ປະກາດພະນັກງານເຂົ້າຮັບບຳນານໃນຂົງເຂດສຶກສາ ເມືອງ ທ່າພະບາດ



ພິທີ ປະກາດພະນັກງານຜູ້ທີ່ມີເງື່ອນໄຂພັກຜ່ອນເຂົ້າຮັບບຳນານໃນຂົງເຂດສຶກສາ ທົ່ວ #ເມືອງທ່າພະບາດ #ແຂວງບໍລິຄຳໄຊ ຈັດຂື້ນໃນວັນທີ 11 ກັນຍາ 2020 ຢູ່ທີ່ຫ້ອງວ່າການປົກຄອງເມືອງ, ມີຜູ້ເຂົ້າທັງໝົດ 105 ຄົນ, ຍິງ 67 ຄົນ, ໂດຍການເຂົ້າຮ່ວມຂອງທ່ານ ຄຳປຸ່ນ ສີຫາລາດ ຮອງເຈົ້າເມືອງ ທ່າພະບາດ, ມີຫົວໜ້າຫ້ອງການ, ຮອງຫ້ອງການ, ພະນັກງານຄູອາຈານ ເຂົ້າຮ່ວມ.





ໃນພິທີ ໄດ້ຮັບຟັງການຜ່ານຂໍ້ຕົກລົງ ຂອງລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 3664 /ສສກ, ລົງວັນທີ 19 ສິງຫາ 2020 ວ່າດ້ວຍການອະນຸມັດອອກພັກການ ເພື່ອຮັບອຸດໜູນບຳນານ ຈຳນວນ 11 ທ່ານ, ຍິງ 1 ທ່ານ.




     ໃນຕອນທ້າຍພິທີ ທ່ານຮອງເຈົ້າເມືອງ ກໍ່ໄດ້ມີທັດສະນະຊີ້ນໍາໂອ້ລົມ ເຊີ່ງກ່ອນອື່ນ ທ່ານກໍ່ໄດ້ຍ້ອງຍໍຊົມເຊີຍຜົນງານທີ່ຜ່ານມາຂອງແຕ່ລະສະຫາຍທີ່ໄດ້ເອົາໃຈໃສ່ຈັດຕັ້ງປະຕິບັດໜ້າທີ່ວຽກງານວິຊາສະເພາະຂອງຕົນ, ນໍາພາຊຸກຍູ້ໃນການຈັດຕັ້ງວຽກງານ ໃນຂອບເຂດຂອງຕົນຮັບຜິດຊອບຢ່າງຖືກຕ້ອງ ແລະ ປະກົດຜົນເປັນຈິງ ແລະ ທ່ານກໍ່ໄດ້ຕາງໜ້າການນຳພັກ - ລັດ ກ່າວຂອບໃຈບັນດາທ່ານ ທີ່ໄດ້ສະຫລະເຫື່ອແຮງ ສະຕິປັນຍາ ເຂົ້າໃນວຽກງານ ຈົນສຸດກົກສຸດປາຍ ຈົນກາຍເປັນແວ່ນແຍງ ແລະ ແບບຢ່າງທີ່ດີໃຫ້ແກ່ລູກຫລານ ແລະ ຜູ້ສືບທອດ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments