Image may contain: 1 person, sitting and indoor


ສຳລັບກອງປະຊຸມຄັ້ງນີ້, ຜູ້ເຂົ້າຮ່ວມໄດ້ແບ່ງກຸ່ມຕາມໜ່ວຍພັກ ເພື່ອດຳເນີນການເຜີຍແຜ່, ຄົ້ນຄວ້າ ແລະ ປະກອບຄຳເຫັນກ່ຽວກັບຜົນການປະເມີນການປະຕິບັດໜ້າທີ່ວຽກງານຂອງພະນັກງານຜູ້ທີ່ມີຕຳແໜ່ງບໍລິຫານ, ເລຂາໜ່ວຍພັກ-ຫົວໜ້າກຸ່ມສະເໜີຜ່ານຄະແນນລວມ, ຄະແນນສະເລ່ຍ, ການຈັດປະເພດ, ຈຸດດີ ແລະ ຂໍ້ຄົງຄ້າງທີ່ຈະປັບປຸງແກ້ໄຂໃນຕໍ່ໜ້າຂອງແຕ່ລະຄົນທີ່ເປັນສະມາຊິກຂອງກຸ່ມສູ່ກຸ່ມຟັງ, ສະມາຊິກໃນກຸ່ມປະກອບຄວາມເຫັນໃສ່ຜົນການປະເມີນຂອງຜູ້ທີ່ໄດ້ຮັບການເຜີຍແຜ່ຜົນການປະເມີນໃນເວລານັ້ນ, ເຈົ້າຂອງໃບປະເມີນມີຄວາມເຫັນຕໍ່ຜົນການປະເມີນຂອງຕົນເອງ ແລະ ການປະກອບຄວາມເຫັນຂອງສະມາຊິກໃນກຸ່ມ ເພື່ອນຳໄປປັບປຸງແກ້ໄຂໃນຕໍ່ໜ້າ. ຫຼັງຈາກນັ້ນ, ເລຂາໜ່ວຍພັກ-ຫົວໜ້າກຸ່ມສະຫຼຸບ.


Image may contain: 6 people, crowd and indoor


ນອກຈາກນັ້ນ, ໃນກອງປະຊຸມຍັງໄດ້ສະເໜີເອກະສານກ່ຽວກັບວຽກງານກໍ່ສ້າງ ແລະ ປັບປຸງພັກຕາມທິດສ້າງໜ່ວຍພັກປອດໃສ່, ເຂັ້ມແຂງ ແລະ ໜັກແໜ້ນຂອງກະຊວງ ແລະ ສະຖາບັນຄົ້ນຄວ້າວິທະຍາສາດການສຶກສາ; ແບ່ງກຸ່ມເປັນ 3 ກຸ່ມ ເພື່ອດຳເນີນການຄົ້ນຄວ້າກ່ຽວກັບການສ້າງໜ່ວຍພັກປອດໃສ, ເຂັ້ມແຂງ, ໜັກໜ້ນ ແລະ ວຽກງານກວດກາພັກຕາມຄຳຖາມເຈາະຈີ້ມ ແລ້ວຂຶ້ນສະເໜີຜົນການຄົ້ນຄວ້າ ພ້ອມທັງເປີດຂະບວນການແຂ່ງຂັນສ້າງຂະບວນການ.

ຂ່າວໂດຍ:  ບົວລະພາ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments