ກອງປະຊຸມໃຫຍ່ຄັ້ງທີ VI ປະກາດເເຕ່ງຕັ້ງເຈົ້າຄະນະ( ອພສ) ເມືອງມະຫາໄຊ



ເພື່ອເຮັດໃຫ້ວຽກງານພຸດທະສາສະໜາໄດ້ຮັບການຈັດຕັ້ງປະຕິບັດ ແລະ ສອດຄ້ອງກັບແນວທາງຂອງອົງການພຸດທະສາສະໜາສຳພັນລາວວາງອອກ. ໃນຕອນເຊົ້າຂອງວັນທີ 5 ສິງຫາ 2020 ທີ່ຜ່ານມານີ້ຢູ່ທີ່ສະໂມສອນໃຫຍ່ຫ້ອງວ່າການເມືອງມະຫາໄຊ ໄດ້ຈັດກອງປະຊຸມໃຫຍ່ຄັ້ງທີ VI ປະກາດແຕ່ງຕັ້ງເຈົ້າຄະນະ (ອພສ) ເມືອງມະຫາໄຊ ຂຶ້ນຢ່າງເປັນທາງການ ກອງປະຊຸມຄັ້ງນີ້ໂດຍການເປັນກຽດເຂົ້າຮ່ວມເປັນປະທານມີ ພະອາຈານ ບຸນທາຍ ຈັນທະໄພຈິດ ຄະນະ (ອພສ)ເເຂວງຄໍາມ່ວນ, ທ່ານບົວພັນ ແສງຈັນ ເຈົ້າເມືອງໆມະຫາໄຊ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການ, ນາຍບ້ານ, ພ້ອມດ້ວຍພະສົງມາຈາກວັດຕ່າງໆຂອງເມືອງເຂົ້າຮ່ວມຢ່າງພ້ອມພຽງ.

Image may contain: 3 people, people standing

Image may contain: 5 people, people standing

ໃນວາລະກອງປະຊຸມຄັ້ງນີ້ພະອາຈານ ອຸດົມ ແກ້ວວົງສີ ຄະນະ (ອພສ) ເມືອງມະຫາໄຊ ກໍ່ໄດ້ເປັນກຽດຂຶ້ນກ່າວເປີດກອງປະຊຸມຢ່າງເປັນທາງການ ຈາກນັ້ນກອງປະຊຸມບັນດາເເຂກເຂົ້າຮ່ວມກໍ່ໄດ້ຮັບຟັງການຜ່ານບົດສະຫຼູບຜົນງານການເຄື່ອນໄຫວຈັດຕັ້ງປະຕິບັດຂອງວຽກງານພະສົງທີ່ໄດ້ພ້ອມກັນຍາດມາໄດ້ຕະຫຼອດໄລຍະ 5 ປີ 2014-2020 ພ້ອມທັງວາງທິດທາງແຜນການສູ້ຊົນວຽກງານສົງໃນ 5 ປີຕໍ່ໜ້າ, ຈາກນັ້ນຍັງຜ່ານຂໍ້ຕົກລົງຂອງເຈົ້າຄະນະ ອພສ ເເຂວງຄໍາມ່ວນ ເລກທີ 80/ ຈຄນຂ.ຄມ, ລົງວັນທີ 7 ກໍລະກົດ 2020 ວ່າດ້ວຍການເເຕ່ງຕັ້ງ ແລະ ຮັບຮອງເອົາຄະນະບໍລິຫານງານອົງການພຸດທະສາສະໜາສໍາພັນລາວເມືອງມະຫາໄຊ ແຕ່ງຕັ້ງ ພະອາຈານ ອຸດົມ ແກ້ວວົງສີ ເຈົ້າອາທິການ ວັດໂພວາ ເປັນປະທານ ອພສ ເມືຶອງ ແລະ ແຕ່ງຕັ້ງ ພະອາຈານ ວົງສາລີ ວອນວິລາດ ເຈົ້າອາທິການ ວັດມະຫາໂຊກ ເປັນຮອງປະທານ ອພສ ເມືອງ ແລະ ມີກຳມະການສົງຈຳນວນໜຶ່ງ. ພ້ອມນີ້ຍັງໄດ້ມອບໃບຍ້ອງຍໍໃຫ້ແກ່ກົມກອງ ແລະ ບຸກຄົນດີເດັ່ນ ທີ່ປະກອບສ່ວນເຂົ້າໃນວຽກງານພຸດທະສາສະໜາ.

Image may contain: 5 people, people standing

No photo description available.

ໃນຕອນທ້າຍຂອງກອງປະຊຸມ ໄດ້ຮັບຟັງການໂອ້ລົມຈາກທ່ານ ປະທານເຈົ້າຄະນະ(ອພສ) ເເຂວງຄໍາມ່ວນ ເຊິ່ງໃນບາງຕອນທ່ານກ່າວວ່າ: ບັນຫາການປະຕິບັດໜ້າທີ່ຂອງວຽກງານພະສົງ ເວົ້າລວມ, ເວົ້າສະເພາະ ຂົງເຂດວຽກງານທີ່ພະສົງຕ້ອງປະຕິບັດຕາມ, ຫຼັກທໍາຄໍາສອນ, ການຍົກຍ້າຍ ຂອງພະສົງຕ່າງໆຕ້ອງມີເອກະສານຄົບຊຸດເພື່ອສະດວກໃຫ້ແກ່ພະສົງ ກອງປະຊຸມດັ່ງກ່າວໄດ້ດໍາເນີນໄປ ແລະ ສໍາເລັດລົງໃນເຄິ່ງວັນດຽວກັນ.

Image may contain: one or more people, people sitting, table and indoor




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments