ເມືອງໂພນທອງເປີດກອງປະຊຸມຜູ້ບໍລິຫານການສຶກສາປະຈຳສົກຮຽນປີ 2020


ໃນວັນທີ 25-26 ສິງຫາ 2020 ທີສະໂມສອນໃຫຍ່ຂອງເມືອງໂພນທອງ ແຂວງຫລວງພະບາງ ຫ້ອງການສຶກສາທິການ ແລະ ກິລາເມືອງໂພນທອງ ກໍ່ໄດ້ເປີດກອງປະຊຸມຜູ້ບໍລິຫານການສຶກສາປະຈຳສົກຮຽນ 2020 ຢ່າງເປັນທາງການ,ໂດຍການເປັນປະທານຂອງທ່ານ ສົມແພດ ພົມມະຈັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ເປັນກຽດເຂົ້າຮ່ວມມີທ່ານ ແຕ່ງທອງ ໄຊຍະທິ ຮອງເຈົ້າເມືອງໆໂພນທອງ,ທ່ານ ນາງ ບົວທອງ ຕັນແສນສີ ຮອງຫົວໜ້າພະແນກສຶກສາທິການ ແລະ ກິລາແຂວງຫລວງພະບາງ,ມີຂະແໜ່ງການທີກ່ຽວຂ້ອງ,ຂອງເມືອງ,ຜູ້ບໍລິຫານການສຶກສາ,ອຳນວຍການໂຮງຮຽນມັດທະຍົມສົມບູນ,ອຳນວຍການໂຮງຮຽນມັດທະຍົມຕົ້ນ,ອຳນວຍການໂຮງຮຽນປະຖົມ,ອະນຸບ້ານ ແລະ ຄູ-ອາຈານທົ່ວເມືອງເຂົ້າຮ່ວມ.


Image may contain: people sitting, table and indoor


ສົກຮຽນ 2020 ນີ້ຫ້ອງການສຶກສາທິການ ແລະ ກິລາເມືອງໂພນທອງໄດ້ເອົາໃຈໃສ່ຜັນຂະຫຍາຍບັນດາແນວທາງນະໂຍບາຍຂອງພັກ,ກົດໝາຍຂອງລັດ,ແຜນຍຸດທະສາດ ແລະ ວຽກງານຈຸດສຸມຢ່າງຕັ້ງໜ້າ,ເອົາໃຈໃສ່ໃນການພັດທະນາສ້ອມແປງ ແລະ ຂະຫຍາຍໂຮງຮຽນອານຸບານ, ຫ້ອງກຽມປະຖົມ,ຫ້ອງຮຽນປະຖົມ, ມັດທະຍົມໄປສູ່ເຂດຫ່າງໄກສອກຫລີກ 


Image may contain: 4 people


ເພື່ອໃຫ້ບັນລຸຕາມແຜນພັດທະນາການສຶກສາ, ພະນັກງານຄູ-ອາຈານໄດ້ສຸມທຸກກຳລັງເຫື່ອແຮງຄວາມຮູ້ຄວາມສາມາດພັດທະນາການສຶກສາໃຫ້ມີປະສິດທິພາບທາງດ້ານປະລິມານ ແລະ ຄຸນນະພາບ, ທົ່ວເມືອງມີໂຮງຮຽນຮຽນທັງໝົດ 57 ແຫ່ງ, ມີຄູ-ອາຈານ 295 ຄົນ, ຍິງ 146 ຄົນ, ມີນັກຮຽນທັງໝົດ 5,451 ຄົນ,ຍິງ 2,631 ຄົນ, ກອງປະຊຸມເຫັນດີເປັນເອກະພາບຮັບຮອງເອົາເນຶ້ອໃນຂອງບົດສະຫລຸບຜົນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາປະຈຳສົກຮຽນ 2019-2020 

Image may contain: people sitting, table and indoor

ເຊິ່ງເຫັນວ່າ ການສຶກສາກ່ອນໄວຮຽນໄດ້ຮັບການປັບປຸງ ແລະ ໄດ້ຮັບການຂະຫຍາຍຕົວເປັນກ້າວໆມາ,ການປະຕິບັດ 18 ຄາດໝາຍທີສະພາປະຊາຊົນແຂວງໄດ້ຮັບຮອງແມ່ນບັນລຸພຽງ 9 ຄາດໝາຍ ແລະ 6 ຄາດໝາຍແມ່ນປະຕິບັດໄດ້ດີເມື່ອທຽບສົກຮຽນຜ່ານມາ,9 ຄາດໝາຍທີບໍ່ບັນລຸຍັງເປັນສິ່ງທ້າທາຍເປັນຕົ້ນ: ອັດຕາການຄ້າງຫ້ອງ ແລະ ອັດຕາການປະລະການຮຽນຂອງນັກຮຽນມີລັກສະນະເພີ່ມຂຶ້ນ,ພ້ອມນີ້ກອງປະຊຸມຍັງໄດ້ຮັບຮອງເອົາມາດຕະການການຈັດຕັ້ງປະຕິບັດສົກຮຽນ 2019-2020 ນີ້ເປັນຕົ້ນວຽກງານ ຂົງເຂດການເງິນ-ບໍລິຫານໂຮງຮຽນ, ວຽກງານກວດກາ ການຈັດຕັ້ງກຸ່ມໂຮງຮຽນປະຖົມ, ມັດທະຍົມ, ຜົນຂອງການສອບເສັງຈົບຊັ້ນ 


Image may contain: 12 people, people standing and indoor


ໂດຍມອບໃຫ້ແຕ່ລະພາກສ່ວນເອົາໃຈໃສ່ຈັດຕັ້ງປະຕິບັດໃຫ້ປະກົດຜົນເປັນຈິ່ງ ເຊິ່ງໂຮງຮຽນປະຖົມ ແລະ ມັດທະຍົມແຕ່ລະແຫ່ງທົ່ວເມືອງຕ້ອງປະຕິບັດຕາຕະລາງການຮຽນ-ການສອນ,ສ້າງແຜນການສອນປະຈຳສົກຮຽນ,ພາກຮຽນ,ປະຈຳເດືອນ, ປະຈຳອາທິດ, ມີການແຕ່ງບົດສອນ,ແຜນການສອນ ແລະ ສື່ການສອນເພື່ອປັບປຸງຄຸນະພາບການສຶກສາແຕ່ລະຂັ້ນໃຫ້ດີຂຶ້ນ,ໂອກາດທີ່ມີຄວາມໝາຍ, ຄວາມສຳຄັນນີ້ ທ່ານ ແຕ່ງທອງ ໄຊຍະທິ ຮອງເຈົ້າໆໂພນທອງໄດ້ກ່າວຕື່ມວ່າວຽກງານການສຶກສາເປັນວຽກງານໜື່ງທີສຳຄັນ,ໃນການສ້າງມະນຸດໃຫ້ມີຄວາມຮູ້ຄວາມສະມາດ ແລະນຳໄປຈັດຕັ້ງປະຕີບັດໃນຂະແໜ່ງການສຶກສາໃຫ້ມີບາດກ່າວຂະຍ້າຍຕົວດີຂື້ນເປັນກ່າວໆ.ກອງປະຊຸມດຳເນີນເປັນເວລາສອງວັນຈິງສຳເລັດ.

Image may contain: 23 people, people standing and indoor

ຂ່າວ:ສົມເພັດ ໄຊມີກອນ ນັກຂ່າວເມືອງໂພນທອງ


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments