ນະຄອນໄກສອນ ພົມວິຫານ ພົບກໍລະນີໄຂ້ຍຸງລາຍ 68ກໍລະນີ


ໃນຕອນເຊົ້າຂອງວັນທີ 21ສິງຫາ 2020 ນີ້, ຢູ່ທີ່ຫ້ອງການປົກຄອງບ້ານຊອກ ນະຄອນ ໄກສອນ ພົມວິຫານ ແຂວງສະຫວັນນະເຂດ ໄດ້ເປີດຂະບວນການສ້າງຂະບວນການທຳລາຍແຫຼ່ງເພາະພັນໜອນນ້ຳຍຸງລາຍຢູ່ຕາມສະຖານທີ່ຕ່າງໆຂອງບ້ານ,ການສ້າງຂະບວນການໃນຄັ້ງນີ້ນໍາໂດຍ ທ່ານ ແຖ່ນແກ້ວ ພົມບິດາ ຮອງເຈົ້ານະຄອນ ໄກສອນ ພົມວິຫານ ຜູ້ຊີ້ນຳວຽກງານຂົງເຂດວັດທະນະທຳສັງຄົມ, ມີ ຮອງຫົວໜ້າຫ້ອງການສາທາລະນະສຸກນະຄອນພ້ອມທີມແພດຈາກໜ່ວຍງານລະບາດວິທະຍານະຄອນ , ອໍານາດການປົກຄອງບ້ານ ແລະປະຊາຊົນບ້ານຊອກເຂົ້າຮ່ວມນໍາ.

Image may contain: 2 people, people sitting and indoor

ເຊິ່ງ ໃນປັດຈຸບັນນີ້, ກໍ່ແມ່ນລະດູຝົນ ເປັນລະດູທີ່ຍຸງມີການແຜ່ພັນ ແລະ ແຜ່ເຊື້ອພະຍາດໄດ້ດີ ໂດຍສະເພາະນະຄອນກໍ່ໄດ້ມີການລະບາດຂອງເຊື່ອພະຍາດໄຂ້ເລືອດອອກຈໍານວນ 29ບ້ານ ມີຜູ້ຕິດເຊື້ອທັງໝົດ 68 ກໍລະນີ, ເຊິ່ງໃນນັ້ນຍັງບໍ່ມີຜູ້ເສຍຊີວິດ ແລະ ບ້ານທີ່ມີຕິດເຊື້ອຫຼາຍກ່ວາໜູ່ຄືບ້ານຊອກແມ່ນມີ 22ກໍລະນີຕໍ່ກັບສະພາບການລະບາດຂອງພະຍາດໄຂ້ເລືອດອອກພາຍໃນນະຄອນ ເຫັນວ່າ ການນໍາພັກ-ລັດ ແລະ ທຸກພາກສ່ວນທີ່ກ່ຽວຂ້ອງ ກໍ່ບໍ່ໄດ້ນິ້ງນອນໃຈທີ່ຈະປ້ອງ ກັນຄວບຄຸມ ແລະ ແກ້ໄຂການລະບາດຂອງເຊື້ອພະຍາດໄຂ້ຍຸງລາຍທີ່ມີການຕິດຕໍ່ຈາກຄົນສູ່ຄົນໂດຍມີຍຸງເປັນພາຫະນະນໍາເຊື້ອ 

Image may contain: 2 people, people sitting and indoor

ດັ່ງນັ້ນ, ການນໍາຂອງນະຄອນຈຶ່ງໄດ້ສົມທົບກັບພາກສ່ວນກ່ຽວຂ້ອງ, ລົງໂຄສະນາສຸຂະສິຶກສາ ໃຫ້ຄວາມຮູ້ຄວາມເຂົ້າໃຈກ່ຽວກັບຜົນຮ້າຍຂອງພະຍາດໄຂ້ຍຸງລາຍ 2 ຄັ້ງ ພ້ອມກັບອະທິບາຍ ເຖິງຜົນຮ້າຍຂອງໄຂ້ຍຸງລາຍ (ໄຂ້ເລືອດອອກ) ແລ້ວມີການສາທິດວິທີທໍາລາຍໜອນນໍ້າ ເປັນຕົ້ນແມ່ນຕາມກະໂປ໊ະ, ກະປ໋ອງທີ່ມີນໍ້າຂັງຕ້ອງໄດ້ຂວໍ້າ, ອຸແອ່ງນໍໍ້າໝັ່ນທໍາຄວາມສະອາດຢູ່ສະເໝີ, ຖ່າງປ່າຫຍ້າໜ້າບ້ານເພາະເປັນບ່ອນທີ່ຢູ່ອາໄສຂອງຍຸງລາຍ, ພ້ອມກັນທໍາລາຍແຫຼ່ງເພາະພັນຂອງຍຸງ ແລະທີ່ສໍາຄັນແມ່ນໃນເວລານອນຕ້ອງນອນໃນມຸ້ງທີ່ຍອມດ້ອຍນໍ້າຢາ, ນອກຈາກນີ້ ກໍ່ໄດ້ມີການແຈກຢາຍຢາຂ້າໜອນນໍ້າໃຫ້ກັບປະຊາຊົນພາຍໃນບ້ານຊອກ, ນີ້ກໍ່ຍັງຈະໄດ້ມີການສືບຕໍ່ປະຕິບັດຢູ່ບ້ານອື່ນໆໃນທົ່ວນະຄອນເພື່ອບໍ່ໃຫ້ພະຍາດດັ່ງກ່າວມີການແຜ່ລະບາດອອກເປັນວົງກວ້າງ.

Image may contain: 1 person, standing and outdoor


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments