ໂຮງໝໍແຂວງສາລະວັນສະຫຼຸບວຽກງານ 6 ເດຶອນຕົ້ນປີ ແລະ ວາງທິດທາງແຜນການ 6 ເດຶອນທ້າຍປີ 2020





ໃນວັນທີ 19 ສິງຫາ 2020 ນີ້ໂຮງໝໍແຂວງສາລະວັນໄດ້ຈັດກອງປະຊຸມສະຫຼຸບວຽກງານປິ່ນປົວ ແລະ ຟື້ນຟູໜ້າທີ່ການ 6 ເດຶອນຕົ້ນປີ ແລະວາງທິດທາງ 6 ເດຶອນທ້າຍປີ 2020 ຂື້ນຢູ່ທີ່ຫ້ອງປະຊຸມໂຮງໝໍແຂວງໂດຍການເປັນປະທານຂອງທ່ານ ດຣ ວັນທອງ ບຸນວິໄລ ຜູ້ອຳນວຍການໂຮງໝໍແຂວງສາລະວັນ, ເປັນກຽດເຂົ້າຮ່ວມໂດຍທ່ານ ດຮ ຄຳຄ້າຍ ຄຳສິງສະຫວັດ ຮອງຫົວໜ້າພະແນກສາທາລະນະສຸກແຂວງ, ມີບັນດາທ່ານ ຫົວໜ້າໜ່ວຍງານ, ຮອງໜ່ວຍງານພາຍໃນໂຮງໝໍ, ໂຮງຮຽນສູນຝຶກອົບຮົມສຸກຂະພາບຂັ້ນຕົ້ນ ແລະຂະແໜງປິ່ນປົວຈາກພະແນກສາທາລະນະສຸກແຂວງເຂົ້າຮ່ວມ

Image may contain: 2 people, people sitting


ທ່ານ ດຣ ສົມໝາຍ ແກ້ວມະນີ ຮອງຜູ້ອຳນວຍການໂຮງໝໍແຂວງກໍ່ໄດ້ໃຫ້ກຽດຂື້ນຜ່ານບົດສະຫຼຸບລາຍງາຍການເຄື່ອນໄຫວແຜນງານປິ່ນປົວ ແລະຟື້ນຟູໜ້າທີ່ການໃນໄລຍະ 6 ເດຶອນຜ່ານມາພ້ອມທັງວາງທິດທາງໃນຕໍ່ໜ້າ, ໂຮງໝໍແຂວງສາລະວັນຕັ້ງຢູ່ຈຸດ ບ້ານໂພນແກ້ວ ເມືອງສາລະວັນ, ໄດ້ສ້າງຕັ້ງຂື້ນໃນປີ 1980 ປະກອບມີ 100 ຕ້ຽງ, ມີ 9 ຕຶກນອນປິ່ນປົວຄື: ພາຍໃນ 1, ພາຍໃນ 2, ວັນນະໂລກ, ພາຍນອກ, ອອກລູກພະຍາດຍິງ, ຕຶກເດັກ, ມໍລະສຸມ, ກາຍຍະບຳບັດ, ຕຶກແຍກປ່ຽວ Covid-19 ແລະໜ່ວຍງານອື່ນໆ

Image may contain: 3 people, people sitting, table and indoor

ພາຍໃນໂຮງໝໍແຂວງມີພະນັກງານທັງໝົດ 193 ຄົນ, ພະນັງານສົມບູນມີ 124 ຄົນ ແລະອາສາສະໜັກ 69 ຕົນ, ໃນ 6 ເດຶອນຕົ້ນປີມີຄົນເຈັບເຂົ້າມາປິນປົວ ແລະກວດຄື: ກວດກເຂດນອກມີ 38 ພັນກວ່າເທື່ອຄົນ, ມີຄົນເຈັບນອນໂຮງໝໍ 5 ພັນກວ່າເທື່ອຄົນ, ປິ່ນປົວດີ 4 ພັນກວ່າເທື່ອຄົນ, ຍັງປິນປົວ 264 ເທື່ອຄົນ, ສົ່ງຕໍ່ຕ່າງແຂວງ 150 ເທື່ອຄົນ, ສົ່ງຕໍ່ຕ່າງປະເທດ 2 ເທື່ອຄົນ

Image may contain: 4 people, people sitting, table and indoor

ພະຍາດສ່ວນໃຫຍ່ທີ່ກວດພົບແມ່ນອັກເສັບຄໍ, ອັກເສັບປອດ, ໄຂ້ຫວັດ, ຖອກທ້ອງ, ກະເພາະອັກເສັບ ແລະອື່ນໆ, ນອກຈາກນັ້ນຍັງໄດ້ປະຕິບັດກິດຈະກຳ 5 ສ ( ສ ສະຫວ່າງ, ສ ສະດວກ, ສ ສະອາດ, ສ ສຸຂະລັກສະນະ ແລະສ ສ້າງເປັນນິໄສ ) ທິດທາງຕໍ່ໜ້າສ້າງໂຮງໝໍແຂວງໃຫ້ກາຍເປັນໂຮງໝໍທີ່ເຂັ້ມແຂງໃນການບໍລິຫານຄຸ້ມຄອງ, ການບໍລິການທາງດ້ານການແພດ, ມີຄຸນນະພາບ, ສະເໜີພາບ ແລະຍຸດຕິທຳ, ຍົກສູງບົດບາດການນຳພາ, ປັບປຸງລະບົບການຈັດຕັ້ງ, ຊັບຊ້ອນປ່ຽນແທນໜ້າທີ່ຕຳແໜງໃຫ້ຖືກຕ້ອງສອດຄ່ອງກັບຄວາມຮູ້ຄວາມສາມາດ, ສຶກສາອົບຮົມການເມືອງ-ແນວຄິດໃນພະນັກງານແພດໝໍ ແລະພະຍາບານໃຫ້ມີຄວາມຮັບຜິດຊອບສູງຕໍ່ໜ້າທີ່ວີຊາສະເພາະຂອງຕົນ 

Image may contain: 2 people, outdoor

ຮັບປະກັນຄຸນນະພາບການບໍລິການໃຫ້ໄດ້ຕາມນະໂຍບາຍ 5 ດີ, 1 ພໍໃຈຂອງກະຊວງສາທາລະນະສຸກໃຫ້ດີຂື້ນເທື່ອລະກ້າວ, ສູ້ຊົນປະຕິບັດຄຳຂັວນທີ່ວ່າ: ຍີ້ມແຍ້ມແຈ່ມໃສ ບໍລິການວອງໄວໃສ່ໃຈຄຸນນະພາບ ແລະມີຄວາມຍຸດຕິທຳ, ພ້ອມທັງຫຼຸດຜ່ອນອັດຕາການຕາຍໃນໂຮງໝໍໃຫ້ຕໍ່າກວ່າ 0,1% ແລະການໃຊ້ຢາສົມເຫດສົມຜົນໃຫ້ສູງກວ່າ 85%
























------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments