ໂຮງຮຽນ ນານາຊາດ ປັນຍາທິບ, ໂຮງຮຽນ ນານາຊາດອັງກິດ ໃນລາວ ໄດ້ສະເຫຼີມສະຫຼອງພິທີການຈົບການສຶກສາ ສົກປີ 2019-2020 ທີ່ໂຮງແຮມແລນມາກ


ນະຄອນຫຼວງວຽງຈັນ: ໃນວັນທີ 22 ສິງຫາ 2020, ບັນດານັກຮຽນຈົບການສຶກສາໃໝ່ປະຈຳສົກຮຽນ 2019-2020 ໄດ້ສະເຫຼີມສະຫຼອງການສິ້ນສຸດການຮຽນ ທີ່ ໂຮງຮຽນ ນານາຊາດ ປັນຍາທິບ, ໂຮງຮຽນ ນານາຊາດ ອັງກິດໃນລາວ, ໃນຫ້ອງ Grand Ballroom (ຫ້ອງໂຖງໃຫຍ່) ຂອງໂຮງແຮມແລນມາກ. ນະຄອນຫຼວງວຽງຈັນ ສໍາລັບ ສົກຮຽນ 2020 ຂອງໂຮງຮຽນ ປັນຍາທິບໄດ້ມີນັກຮຽນຈົບການສຶກສາໃໝ່ທັງໝົດ 54 ຄົນຈາກ 7 ປະເທດທີ່ແຕກຕ່າງກັນ.
 
ພິທີດັ່ງກ່າວຈະເລີ່ມຕົ້ນດ້ວຍການສະແດງພິເສດຈາກນັກຮຽນທີ່ຈົບການສຶກສາໃໝ່, ຖັດມາແມ່ນການກ່າວຄຳປາໄສຈາກແຂກຮັບເຊີນ. 




ທ່ານເອກອັກຄະລັດຖະທູດອັງກິດປະຈຳລາວ John Pearson ໄດ້ຂື້ນກ່າວຄຳປາໄສກ່ຽວກັບຄວາມສຳຄັນໃນການຊ່ວຍຮັກສາອະນາຄົດຂອງໂລກໃຫ້ສົດໃສ ແລະ ຍັງໄດ້ກ່າວວ່າລາວຍິນດີຫຼາຍທີ່ໄດ້ເປັນສ່ວນໜຶ່ງຂອງງານຈົບການສຶກສາຂອງພວກເຮົາຄັ້ງນີ້.
 
ນັກຮຽນທີ່ຈົບການສຶກສາໃໝ່ໃນສົກຮຽນນີ້ ໄດ້ຜ່ານຫຼາຍເຫດການທີ່ບໍ່ເຄີຍມີມາກ່ອນໃນປີນີ້, ເນື່ອງຈາກເຫດການໂຄວິດ - 19, ພວກເຂົາຖືກຍົກເລີກງານກິດຈະກຳຕ່າງໆເກືອບທັງໝົດໃນຊ່ວງເທີມທີ 2 ຂອງສົກຮຽນ. 



ພວກເຮົາຈຳເປັນຕ້ອງໄດ້ປ່ຽນຮູບແບບການຮຽນຮູ້ຜ່ານທາງອອນລາຍທີ່ມີປະສິດທິພາບຈາກທາງໂຮງຮຽນປັນຍາທິບ. ດ້ວຍບັນດາສິ່ງທ້າທາຍດັ່ງກ່າວ, ນັກຮຽນຕ້ອງໄດ້ມີຄວາມຄິດສ້າງສັນໃນການສືບຕໍ່ຮຽນຮູ້ ແລະ  ຫາວິທີທີ່ພວກເຂົາສະເຫຼີມສະຫຼອງຜົນສຳເລັດຂອງພວກເຂົາ ເຖີງແມ່ນວ່າຈະມີອຸປະສັກຫຼາຍຢ່າງກີດຂວາງພວກເຂົາ. 

ເຖີງແມ່ນວ່າຈະມີຫຼາຍຢ່າງບໍ່ລົງລອຍ, ແຕ່ບັນດານັກຮຽນຈົບການສຶກສາໃໝ່ໄດ້ເຂົ້າຮ່ວມການສອບເສັງ IGCSE ໃນປີນີ້. ສົກຮຽນ 2019-2020 ໄດ້ຮັບຜົນຕອບຮັບທີ່ດີທີ່ສຸດຂອງຜົນການສອບເສັງ IGCSE ໃນສີ່ປີທີ່ຜ່ານມາ.



 ໂຮງຮຽນ ນານາຊາດ ປັນຍາທິບ ແມ່ນໂຮງຮຽນ ນານາຊາດ ອັງກິດໃນລາວ ແລະ ພວກເຮົາໄດ້ຮອງຮັບທຸກລະດັບ ຂອງຫລັກສູດແຫ່ງຊາດຈາກປະເທດອັງກິດ, ນອກເໜືອຈາກນັ້ນ ຍັງມີຫຼັກສູດພາສາລາວທີ່ຖືກຮອງຮັບຈາກກະຊວງສຶກສາທິການ ແລະ ກິລາ.

ນັກຮຽນສາມາດສືບຕໍ່ການສຶກສາທີ່ໂຮງຮຽນ ນານາຊາດ ປັນຍາທິບໃນອາຍຸລະຫວ່າງ 1,5 ປີ ຫາ 18 ປີ.
ໂຮງຮຽນປັນຍາທິບຂອງພວກເຮົາໄດ້ເປີດມາ 20 ປີແລ້ວ ແລະ ທາງເຮົາມີນັກຮຽນຫຼາຍກວ່າ 1000 ຄົນໃນ 4 ວິທະຍາເຂດ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments