ຝຶກອົບຮົມສ້າງຄວາມເຂັ້ມແຂງການຄຸ້ມຄອງ-ຈັດການສິ່ງເສດເຫຼືອໃນເທດສະບານ ເມືອງເຟືອງ ແຂວງວຽງຈັນ.



ໄລຍະວັນທີ 15-16 ສິງຫາ 2020 ຜ່ານມານີ້ ຢູ່ທີ່ສະໂມສອນເມືອງເຟືອງ ມີ ທ່ານ ຮສ ແກ່ນຈັນ ສີສຸພັນ ຄະນະບໍດີ ຄະນະວິທະຍາສາດ ສິ່ງແວດລ້ອມ, ມີ ທ່ານ ປອ ໄມດົມ ຈັນທະນະສິນ ປະທານສະພາພາກປະຊາຊົນ ທີ່ປຶກສາອາວຸໂສຂອງຄະນະວິທະຍາສາດສິ່ງແວດລ້ອມ ພ້ອມດ້ວຍຄະນະ ແລະທີມງານຈາກຫ້ອງການກອງທຶນປົກປັກຮັກສາສິ່ງແວດລ້ອມ ມະຫາວິທະຍາໄລແຫ່ງຊາດ ໄດ້ລົງສົມທົບກັບຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງເຟືອງ 


Image may contain: 2 people, people standing, flower and indoor


ເພຶ່ອຈັດຝຶກອົບຮົມວຽກງານຄຸ້ມຄອງສິ່ງເສດເຫຼືອຢູ່ເມືອງເຟືອງ. ໂດຍການເປັນກຽດເຂົ້າຮ່ວມຂອງ ທ່ານ ບຸນແພງ ແສງເພັດມະນີວົງ ຮອງເລຂາພັກພັກເມືອງ ປະທານກວດກາພັກ ເມືອງ, ມີບັນດາຫົວໜ້າໜ້າຫ້ອງການ, ພະນັກງານຫ້ອງການ, ນາຍບ້ານອ້ອມຂ້າງເມືອງ ໄດ້ພ້ອມກັນເຂົ້າຮ່ວມທັງໝົົດ 65 ທ່ານ, ຍິງ 12 ທ່ານ.


Image may contain: 8 people, people sitting, table and indoor


Image may contain: 11 people, people sitting, table and indoor


ຈຸດປະສົົງເພຶ່ອເປັນການຄົ້ນຄ້ວາ, ແລກປ່ຽນບົດຮຽນ, ຝຶກອົບຮົມສ້າງຄວາມເຂັ້ມແຂງ ໃນການຄຸ້ມຄອງ ຈັດການສິ່ງເສດເຫຼືອ(ຂີ້ເຫຍື້ອ) ໃນເທດສະບານເມືອງເຟືອງ ໃຫ້ແກ່ອົງການຈັດຕັ້ງຂັ້ນເມືອງ ແລະບ້ານພາຍໃນເມືອງ, ທັງເປັນການຈັດຕັ້ງປະຕິບັດກິດຈະກຳຍ່ອຍ ອັນໜຶ່ງຂອງໂຄງການ ສ້າງສູນການສຶກສາສິ່ງແວດລ້ອມ ແລະການພັດທະນາ ຂອງຄະນະວິທະຍາສາດ ມະຫາວິທະຍາໄລແຫ່ງຊາດ ຢູ່ທີ່ເມືອງເຟືອງ. ສຳລັບໂຄງການນີ້ແມ່ນໄດ້ຮັບທຶນສະໜັັບສະໜູນຈາກຫ້ອງການກອງທຶນ ປົກປັກ ຮັກສາສິ່ງແວດລ້ອມ ກະຊວງຊັບພະຍາກອນທຳມະຊາດ ແລະສິ່ງແວດລ້ອມ.


Image may contain: 7 people, people sitting and indoor


Image may contain: 6 people, people sitting, table and indoor


ຜູ້ເຂົ້າຮ່ວມໄດ້ຮຽນຮູ້ຮູບແບບການກຳຈັດຂີ້ເຫຍື້ອ, ວິທີການໝູນໃຊ້ຂີ້ເຫຍື້ອມານຳໃຊ້ໃໝ່, ວິທີເຮັດຖ່າຍຊີວະພາບຈາກສິ່ງເສດເຫຼືອ, ປະເພດຂີ້ເຫຍື້ອ, ທີ່ມາ ແລະບັນຫາທີ່ເກີດຈາກຂີ້ເຫຍື້ອ, ລະບົບການເກັບຂີ້ເຫຍື້ອ, ການແຍກ ແລະການຝັງຖົມຂີ້ເຫຍື້ອ. ຂັ້ນຕອນໃນການຝຶກອົບຮົມ ຄະນະຮັບຜິດຊອບໄດ້ຜັດປ່ຽນກັນຂື້ນອະທິບາຍແຕ່ລະບົດ, ແຕ່ລະຫົວຂໍ້ຢ່າງລະອຽດ, ມີການນຳສະເໜີ ແລກປ່ຽນບົດຮຽນ ປະສົບການ ບັນຫາການຄຸ້ມຄອງຂີ້ເຫຍື້ອຢ່າງຫລາກຫລາຍບັນຫາ, ບັນດາຊ່ຽວຊານອາວຸໂສກໍໄດ້ຊີ້ນຳ ແລກປ່ຽນດ້ານເຕັກນິກວິຊາການຄຸ້ມຄອງການຈັດການຂີ້້ເຫຍື້ອທີ່ມີປະໂຫຍດ ເຮັດໃຫ້ຜູ້ທີ່ເຂົ້າຮ່ວມໄດ້ມີຄວາມສົນໃຈ ໃນການສົນທະນາດ້ວຍບັນຍາກາດອັນຟົດຟື້ນ. 


Image may contain: 1 person, flower and indoor


Image may contain: 3 people, people sitting, table and indoor

ພາຍຫຼັງສຳເລັດການຝຶກອົບຮົບຢູ່ຂັ້ນເມືອງແລ້ວທຸກພາກສ່ວນພາຍໃນເມືອງ ຈະຕ້ອໄດ້ນຳເອົາບົດຮຽນດັ່ງກ່າວນີ້ໄປຈັດຕັ້ງຜັນຂະຫຍາຍຢູ່ໃນຂົງເຂດ ຄວາມຮັບຜິດຊອບໃຫ້ປະກົດຜົນເປັນຈິງຕຶ່ມ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments