ຮາກ​ຖານ​ພັກວິທະຍາໄລຄູສະຫວັນນະເຂດ ( ວ​ຄ​ສ ) ສະຫຼຸບ​ການ​ຈັດ​ຕັ້ງປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ​ຄັ້ງ​ທີ V ກາງ​ສະ​ໄໝ


ກອງປະຊຸມສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກຄັ້ງທີ V (ກາງສະໄໝແຕ່ປີ 2017-2019) ທົບທວນຄືນທິດທາງແຜນການແຕ່ປີ 2020-2022 ແລະ ເລືອກຕັ້ງຜູ້ແທນສົມບູນ-ສຳຮອງ ເຂົ້າຮ່ວມກອງປະຊຸມໃຫຍ່ຜູ້ແທນອົງຄະນະພັກແຂວງສະຫວັນນະເຂດຂອງຮາກຖານພັກວິທະຍາໄລຄູສະຫວັນນະເຂດ (ວຄສ) ໄດ້ຈັດຂຶ້ນໃນຕອນເຊົ້າວັນທີ 20 ສິງຫາ 2020 ທີ່ຫ້ອງປະຊຸມວິ ທະຍາໄລຄູດັ່ງກ່າວພາຍໃຕ້ການເປັນກຽດເຂົ້າຮ່ວມຂອງສະຫາຍ ນາງ ບຸນ ເຍື້ອນ ທິດພຸດທະວົງ ຄະນະປະຈຳພັກແຂວງປະທານກວດກາພັກ-ລັດແຂວງ, ສະຫາຍ ລັດສະໝີ ພະໄຊສີ ເລຂາຄະນະພັກຮາກຖານ ວຄສ, ມີຮອງຫົວໜ້າຄະນະຈັດຕັ້ງແຂວງພ້ອມດ້ວຍສະມາຊິກພັກພາຍໃນຮາກຖານພັກດັ່ງກ່າວເຂົ້າຮ່ວມ.

Image may contain: 10 people, people standing and indoor

ໃນພິທີ ສະຫາຍ ນາງ ໃສຊົມຊື່ນ ໂພທິສານ ຮອງເລຂາຄະນະພັກຮາກຖານ ວຄສ ກໍ່ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກ ຄັ້ງທີ V ກາງສະໄໝ ແຕ່ປີ 2017-2019 ເພື່ອຕີລາຄາຄືນດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການເຄື່ອນໄຫວວຽກງານໃນໄລຍະຜ່ານມາພ້ອມນີ້ກໍ່ທົບທວນຄືນທິດທາງແຜນການແຕ່ປີ 2020-2022 ແນໃສ່ເພື່ອເຮັດໃຫ້ມະຕິກອງປະຊຸມໃຫຍ່ຄັ້ງທີ V ຂອງຮາກຖານພັກ ວຄສ ບັນລຸຕາມແຜນການທີ່ວາງໄວ້. 

Image may contain: 3 people

ຈາກນີ້, ໃນກອງປະຊຸມ ຍັງໄດ້ມີການປ່ອນບັດຄັດເລືອກເອົາຜູ້ແທນສົມບູນຈຳນວນ 3 ສະຫາຍ ແລະຜູ້ແທນສຳຮອງ 1 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ຂອງອົງຄະນະພັກແຂວງ ທີ່ຈະໄຂຂຶ້ນໃນມໍ່ໆນີ້.




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments