ກອງ​ປະ​ຊຸມ​ໃຫຍ່​ສະ​ມາ​ຊິກພັກ​ຄັ້ງ​ທີ VII ກາງ​ສະ​ໄໝ ຂອງ​ຮາກ​ຖານ​ພັກ​ພະ​ແນກ​ກະ​ຊິ​ກຳ - ປ່າ​ໄມ້ ແຂວງສະຫວັນນະເຂດ


ກອງປະຊຸມໃຫຍ່ສະມາຊິກພັກຄັ້ງທີ VII (ກາງສະໄໝ 2017-2019) ພ້ອມທັງທົບທວນຄືນທິດທາງແຜນການ 2020-2022 ຂອງຮາກຖານພັກພະແນກກະສິກຳ-ປ່າໄມ້ແຂວງສະຫວັນນະເຂດ ໄດ້ໄຂຂຶ້ນຢ່າງເປັນທາງການໃນວັນທີ 27 ສິງຫາ 2020 ຢູ່ທີ່ສະໂມສອນພະແນກດັ່ງກ່າວ, ພາຍໃຕ້ການເຂົ້າຮ່ວມເປັນປະທານຂອງສະຫາຍວຽງທະວີສອນເທບພະຈັນຄະນະປະຈຳພັກແຂວງ, ສະຫາຍບຸນເລດ ຈັນທອງ ທິບເລຂາພັກຮາກຖານພະແນກກະສິກຳ-ປ່າໄມ້, ສະຫາຍສຸດໃຈໄຊຍະວົງ ຮອງຄະນະຈັດຕັ້ງແຂວງ, ມີບັນດາສະຫາຍຄະນະ ພັກຮາກຖານ, ເລຂາໜ່ວຍພັກ, ຕະຫຼອດຮອດບັນດາສະຫາຍສະມາຊິກພັກພາຍໃນຮາກຖານຈຳນວນ 150 ສະຫາຍ, ຍິງ 31 ສະ ຫາຍ, ເຊິ່ງຕາງໜ້າໃຫ້ແກ່ສະມາຊິກພັກໃນທົ່ວຮາກຖານຈຳນວນ 336 ສະຫາຍ, ຍິງ 78ສະຫາຍ.

Image may contain: 10 people, people standing and suit

ໃນກອງປະຊຸມສະຫາຍ ບຸນເລດ ຈັນທອງທິບ ໄດ້ຕາງໜ້າຄະນະພັກ, ກໍ່ຄືສະມາຊິກພັກພາຍໃນຮາກຖານກ່າວລາຍງານສະພາບການຈັດຕັ້ງປະຕິບັດມະຕິກອງປະຊຸມໃຫຍ່ໃນຕະຫຼອດໄລຍະ 2 ປີກວ່າຜ່ານມາ, ໂດຍລວມແລ້ວໃນຜ່ານມາໄດ້ຖືເອົາວຽກການເມືອງ-ແນວຄິດເປັນ ບັນຫາກົກໃນການເຮັດໜ້າທີ່ ສຶກສາອົບຮົມ, ໂຄສະນາເຜີຍ ແຜ່ມະຕິ, ຄຳສັ່ງ, ແນວທາງ ນະໂຍບາຍຂອງພັກ-ລັດຢ່າງຕໍ່ ເນື່ອງ, ເຮັດໃຫ້ໃນທົ່ວຮາກຖານພັກມີຄວາມສາມັກຄີ, ມີຄວາມເປັນເອກະພາບ, ເຊື່ອໝັ້ນ ແລະ ປະຕິບັດຕາມແນວທາງປ່ຽນແປງໃໝ່ຂອງພັກ, ຢຶດໝັ້ນຕໍ່ອຸດົມການສັງຄົມນິຍົມ, ມີຄວາມ ອຸ່ນອ່ຽນທຸ່ນທ່ຽງ, ເຮັດຫຼ້ອນໜ້າທີ່ຕາມການມອບໝາຍ. ຈາກນັ້ນດ້ານການຈັດຕັ້ງກໍ່ໄດ້ມີຄວາມເປັນເອກະພາບໃນການນຳພາ, ມີສະຕິຕໍ່ການຈັດຕັ້ງ, ລະບຽບວິໄນຂອງພັກ ແລະ ກົດໝາຍຂອງລັດໄດ້ເປັນຢ່າງດີ, ນອກນັ້ນ ການນຳພາທາງດ້ານວິຊາສະເພາະໂດຍຄະນະພັກຮາກຖານ, ຄະນະໜ່ວຍພັກ, ສະມາຊິກພັກ, ພະນັກງານລັດຖະກອນຂອງບັນດາຂະແໜງການໄດ້ຈັດຕັ້ງຜັນຂະຫຍາຍແນວທາງຂອງພັກໃຫ້ເປັນແຜນອັນລະອຽດບົນພື້ນຖານເປົ້າໝາຍຈຸດສຸມຂອງ ຂະແໜງການກະສິກຳ-ປ່າໄມ້ຮອດປີ 2020 ຄະນະພັກຮາກຖານໄດ້ສຸມໃສ່ຊີ້ນຳ-ນຳພາໃນ 3 ເສົາຄ້ຳ 4 ແຜນງານຫຼັກເປັນຕົ້ນ: ແຜນງານດ້ານສະບຽງອາຫານໃນນັ້ນໄດ້ເລັ່ງໃສ່ການຜະລິດເຂົ້າເຊິ່ງໃນຜ່ານມາທົ່ວແຂວງຜະລິດເຂົ້າສາມາດກຸ້ມກິນສະເລ່ຍ 7-8 ແສນໂຕນ/ປີ, ການປູກພືດສ່ວນໃຫຍ່ແມ່ນປູກພືດຂອງຄອບຄົວ ເພື່ອບໍລິໂພກເອງ ແລະ ຂາຍປ້ອນຕະຫຼາດພາຍໃນເຊິ່ງໃນປີ 2019 ຜ່ານມາສາ ມາດປູກພືດໄດ້ທັງໝົດ991ພັນ ກວ່າໂຕນ, ໃນເນື້ອທີ່ 47.144 ເຮັກຕາ. ສຳລັບການລ້ຽງສັດໂດຍລວມແລ້ວກໍ່ເຫັນວ່າເປັນຂະບວນຟົດຟື້ນດີປະຊາຊົນມີຄວາມຕື່ນຕົວໂດຍໄດ້ຫັນຈາກການລ້ຽງແບບທຳມະຊາດໄປສູ່ການລ້ຽງແບບດູແລຮັກສາ, ມີການປູກພືດອາຫານສັດ, ການປັບປຸງພັນສັດເພື່ອເພີ່ມນ້ຳ ໜັກສັດ ແລະ ການສັກຢາປ້ອງກັນພະຍາດເຊິ່ງໃນປີ 2017 ຝູງສັດລ້ຽງຂອງປະຊາຊົນມີອັດ ຕາມເພີ່ມຂຶ້ນ. ນອກນັ້ນກໍ່ຍັງມີການສົ່ງເສີມການຜະລິດເປັນ ສິນຄ້ານຳອີກ. ພ້ອມກັນນີ້ກໍ່ຍັງໄດ້ມີການທົບທວນກຳນົດທິດ ທາງ ແລະຄາດໝາຍສູ້ຊົນແຜນ ພັດທະນາກະສິກຳ ແລະປ່າໄມ້ ແຕ່ປີ 2020-2022 ຕື່ມອີກ.

Image may contain: 2 people

ໃນກອງປະຊຸມຄັ້ງນີ້ຍັງໄດ້ ມີພິທີມອບ-ຮັບນາມມະຍົດ ໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ 8 ໜ່ວຍພັກທີ່ຂຶ້ນ ກັບຮາກຖານພັກພະແນກກະ ສິກຳ-ປ່າໄມ້ປະກອບມີ: ໜ່ວຍ ພັກຂະແໜງປູກຝັງ, ໜ່ວຍພັກຂະ ແໜງລ້ຽງສັດ ແລະການປະ ມົງ, ໜ່ວຍພັກຂະແໜງຊົນລະ ປະທານ, ໜ່ວຍພັກຫ້ອງການບໍລິ ຫານ-ຈັດຕັ້ງ, ໜ່ວຍພັກຂະ ແໜງແຜນການ-ການເງິນ, ໜ່ວຍພັກຂະແໜງກວດກາລັດ, ໜ່ວຍພັກຂະແໜງພັດທະນາຊົນ ນະບົດ-ສະຫະກອນ ແລະໜ່ວຍ ພັກສູນພັດທະນາ ແລະບໍລິການ ກະສິກຳ-ປ່າໄມ້ໜອງເຕົ່າ.

Image may contain: 5 people, people standing and suit

ໂອກາດດັ່ງກ່າວບັນດາສະ ຫາຍສະມາຊິກພັກຍັງໄດ້ໃຊ້ສິດ ປະຊາທິປະໄຕຂອງຕົນປ່ອນບັດເລືອກເອົາຜູ້ແທນເຂົ້າຮ່ວມກອງປະຊຸມໃຫຍ່ ອົງຄະນະພັກແຂວງ ຊຸດທີ IX ຈຳນວນ 8 ສະຫາຍ, ສຳຮອງ 2 ສະຫາຍ. ໃນໂອກາດເຂົ້າຮ່ວມກອງປະຊຸມຄັ້ງນີ້ ສະຫາຍ ວຽງທະ ວີສອນ ເທບພະຈັນ ໄດ້ກ່າວຍ້ອງຍໍຊົມເຊີຍຜົນງານໃນໄລຍະຜ່ານມາ, ຈາກນັ້ນສະຫາຍກໍ່ໄດ້ເນັ້ນເຖິງທັດສະນະ, ວິທີການ, ມາດຕະການທີ່ຈະຕ້ອງໄດ້ສຸມໃສ່, ການຜັນຂະຫຍາຍ ແລະ ຈັດຕັ້ງປະຕິບັດຄາດໝາຍຂອງກອງປະຊຸມໄດ້ວາງອອກໂດຍສະເພາະແມ່ນຄາດໝາຍສູ້ຊົນຂອງວຽກງານກະສິກຳ-ປ່າໄມ້ແຕ່ປີ 2020 ເຖິງປີ 2022 ໃຫ້ປະກົດຜົນເປັນຈິງ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments