ສະ​ມາ​ຊິກ​ສະ​ຫະ​ພັນ​ທົ່ວ​ແຂວງສະຫວັນນະເຂດ ສຳ​ເລັດ​ການ​ປ່ອນ​ບັດ​ເລືອກ​ຕັ້ງ​ຄະ​ນະ​ສະ​ຫະ​ພັນ​ແມ່​ຍິງ​ແຂວງ ຄັ້ງ​ທີ X



ກອງປະຊຸມໃຫຍ່ຄັ້ງທີ X ຂອງສະຫະພັນແມ່ຍິງແຂວງສະ ຫວັນນະເຂດ ໄດ້ໄຂຂຶ້ນຢ່າງເປັນ ທາງການ ໃນວັນທີ 25 ສິງຫາ 2020 ທີ່ສະໂມສອນຂອງຫ້ອງ ວ່າການປົກຄອງແຂວງ. ໃຫ້ ກຽດເຂົ້າຮ່ວມເປັນປະທານກິດ ຕິມະສັກໃນກອງປະຊຸມຄັ້ງນີ້ ໂດຍມີ ທ່ານ ປອ ນາງ ອິນດາວັນ ແກ້ວບຸນພັນ ກຳມະການສູນກາງ ພັກ ປະທານສູງກາງສະຫະພັນ ແມ່ຍິງລາວ, ທ່ານ ປອ ໂພໄຊ ໄຊຍະສອນ ກຳມະການສຳຮອງ ສູນກາງພັກຮອງເລຂາພັກ ແຂວງ ຮອງເຈົ້າແຂວງສະຫວັນ ນະເຂດ, ທ່ານ ນາງ ສີສະຫວັດ ໂຄດທະວົງສາກຳມະການພັກ ແຂວງປະທານສະຫະພັນແມ່ ຍິງແຂວງ, ທ່ານ ສຸດໃຈ ໄຊຍະ ວົງ ຮອງຫົວໜ້າຄະນະຈັດຕັ້ງ ແຂວງ ພ້ອມດ້ວຍຜູ້ແທນສົມບູນ ແລະແຂກຖືກເຊີນເຂົ້າຮ່ວມ.

Image may contain: one or more people, crowd and indoor

ໃນວາລະປະຊຸມ, ສະຫາຍ ນາງ ວຽງສະໝອນ ພະທິທັກ ແລະສະຫາຍ ນາງ ແກ້ວພອນ ເກດຕະວົງ ຮອງປະທານສະຫະ ພັນແມ່ຍິງແຂວງສະຫວັນນະ ເຂດ ກໍ່ໄດ້ຜ່ານບົດລາຍງານການ ເມືອງ ພ້ອມທັງຜ່ານທິດທາງ ແຜນການພັດທະນາແມ່ຍິງໃນ 5 ປີຕໍ່ໜ້າ. 

ໃນໄລຍະຜ່ານມາ, ຄະ ນະສະຫະພັນແມ່ຍິງແຂວງສະ ຫວັນນະເຂດໄດ້ຊີ້ນຳນຳພາ ແລະເຄື່ອນໄຫວວຽກງານຕາມພາລະບົດບາດ, ສິດ ແລະໜ້າທີ່ ຂອບເຂດຄວາມຮັບຜິດຊອບ ຂອງຕົນ ຕິດພັນກັບການປະຕິບັດວຽກງານພັດທະນາແມ່ຍິງ ໂດຍສະເພາະສະຫະພັນແມ່ຍິງແຕ່ລະຂັ້ນໄດ້ສຸມໃສ່ໃນການຈັດຕັ້ງປະຕິບັດ 8 ແຜນງານ 29 ໂຄງການ ຂອງສະຫະພັນແມ່ຍິງວາງອອກ ດ້ວຍຄວາມເປັນເຈົ້າການ ແລະ ຮັບຜິດຊອບສູງ. ສຳລັບວຽກ ງານປັບປຸງ ແລະຂະຫຍາຍການ ຈັດຕັ້ງສະຫະພັນແມ່ຍິງລາວ ເຫັນໄດ້ວ່າມາຮອດປະຈຸບັນ ໄດ້ ສຳເລັດກອງປະຊຸມໃຫຍ່ສະ ຫະພັນແມ່ຍິງຂັ້ນຕ່າງໆໄດ້ 14 ເມືອງ 1 ນະຄອນ, 236 ຮາກ ຖານ, 325 ໜ່ວຍ ແລະ1.021 ບ້ານ ສຳເລັດ 100%. 

Image may contain: 7 people, people standing

ປະຈຸບັນ, ທົ່ວແຂວງມີສະມາຊິກສະຫະພັນ ແມ່ຍິງທັງໝົດ 149.091 ສະ ຫາຍ, ກວມ 28,61% ຂອງແມ່ ຍິງທັງໝົດ ໄດ້ຂະຫຍາຍສະມາ ຊິກໃໝ່ 21.935 ສະຫາຍ, ທຽບໃສ່ແຜນການ 5 ປີຂອງ ກອງປະຊຸມໃຫຍ່ຄັ້ງທີ IX ເພີ່ມ ຂຶ້ນ 14,71%.

ກອງປະຊຸມຄັ້ງນີ້, ບັນດາ ຜູ້ແທນສົມບູນຈຳນວນ 195 ສະ ຫາຍ ກໍ່ໄດ້ປ່ອນບັດຄັດເລືອກເອົາ ຄະນະບໍລິຫານງານສະຫະພັນ ແມ່ຍິງແຂວງສະຫວັນນະເຂດ ຄັ້ງທີ X ໂດຍເຫັນວ່າຜົນຂອງ ການປ່ອນບັດເລືອກຕັ້ງ ແລະ ມະຕິກອງປະຊຸມຄັ້ງປະຖົມມະ ລຶກໄດ້ມີຄວາມເປັນເອກະພາບ ສູງເລືອກເອົາສະຫາຍ ນາງ ສີ ສະຫວັດ ໂຄດທະວົງສາ ເປັນ ປະທານສະຫະພັນແມ່ຍິງແຂວງ ອີກຄັ້ງໜຶ່ງ, ເລືອກເອົາຮອງປະ ທານອີກ 3 ສະຫາຍ ຄື: ສະຫາຍ ນາງ ວຽງສະໝອນ ພະທິທັກ (ຮອງປະທານສະຫະ ພັນແມ່ຍິງ ທັງເປັນປະທານກວດກາ), ສະ ຫາຍ ນາງ ພອນແກ້ວ ເກດຕະວົງ ແລະສະຫາຍ ນາງ ສົມຫວັງ ລຳພູວົງ ເປັນຮອງປະທານ ແລະ ອີກ 34 ສະຫາຍແມ່ນເປັນກຳມະການຄະນະສະຫະພັນແມ່ຍິງ ແຂວງສະຫວັນນະເຂດ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments