ແຂວງຄຳມ່ວນ ຈັດພິທີ ໄຂສົກຮຽນໃໝ່ 2020-2021 ຈັດຂຶ້ນໃນວັນທີ 01 ກັນຍາ 2020



ພິທີໄຂສົກຮຽນ 2020-2021 ຈັດຂຶ້ນໃນວັນທີ 01 ກັນຍາ 2020 ຢູ່ທີ່ໂຮງຮຽນສາມັນມິດຕະພາບຄຳມ່ວນ-ກວາງບິ່ງ ໂດຍການເປັນກຽດເຂົ້າຮ່ວມຂອງທ່ານ ປອ ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ, ທ່ານ ນັນຕະໄຊ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາ, ມີຄະນະອຳນວຍການໂຮງຮຽນ ພ້ອມດ້ວຍພະນັກງານຄູ-ອາຈານ ແລະ ນ້ອງນັກຮຽນເຂົ້າຮ່ວມ.
ທ່ານ ນັນຕະໄຊ ອິນທະສອນ ໄດ້ຂຶ້ນກ່າວລາຍງານການໄຂສົກຮຽນໃໝ່ຂອງແຂວງຄຳມ່ວນ ເຊິ່ງພະແນກສຶກສາ ທິການ ແລະ ກິລາແຂວງ ໄດ້ຈັດຕັ້ງຜັນຂະຫຍາຍຈັດການຮຽນ-ການສອນໃຫ້ໄປຕາມ 3 ລັກສະນະ 5 ຫຼັກມູນ ຂອງ ການສຶກສາ ພ້ອມທັງໄດ້ປະຕິບັດ 3 ຂໍ້ແຂ່ງຂັນໃນຂະບວນການຮຽນ-ການສອນ ໃຫ້ມີຄວາມເປັນເອກະພາບພາຍໃນ ແຂວງ ໂດຍເນັ້ນການປະຕິບັດຕົວຈິງຫຼາຍກວ່າທິດສະດີ ແລະ ມີກິດຈະກຳຫຼາກຫຼາຍ, ມີຂະບວນການຮຽນ-ການສອນ ທີ່ມີບັນຍາກາດ, ມີການສອນໃຫ້ນັກຮຽນຮູ້ໃນການຕັ້ງ-ແກ້ໄຂບັນຫາຢ່າງຖືກຕ້ອງ ແລະ ກ້າທີ່ຈະສະແດງອອກ.

Image may contain: 22 people, people standing

ສຳລັບຜົນການສອບເສັງສົກປີ 2019-2020 ທີ່ຜ່ານມາ ຊັ້ນປະຖົມສຶກສາ ມີນັກຮຽນທີ່ສອບເສັງໄດ້ທັງໝົດ 43.835 ຄົນ ເທົ່າກັບ 98,59%, ສອບບໍ່ຜ່ານມີຈຳນວນ 629 ຄົນ ເທົ່າກັບ 1,4%, ຊັ້ນມັດທະຍົມຕອນຕົ້ນ ທີ່ສອບເສັງໄດ້ທັງໝົດ 22.416 ຄົນ ເທົ່າກັບ 99,02%, ຈຳນວນເສັງຕົກ 222 ຄົນ ເທົ່າກັບ 0,98% ແລະ ຊັ້ນມັດທະຍົມຕອນປາຍສອບເສັງໄດ້ທັງໝົດ 10.382 ຄົນ ເທົ່າກັບ 99,24%, ຈຳນວນທີ່ເສັງຕົກ 79 ຄົນ ເທົ່າກັບ 0,76%.

Image may contain: 2 people, people sitting, people standing and text

ສ່ວນດ້ານການກະກຽມຄວາມພ້ອມໃຫ້ແກ່ການເປີດສົກຮຽນ 2020-2021 ແມ່ນໄດ້ມີການປະຊຸມ, ຝຶກອົບ ຮົມຄູ, ສ້ອມແປງໂຕະ, ຕັ່ງ ແລະ ອຸປະກອນການຮຽນອື່ນໆ ຕິດພັນກັບການກຽມຄວາມພ້ອມປ້ອງກັນ ຈາກຄວາມ ສ່ຽງທີ່ອາດຈະເກີດຂຶ້ນ ໃນການແຜ່ລະບາດຂອງພະຍາດໂຄວິດ-19 ພ້ອມທັງມີການຊັບຊ້ອນ ແລະ ດຸ່ນດ່ຽງພະນັກງານຄູ ແລະ ບັນໄດ້ຈຸຊັບຊ້ອນຄູສອນຕາມໂຄຕ້າແບ່ງປັນ ໂດຍຜ່ານຂະບວນການສອບເສັງຄັດເລືອກ, ສຳລັບຄູສອນຊ່ວຍແມ່ນ ໄດ້ສົມທົບກັບຫ້ອງການສຶກສາທິການ ແລະ ກິລາໃນແຕ່ລະເມືອງ ເພື່ອເກັບກຳສັງລວມຂໍ້ມູນ ພ້ອມທັງສ້າງບັນຊີ ບູລິມະສິດໂດຍອີງໃສ່ໂຮງຮຽນທີ່ຍັງຂາດຄູສອນ ແລະ ແຜນຄວາມຕ້ອງການພະນັກງານຄູໃນແຕ່ລະປີ.

Image may contain: 12 people, people standing

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments