ປະດັບຫຼຽນກາ 70 ປີ ກອງທັບໃຫ້ຫ້ອງວ່າການປະທານປະເທດ ແລະ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ



ວັນທີ 3 ກັນຍາ 2020 ນີ້, ກະຊວງປ້ອງກັນປະເທດໄດ້ຈັດຕັ້ງພິທີປະດັບຫຼຽນກາ 70 ປີ ກອງທັບໃຫ້ການນຳ ແລະ ພະ ນັກງານນຳພາ-ຄຸ້ມຄອງຫ້ອງວ່າການປະທານປະເທດ ແລະ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຂຶ້ນຢູ່ທີ່ສະໂມສອນຫ້ອງວ່າການກະຊວງປ້ອງກັນປະເທດ ໂດຍການເຂົ້າຮ່ວມເປັນປະທານຂອງ ສະຫາຍ ພົນໂທ ປອ ທອງລອຍ ສິລິວົງ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີບັນດາລັດຖະມົນຕີ, ຮອງລັດຖະມົນຕີຈາກ ສອງອົງການຕະຫຼອດຮອດພະນັກງານທັງສອງອົງການເຂົ້າຮ່ວມ.

ສະຫາຍ ພົນຈັດຕະວາ ສີທາ ດວງມາລາ ຫົວໜ້າກົມນະໂຍບາຍກົມໃຫຍ່ການເມືອງກອງທັບໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດວ່າດ້ວຍການມອບຫຼຽນກາລະນຶກ 70 ປີ ກອງທັບປະຊາຊົນລາວໃຫ້ແກ່ການນຳ, ພະນັກງານນຳພາ- ຄຸ້ມຄອງຫ້ອງວ່າການປະທານປະເທດຈຳນວນ 15 ທ່ານ ແລະ ຂໍ້ຕົກລົງ ວ່າດ້ວຍການມອບຫຼຽນກາລະນຶກ 70 ປີ ກອງທັບປະຊາຊົນລາວໃຫ້ແກ່ການນຳ ແລະ ພະນັກງານກະຊວງຊັບພະຍາກອນ ແລະ ສິງແວດລ້ອມຈຳນວນ 75 ທ່ານ. ທັງນີ້ກໍເພື່ອ ເປັນການຍ້ອງຍໍສັນລະເສີນຜົນງານ, ຄຸນງາມຄວາມດີຂອງ ການນຳ ແລະ ພະນັກງານຫ້ອງວ່າການປະທານປະເທດ ແລະ ກະຊວງຊັບພະຍາກອນ ແລະ ສິງແວດລ້ອມ ທີ່ມີຜົນງານຢ່າງ ຕັ້ງໜ້າເຂົ້າໃນວຽກງານປ້ອງ ກັນຊາດ-ປ້ອງກັນຄວາມສະ ຫງົບໃນໄລຍະຜ່ານມາ.

Image may contain: 5 people, people standing and suit

ໂອກາດດັ່ງກ່າວ ສະຫາຍ ພົນໂທ ປອ ທອງລອຍ ສິລິວົງ ກໍໄດ້ໃຫ້ກຽດຂຶ້ນປະດັບຫຼຽນກາລະນຶກ 70 ປີ ກອງທັບປະຊາຊົນລາວ ໃຫ້ແກ່ການນຳ ແລະ ພະນັກງານທັງສອງອົງການຢ່າງສົມກຽດ. ພ້ອມທັງໂອ້ລົມຕໍ່ ພິທີວ່າ: ຕະຫຼອດໄລຍະ 70 ປີ ທີ່ຜ່ານມາພວກເຮົາໄດ້ຮັບການອຸ້ມຊູຊ່ວຍເຫຼືອຈາກບັນດາທັງສອງອົງການນີ້ທີ່ເຮັດໃຫ້ກອງທັບປະຊາຊົນລາວໄດ້ເຮັດລ້ອນໜ້າທີ່ຂອງຕົນທີ່ສອງອົງການໄດ້ສ້າງເງື່ອນໄຂອັນສະດວກ ແລະ ປຸກລະດົມນໍາໃຈອັນແໜ້ນແຟ້ນສ້າງຄວາມສາມັກຄີເປັນປຶກແຜ່ນ ລະຫວ່າງສອງອົງການສຳນັກງານປະທານປະເທດ ແລະ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມໃນການ ເຄື່ອນໄຫວປະຕິບັດພາລະບົດບາດຂອງຕົນເປັນຕົ້ນແມ່ນໃນ ການຮັກສາສັນຕິພາບ, ເອກະລາດ, ອຳນາດປະຊາທິປະໄຕແກ່ຜືນແຜ່ນດິນອັນຄົບຖ້ວນຂອງຊາດໃຫ້ໝັ້ນຄົງໃນປັດຈຸບັນ.

ປະກອບສ່ວນສ້າງເງື່ອນໄຂອຳນວຍຄວາມສະດວກໃຫ້ ການສ້າງສາພັດທະນາເສດຖະ ກິດ-ສັງຄົມຂອງລັດຕະຫຼອດໄລຍະທີ່ຜ່ານມາ ສາມາດເຮັດໃຫ້ປະເທດຊາດມີການພັດທະນາເຂັ້ມ ແຂງ ສັງຄົມພາຍໃນມີຄວາມສະຫງົບເປັນລະບຽບຮຽບຮ້ອຍດີກໍ ຍ້ອນການສະໜັບສະໜູນຂອງ ບັນດາທ່ານບັນດາສະຫາຍ. ກອງ ທັບປະຊາຊົນລາວພວກເຮົາຍາມໃດກໍຢູ່ໃຕ້ການນຳພາເດັດຂາດ ໂດຍກົງຮອບດ້ານຂອງປະຊາ ຊົນລາວ, ກອງທັບກໍໄດ້ຍຶດໝັ້ນ ແລະ ເດັດດ່ຽວປະຕິບັດຕາມ ແນວທາງປ້ອງກັນຊາດ-ປ້ອງ ກັນຄວາມສະຫງົບທົ່ວປວງຊົນ ຮອບດ້ານຂອງພັກເປັນກຳລັງ ຫຼັກແຫຼ່ງໃນການປົກປັກຮັກສາ ຄວາມໝັ້ນຄົງຂອງປະເທດ, ຄວາມສະຫງົບເປັນລະບຽບຮຽບ ຮ້ອຍຂອງສັງຄົມ, ສ້າງຄວາມ ສະດວກໃຫ້ແກ່ການພັດທະນາ ດ້ານອື່ນໆຂອງປະເທດກ້າວໄປ. ພ້ອມນີ້ສະຫາຍກໍໄດ້ຕາງໜ້າຄະ ນະນໍາກະຊວງປ້ອງກັນປະເທດ ກໍຄື ກອງທັບສະແດງຄວາມຮູ້ບຸນ ຄຸນຢ່າງເລິກເຊິ່ງ ແລະ ຂອບໃຈ ຢ່າງສູງຕໍ່ທັງສອງອົງການນີ້ທີ່ ໃຫ້ການສະໜັບສະໜູນ ແລະ ໃຫ້ ການຊ່ວຍເຫຼືອກອງທັບພວກເຮົາ ຕະຫຼອດໄລຍະທີ່ຜ່ານມາ ຫວັງ ຢ່າງຍິ່ງວ່າໃນປັດຈຸບັນກໍຄືໃນອະ ນາຄົດກອງທັບພວກເຮົາຈະສືບ ຕໍ່ໄດ້ຮັບ ໃຫ້ການສະໜັບສະໜູນ ແລະ ການຊ່ວຍເຫຼືອຈາກສອງອົງ ການຂອງພວກສະຫາຍຕໍ່ໄປ.

ໂດຍ: ເພັດ ສົມນໍວັນ



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments