ທາບທາມຄະນະບໍລິຫານງານພັກ ນະຄອນຫຼວງວຽງຈັນ ຮອບທີ I



ໃນຕອນເຊົ້າວັນທີ 31 ສິງຫາ 2020, ຢູ່ສະໂມສອນກອງບັນຊາການທະຫານນະຄອນຫຼວງວຽງຈັນບັນດາຄະນະພັກ-ຄະນະນໍາ ປກສ-ປກຊ ນວ ໄດ້ປ່ອນບັດທາບທາມເລືອກເອົາຄະນະບໍລິຫານງານພັກ ນວ ຮອບທີ I ໃນຈໍານວນຜູ້ລົງສະໝັກ 20 ສະຫາຍ ວ່າເຫັນດີ ຫຼື ບໍ່ເຫັນດີ ໂດຍການເປັນປະທານຂອງ ພົຈວ ສີພອນ ຈັນສົມວົງ ຄະນະປະຈໍາພັກ ນວ ເລຂາຄະນະພັກ ຫົວໜ້າການເມືອງ ກອງບັນຊາການທະຫານ ນວ, ມີ ພັອ ສຸກພະຈັນ ບຸດດາຄໍາ ເລຂາຄະນະພັກ ຫົວໜ້າກອງບັນຊາການປກສ ນວ, ມີບັນດາຄະນະພັກ-ຄະນະນໍາຂອງ ປກສ-ປກຊ ນວ ລວມມີ 231 ສະຫາຍ ເຂົ້າຮ່ວມ.


Image may contain: 5 people, people standing


Image may contain: 3 people, indoor


ໃນພິທີບັນດາຄະນະພັກ-ຄະນະນໍາ ປກສ-ປກຊ ນວ ແມ່ນໄດ້ຮັບຟັງການໂອ້ລົມຂອງ ສະຫາຍ ປອ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເລຂາຄະນະພັກ ນວ ເຈົ້າຄອງນະຄອນຫຼວງວຽງຈັນ ໂດຍຜ່ານວີດີໂອຄອນເຟຣນ ( video conference ) ການປະຊຸມອອນລາຍແບບທາງໄກ; ເຊິ່ງທ່ານໄດ້ເນັ້ນຕໍ່ຄະນະພັກ-ຄະນະນໍາ ນວ ຜູ້ທີ່ມີສິດປ່ອນບັດ ໃຫ້ເລືອກເອົາຜູ້ທີ່ດີ, ມີຄວາມຮູ້, ຄວາມສາມາດ, ມີມາດຖານເງື່ອນໄຂຄົບຖ້ວນ, ເປັນຜູ້ນໍາ ເພື່ອມາສ້າງສາພັດທະນາປະເທດຊາດ ກໍຄື ນວ ໃຫ້ມີຄວາມຈະເລີນກ້າວໜ້າຂຶ້ນເປັນກ້າວໆ.


Image may contain: 5 people, people sitting and indoor


Image may contain: 8 people, people sitting and indoor



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments