ຕຳຫລວດ ປກສ ເມືອງຫົງສາ ເຊື່ອມຊຶມເອກະສານ ການເພີ່ມທະວີປ້ອງກັນກຳລັງ ໃນສະພາບການໃໝ່



ແຫລ່ງຂ່າວຈາກໄຊຍະບູລີ ໃຫ້ຮູ້ວ່າ: ວັນທີ 1 ກັນຍາ 2020 ນີ້, ນາຍ ແລະ ພົນຕຳຫລວດ ປກສ ເມືອງຫົງສາ ແຂວງໄຊຍະບູລີ ໄດ້ຮັບຟັງການເຜີຍແຜ່ເຊື່ອມຊຶມເອກະສານທີ່ສຳຄັນຕ່າງໆຂອງວຽກງານປ້ອງກັນຄວາມສະຫງົບໂດຍການໃຫ້ກຽດເຜີຍແຜ່ຂອງ ທ່ານ ຄຳສິນ ຜິວວັນນາ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງໄຊຍະບູລີ.

Image may contain: 1 person, sitting and indoor

ເອກະສານທີ່ນຳມາເຜີຍແຜ່ຄັ້ງນີ້, ປະກອບມີ: ຄຳສັ່ງຂອງລັດຖະມົນຕີກະຊວງປ້ອງກັນຄວາມສະຫງົບເລກທີ 2508 ແລະ ຄຳແນະນຳຂອງກົມໃຫຍ່ການເມືອງປ້ອງກັນຄວາມສະຫງົບເລກທີ 1460 ວ່າດ້ວຍການເພີ່ມທະວີວຽກງານປ້ອງກັນກຳລັງໃນສະພາບການໃໝ່, ຄຳສັ່ງເລກທີ 583 ວ່າດ້ວຍການນຳໃຊ້ສື່ສັງຄົມອອນລາຍ, ຄຳສັ່ງເລກທີ 1143 ວ່າດ້ວຍການຈັດຕັ້ງປະຕິບັດກົດໝາຍກຳລັງປ້ອງກັນຄວາມສະຫງົບປະຊາຊົນ (ສະບັບປັບປຸງ), ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບເລກທີ 564 ວ່າດ້ວຍຂໍ້ຫ້າມຕໍ່ນາຍ ແລະ ພົນຕຳຫຼວດ, ແຈ້ງການແນະນຳ ເລກທີ 3282 ຂອງກອງບັນຊາການປ້ອງກັນຄວາມສະຫງົບແຂວງໄຊຍະບູລີ ແລະ ນິຕິກຳທີ່ກ່ຽວຂ້ອງອື່ນໆ.

Image may contain: one or more people, people sitting and indoor

ໃນໂອກາດນີ້, ທ່ານ ຄຳສິນ ຜິວວັນນາ ກໍໄດ້ເນັ້ນໜັກໃຫ້ນາຍ ແລະ ພົນຕຳຫລວດ ປກສ ເມືອງຫົງສາ ຈົ່ງຕັ້ງໜ້າກໍ່ສ້າງກໍາລັງໃຫ້ເຕີບໃຫຍ່ເຂັ້ມແຂງທັງດ້ານປະລິມານ ແລະ ຄຸນນະພາບ, ຮັບປະກັນໃຫ້ແກ່ການປະຕິບັດໜ້າທີ່ໃນສະເພາະໜ້າ ແລະ ຍາວນານ; ຄະນະພັກ-ຄະນະບັນຊາ, ພະນັກງານສະມາຊິກພັກ-ນັກຮົບພາຍໃນເມືອງຂອງພວກເຮົາຈົ່ງໄດ້ພ້ອມກັນເຊີດຊູມານະຈິດປະຕິວັດ ແລະ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃນການຮັບໃຊ້ຊາດຮັບໃຊ້ປະຊາຊົນ, ເສີມຂະຫຍາຍມູນເຊື້ອທາດແທ້ຂອງກໍາລັງປະກອບອາວຸດປະຕິວັດ, ປະຕິບັດຂໍ້ກໍານົດກົດລະບຽບຂອງກອງທັບ-ຂອງກໍາລັງປ້ອງກັນຄວາມສະຫງົບຢ່າງເຂັ້ມງວດ, ມີຄວາມຈົງຮັກພັກດີພໍ່ພັກ-ຕໍ່ປະເທດຊາດ, ມີທາດແທ້ປະຕິວັດ, ມີລະດັບທິດສະດີວິທະຍາສາດ, ເຕັກນິກ, ສິລະປະຍຸດ, ຍຸດທະວິທີ; ພ້ອມກັນນີ້ ກໍຕ້ອງໄດ້ສືບຕໍ່ຫັນກໍາລັງລົງ ເຮັດໜ້າທີ່ກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານຢູ່ແຕ່ລະຈຸດສຸມ ກໍຄື ເຂດຫ່າງໄກສອກຫລີກໃນຂອບເຂດທົ່ວເມືອງໃຫ້ມີຜົນສໍາເລັດ, ເຂົ້າຮ່ວມການພັດທະນາ ທາງດ້ານເສດຖະກິດ-ສັງຄົມ, ວັດທະນະທໍາ ແລະ ກຽມພ້ອມຊ່ວຍເຫລືອປະຊາຊົນ ໃນທຸກສະຖານະການ ທີ່ອາດຈະເກີດຂຶ້ນ ໂດຍສະເພາະ ແມ່ນການຮັກສາຄວາມສະຫງົບ ໃນໄລຍະການກະກຽມໄຂກອງປະຊຸມໃຫຍ່ ຄະນະບໍລິຫານງານພັກແຂວງໄຊຍະບູລີ ຄັ້ງທີ VII ທີ່ຈະເປີດຂຶ້ນໃນຕໍ່ໜ້ານີ້.


ພາບ-ຂ່າວ: ກິດຕິສັກ ບົວໄລ




















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments