ເມືອງເມິງ ຖອດຖອນບົດຮຽນການປະເມີນຜົນການສ້າງຕັ້ງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ



ກອງປະຊຸມສະຫຼູບ ແລະ ຄົ້ນຄ້ວາຖອດຖອນບົດຮຽນການປະເມີນຜົນການສ້າງເມືອງເປັນຫົວໜ່ວຍເຂັ້ມແຂງຮອດດ້ານ ແລະ ສ້າງບ້ານຫົວໜ່ວຍເປັນພັດທະນາ ພາຍໃຕ້ການເປັນປະທານຂອງ ທ່ານ ສົມນຶກ ອິນທະພົມ ຮອງເຈົ້າເມືອງໆເມິງ ມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ,ຫົວໜ້າ-ຮອງຫ້ອງການ ແລະ ພະນັກງານລັດຖະກອນທີ່ກ່ຽວຂ້ອງເຂົ້າຮ່ວມ.

Image may contain: 7 people, people sitting, table and indoor

ໃນກອງປະຊຸມ ທ່ານ ບຸນເພັງ ສຸລິວັນ ຮອງຫົວໜ້າຫ້ອງພາຍໃນເມືອງໄດ້ກ່າວວ່າ: ນັບແຕ່ປີ 2015 ເປັນຕົ້ນມາການພັນຂະຫຍາຍວຽກງານ 3 ສ້າງໃຫ້ເປັນວຽກງານປົກກະຕິຂອງບ້ານຂະແໜງການໂດຍປະຕິບັດຕາມຄໍາສັ່ງຂອງທ່ານເຈົ້າແຂວງໆບໍ່ແກ້ວ ສະບັບເລກທີ 592/ຈຂບກ ລົງວັນທີ 19 ມີຖຸນາ 2019 ວ່າດ້ວຍທິດທາງເປົ້າໝາຍ ແລະ ມາດຕະການສ້າງແຂວງເປັນຫົວໜ່ວຍຍຸດທະສາດ,ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ

Image may contain: 1 person, indoor

ຕະຫຼອດໄລຍະຜ່ານມາຄະນະຮັບຜິດຊອບຂັ້ນເມືອງ ແມ່ນໄດ້ເອົາໄຈໃສ່ລົງປະເມີນຕົວຈິງສາມາດເກັບກໍາໄດ້ຜົນສໍາເລັດໃນການຈັດຕັ້ງປະຕິບັດໃນໄລຍະຜ່ານມາຂອງບັນດາຂະແໜງການຂອງເມືອງ ແລະ ການປະເມີນບ້ານເປັນຫົວໜ່ວຍພັດທະນາແມ່ນໄດ້ອີງໃສ່ 30 ຕົວຊີ້ບອກ ແລະ ການປະເມີນເມືອງເປັນຫົວໜ່ວຍເຂັ້ມແຂງຮອບດ້ານແມ່ນໄດ້ອີງໃສ່ 47 ຕົວຊີ້ບອກ ທຽບໃສ່ມາດຖານການປະເມີນແລ້ວສາມາດສະຫຼຸບໄດ້ວ່າການປະເມີນເມືອງເປັນຫົວໜ່ວຍເຂັ້ມແຂງຮອບດ້ານແມ່ນບັນລຸໄດ້ 70% (ທຽບໃສ່ມາດຖານແມ່ນບໍ່ທັນບັນລຸດ), ການປະເມີນບ້ານເປັນຫົວໜ່ວຍພັດທະນາ ບັນລຸມາດຖານ 16 ບ້ານ ທຽບໃສ່ມາດຖານແມ່ນບໍ່ຜ່ານຈໍານວນ 12 ບ້ານ ຈາກນັ້ນ ຜູ້ເຂົ້າຮ່ວມກອງປະຊຸມຍັງໄດ້ປະກອບຄໍາຄິດຄໍາເຫັນ ເພື່ອພ້ອມກັນປັບປຸງ ແລະ ແກ້ໄຂບັນຫາທີ່ບໍ່ທັນບັນລຸໄດ້ຕາມມາດຖານເງື່ອນໄຂທີ່ກໍານົດໄວ້.

Image may contain: 4 people, people sitting, table and indoor

ໃນໂອກາດເຂົ້າຮ່ວມກອງປະຊຸມດັ່ງກ່າວ ທ່ານ ສົມນຶກ ອີນທະພົມ ກໍາມະການພັກເມືອງ ຮອງເຈົ້າເມືອງໆເມິງ ໄດ້ມີຄໍາເຫັນໂອ້ລົມ ແລະ ເນັ້ນ ໜັກໃຫ້ບັນດາທ່ານ ຄະນະຮັບຜິດຊອບຂັ້ນເມືອງ ແລະ ແຕ່ລະຂະ ແໜງການທີ່ກ່ຽວຂ້ອງພ້ອມກັນເອົາໃຈໃສ່ປະຕິບັດວຽກງານທີ່ຂະແໜງການຕົນຮັບຜິດຊອບທີ່ຍັງປະຕິບັດບໍ່ທັນບັນລຸໄດ້ຕາມມາດຖານ ແມ່ນໃຫ້ສຶບຕໍ່ປັງປຸງແກ່ໄຂໃຫ້ທ່ວງທັນກັບສະພາບການທີ່ກໍານົດໄວ້ ເພື່ອເຮັດໃຫ້ເມືອງກາຍເປັນເມືອງຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານກາຍເປັນຫົວໜ່ວຍພັດທະນາໃນຕໍ່ໜ້າ ໃຫ້ປະກົດຜົນຕາມຄາດໝາຍຈິງທີ່ກໍານົດໄວ້.

ຂ່າວ: ຈັນດອນ ໄຊກອງເພັງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments