ພໍ່ເເມ່ປະຊາຊົນ 3 ບ້ານເມືອງປາກທາໄດ້ຮັບຝັງຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາເເຫງຊາດຊຸດທີ VIII ເເລະ ສະພາປະຊາຊົນເເຂວງບໍ່ເເກ້ວ ຊຸດທີ 1


ວັນທີ 24-25 ສິງຫານີ້ ທ່ານ ລີຕູເລັງ ຈົງເຕັງ ເລຂາທິການສະພາປະຊາຊົນເເຂວງບໍ່ເເກ້ວຊຸດທີ 1 ທ່ານ ວັນທອງ ວິໄພບຸນ ສະມາຊິກສະພາປະຊາຊົນເເຂວງບໍ່ເເກ້ວ ຊຸດທີ 1 ປະຈຳເຂດເລືອກຕັ້ງ ເມືອງປາທາ ພ້ອມຄະນະ ໄດ້ລົງເຜິີຍເເຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາເເຫງຊາດຊຸດທີ VIII ເເລະ ກອງປະຊຸມສະໄໝສາມັນເທືອທີ 9 ຂອງສະພາປະຊາຊົນເເຂວງ ຊຸດທີ 1 ທີ ບ້ານຫ້ວຍສະງຶກ, ບ້ານຫາດສະ ເເລະ ບ້ານເເກ້ງພາກ ມີຄະນະພັກຮາກຖານ, ອຳນາດການປົກຄອງບ້ານ, ປະຊາຊົນບັນດາເຜົ່າພາຍໃນບ້ານເຂົ້າຮ່ວມຮັບຟັງ.

Image may contain: 2 people, text

ທ່ານ ລີຕູເລັງ ຈົງເຕັງ ເລຂາທິການສະພາປະຊາຊົນເເຂວງບໍ່ເເກ້ວ ຊຸດທີ 1 ໄດ້ກ່າວວ່າ: ກອງປະຊຸມສະໄໝສາມັນເທື່ອທີ 9 ຂອງສະພາເເຫງຊາດຊຸດທີ VIII ໄດ້ຮັບຮອງເປັນມະຕິທັງໝົດ 4 ສະບັບ ເເລະ ກົດໝາຍປັບປຸງຈຳນວນ 3 ສະບັບໃນນັ້ນ ເເມ່ນໄດ້ພິຈາລະນາເອົາບົດລາຍງານຂອງລັດຖະບານໃນການຈັດຕັ້ງປະຕິບັດເເຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ເເລະ ທິດທາງວຽກງານຈຸດສຸມ 6 ເດືອນທ້າຍປີ 2020 ການສະເໜີດັດເເກ້ອັດຕາການເຕີບໂຕຂອງເສດຖະກິດ ຮັບຮອງເອົາບົດລາຍງານການຈັດຕັ້ງປະຕິບັດເເຜນງົບປະມານເເຫ່ງລັດ 5 ປີ ຕົ້ນປີ ການສະເໜີດັດເເກ້ງົບປະມານເເຫ່ງລັດປະຈຳປີ 2020 ຮັບຮອງເອົາການເລືອກຕັ້ງ ທ່ານ ລີເບິີ ລີບົວປາວ ເປັນກຳມະການຄະນະປະຈຳສະພາເເຫ່ງຊາດ ເປັນປະທານກຳມະທິການເເຜນການການເງິນ ເເລະ ກວດສອບສະພາເເຫງຊາດຮັບຮອງເອົາບົດລາຍງານຜົນການຕິດຕາມກວດກາການຈັດຕັ້ງປະຕິບັດກົດໝາຍທີຕິດພັນກັບການຄຸ້ມຄອງ ເເລະ ນຳໃຊ້ຊັບພະຍາກອນທຳມະຊາດ ພ້ອມນີ້ ຍັງໄດ້ຮັບຮອງເອົາການປັບປຸງເອົາກົດໝາຍ 3 ສະບັບ ຄື ກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍສະພາເເຫ່ງຊາດ ເເລະ ສະພາປະຊາຊົນເເຂວງກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍນ້ຳ ເເລະ ຊັບ ພະຍາກອນນ້ຳ, ກົດໝາຍວ່າດ້ວຍພາສີ, ເເລະ ໃນນີ້ທ່ານຍັງໃຫ້ຮູ້ຕື່ມວ່າ: ກອງປະຊຸມສະໄໝສາມັນເທືອທີ 9 ຂອງສະພາປະຊາຊົນເເຂວງບໍ່ເເກ້ວຊຸດທີ 1 ເເມ່ນໄດ້ພິຈາລະນາເອົາ ທ່ານ ຄຳເກິງ ຜິວວັນນາ ເປັນຫົວໜ້າພະ ເເນກການຕ່າງປະເທດ ທ່ານ ສີບຸນເຮືອງ ພັນທຸລັກ ເປັນຫົວໜ້າພະເເນກກະສິກຳ ເເລະ ປ່າໄມ້ເເຂວງ ທ່ານ ຈອມເເພງ ວິໄລສານ ເປັນຫົວໜ້າພະ ເເນກເເຜນການ ເເລະ ການລົງທືນເເຂວງ ທ່ານ ວັນນະສານ ໂພທິປັນຍາ ເປັນຫົວໜ້າອົງການພັດທະນາ ເເລະ ບໍລິຫານຕົວເມືອງ ຮັບຮອງເອົາບົດລາຍງານອົງການປົກຄອງເເຂວງກ່ຽວກັບການຈັດຕັ້ງປະຕິບັດເເຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ເເລະ 6 ເດືອນທ້າຍປີ 2020 ການດັດເເກ້ຄາດໝາຍ ເເຜນພັດທະນາເສດຖະກິດສັງຄົມປະຈຳປີ 2020 ຈາກ 7,6% ມາເປັນ 4,5% ຂອງຂະເເໜງກະສິກຳປ່າໄມ້ປັບຈາກ 6,2% ມາເປັນ 4,9% ຂະເເໜງອຸດສາຫະກຳການຄ້າປັບຈາກ 7,5% ມາເປັນ 4,4% ຂະເເໜງບໍລິການປັບຈາກ 9,2 ມາເປັນ 4,2% ຮັບຮອງເອົາບົດລາຍງານອົງການປົກຄອງເເຂວງ ກ່ຽວກັບການຈັດຕັ້ງເເຜນງົບປະມານເເຫງລັດ 6 ເດືອນຕົ້ນປີ 6 ເດືອນທ້າຍປີ 2020 ຮັບຮອງເອົາການຈັດຕັ້ງເຄື່ອນໄຫວວຽກງານ 6 ເດືອນທ້າຍປີ ເເລະ ທິດທາງເເຜນການ 6 ເດືອນທ້າຍປີ 2020 ເເລະ ກະກຽມໃຫ້ເເກ່ການເລືອກຕັ້ງສະມາຊິກສະພາເເຫງຊາດຊຸດທີ 9 ເເລະ ສະມາຊິກສະພາປະຊາຊົນເເຂວງບໍ່ເເກ້ວ ຊຸດທີ 2.

Image may contain: 5 people, crowd

ໂອກາດການ ລົງເຜີຍເເຜ່ຜົນສໍາເລັດກອງປະຊຸມຄັ້ງນີ້ ຍັງໄດ້ຮັບຟັງຄໍາສະເໜີຮຽກຮ້ອງຕ້ອງການຂອງພໍ່ເເມ່ປະຊາຊົນເປັນຕົ້ນບັນຫາປະກົດການຫຍໍ້ທໍ້ບັນຫາເສດຖະກິດການຊົມໃຊ້ນ້ຳລິນບໍ່ພຽງພໍການຄົມມະນາຄົມທາງບົກບໍ່ອຳນວຍຄວາມສະດວກ,ສະບາຍ ເເລະ ບັນຫາອື່ນໆ ອີກຈຳນວນໜື່ງຂະນະດຽວກັນນັ້ນສະມາຊິກສະພາປະຊາຊົນເເຂວງບໍ່ເເກ້ວ ຊຸດທີ 1 ປະຈຳເຂດເລືອກຕັ້ງເມືອງປາກທາ ຍັງຈະໄດ້ລົງສືບຕໍ່ເຜີຍເເຜ່ຢູ່ບ້ານກ້ອນຕື່ນ-ຫາດສາກ, ບ້ານຫ້ວຍຮາວ ເເລະ ບ້ານຫ້ວຍເເສດ ໃຫ້ສຳເລັດຕາມເເຜນທີ່ວາງໄວ້.

ພາບ-ຂ່າວ ພອນສະຫວັນ ມະນີສີ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments