ກອງບັນຊາການປກສເມືອງໂພນທອງ ຮັບຮອງ 4 ໜ່ວຍພັກປອດໃສ່ເຂັ້ມແຂງ ແລະ ໜັນແໜ້ນ



ວັນທີ 13 ສິງຫາ 2020 ທີ່ຫ້ອງປະຊຸມກອງບັນຊາການ ປກສ ເມືອງໂພນທອງ ແຂວງຫຼວງພະບາງ ໄດ້ຈັດພິທີມອບ-ຮັບນາມມະຍົດໜ່ວຍພັກປອດໃສ ເຂັ້ມແຂງ ແລະແໜ້ນ 4 ໜ່ວຍພັກພາຍໃນກອງບັນຊາການ ປກສ ເມືອງ,ໂດຍມີ ສະຫາຍ ບຸນຈັນ ປານຟອງເພັດ ເລຂາພັກຄະນະບໍລິຫາງານພັກເມືອງ ພ້ອມດ້ວຍເລຂາຮອງເລຂາໜ່ວຍພັກອ້ອມຂ້າງ ແລະສະມາຊິກພັກສົມບູນ, ສຳຮອງທັງ 4 ໜ່ວຍພັກເຂົ້າຮ່ວມ.

Image may contain: 4 people, indoor

Image may contain: 9 people, people sitting, table and indoor

ທ່ານ ພັນໂທ ຄຳກາ ສັນທະວົງ ຄະນະພັກ ຮອງຫົວໜ້າກອງບັນຊາການ ປກສ ເມືອງ ໄດ້ຜ່ານບົດຕີລາຄາຜົນສຳເລັດ ໃນການກໍ່ສ້າງໜ່ວຍພັກປອດໃສເຂັ້ມແຂງ, ໜັກແໜ້ນປະຈຳປີ 2019 ແລະທິດທາງແຜນການປີ 2020 ວ່າ: ທັງ 4 ໜ່ວຍພັກມີສະມາຊິກພັກສົມບູນ 43 ສະຫາຍ, ຍິງ 3 ສະຫາຍ, ສຳຮອງ 3 ສະຫາຍ, ຜ່ານມາຄະນະໜ່ວຍພັກ ໄດ້ນຳເອົາແນວທາງຂອງພັກລະບຽບກົດໝາຍຂອງລັດມາສືກສາ-ອົບຮົບໃຫ້ແກ່ສະມາຊິກພັກໃຫ້ມີຫຼັກໝັ້ນທາງການເມືອງຢ່າງໜັກແໜ້ນ, ຍຶດໝັ້ນຕໍ່ອຸດົມການສັງຄົມນິຍົມ, ຮູ້ຈຳແນກມິດ-ສັດຕູຢ່າງຈະແຈ້ງ, ຕ້ານກົນອຸບາຍຫັນປ່ຽນໂດຍສັນຕິຂອງສັດຕູ ແລະກຸ່ມຄົນບໍ່ດີ, ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ, ເຮັດວຽກເປັນໝູ່ຄະນະລວມສູນປະຊາທິປະໄຕ. 

Image may contain: 5 people, people sitting, table and indoor

Image may contain: 5 people, people sitting, table and indoor

ຈາກນັ້ນສະຫາຍແຕ່ງທອງ ໄຊຍະທິ ກຳມະການປະຈຳພັກເມືອງຫົວຄະນະຈັດຕັ້ງເມືອງໄດ້ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບຮອງເອົາ 4 ໜ່ວຍພັກທີຂື້ນກັບຄະນະພັກຮາກຖານກອງບັນຊາການ ປກສ ເມືອງເປັນໜ່ວຍພັກ ປອດໃສ, ເຂັ້ມແຂງ,ໜັກແໜ້ນ, ປະກອບມີໜ່ວຍພັກພະແນກຫ້ອງການ, ໜ່ວຍພັກພະແນກຕຳຫຼວດ, ໜ່ວຍພັກພະແນກສັນຕິບານ ແລະໜ່ວຍພັກພະແນກສຳມະໂນຄົວ ແລະກໍ່ສ້າງຮາກຖານ. 

Image may contain: 6 people, people standing

ໃຫ້ກຽດມອບນາມມະຍົດໃຫ້ 4 ໜ່ວຍພັກໂດຍແມ່ນສະຫາຍ ບຸນຈັນ ປານຟອງເພັດ ເລຂາພັກເມືອງ ພ້ອມທັງໄດ້ເນັ້ນໜັກໃຫ້ຄະນະໜ່ວຍພັກ ແລະ ສະມາຊິກພັກຕ້ອງເປັນເຈົ້າການ ເພີ່ມທະວີສຶກສາອົບຮົມການເມືອງ-ແນວຄິດຢ່າງເລິກເຊິ່ງ ແນໃສ່ເຮັດໃຫ້ພະນັກງານສະມາຊິກພັກ ພາຍໃນກົມກອງ ມີຄວາມເຊື່ອໝັ້ນຕໍ່ການນຳພາຂອງພັກ-ລັດ, ເອົາໃຈໃສ່ຕ້ານປະກົດການຫຍໍ້ທໍ້ພາຍໃນພັກ ເຕົ້າໂຮມຄວາມສາມັກຄີເຮັດວຽກເປັນໝູ່ຄະນະລວມສູນປະຊາທີປະໄຕແບ່ງຄວາມຮັບຜິດຊອບພາຍໃນພັກປະກອບສ່ວນຢ່າງຕ່າງໜ້າໃນການສ້າງໜ່ວຍພັກໃຫ້ມີຄວາມປອດໃສເຂັ້ມແຂງ, ໜັກແໜ້ນໃນສະໄໝຕໍ່ໄປ.


ຂ່າວ: ສົມເພັດ ນັກຂ່າວເມືອງໂພນທອງ




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments