ເສດຖະກິດຂອງເມືອງໄຊພູທອງຂະຫຍາຍຕົວຢູູ່ໃນລະດັບ 2,23%


ທ້າຍເດືອນສິງຫາຜ່ານມານີ້, ຢູ່ທີ່ສະໂມສອນຂອງຫ້ອງວ່າການປົກຄອງເມືອງໄຊພູທອງ ແຂວງສະຫວັນນເຂດ ກໍ່ໄດ້ເປີດກອງປະຊຸມຄົບຄະນະບໍລິຫານງານພັກເມືອງເປີດກວ້າງຄັ້ງທີ 1 ຂອງເມືອງໄຊພູທອງ ໄດຍການໃຫ້ກຽດເຂົ້າຮ່ວມຂອງທ່ານ ປ.ອ ຄໍາເຜີຍ ຜັນທະຈອນ ຮອງເລຂາພັກແຂວງ ສະມາຊິກສະພາແຫ່ງຊາດ ປະທານສະພາປະຊາຊົນແຂວງ ,ທ່ານ ຄໍາວິໃສ ຜຸຍຍະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງ ໄຊພູທອງ ມີບັນດາທ່ານໃນຄະນະປະຈໍາພັກເມືອງ,ກໍາມະການພັກເມືອງ,ຫົວໜ້າຫ້ອງການ-ຄະນະຫ້ອງການເລຂາພັກ-ນາຍບ້ານ 40 ບ້ານພາຍໃນເມືອງເຂົ້າຮ່ວມຢ່າງພ້ອມພຽງ.

Image may contain: 1 person

ກອງປະຊຸມຄັ້ງນີ້,ຜູ້ເຂົ້າຮ່ວມຈະໄດ້ພ້ອມກັນຮັບຟັງການລາຍກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 1 ປິ 2020 ແລະ ວາງທິດທາງແຜນການຈຸດສຸມແຕ່ນີ້ຫາປີ2021 ຈາກທ່ານ ກັນໄຊ ເຮົ້າ ຈັນທາ ກໍາມະການພັກເມືອງ ຫົວໜ້າຫ້ອງວ່າການປົກຄອງເມືອງເຊິ່ງທ່ານກໍ່ໄດ້ຍົກໃຫ້ເຫັນບັນຫາສະພາບທີ່ພົ້ນເດັ່ນຫຼາຍດ້ານໃນການພັດທະນາເສດຖະກິດສັງຄົມຂອ ງເມືອງ ເຊິ່ງມັນໄດ້ສະແດງອອກ ເນື່ອງຈາກການລະບາດຂອງພະຍາດ (ໂຄວິດ 19) ເຮັດໃຫ້ຈັງວະການຂະຫຍາຍຕົວເສດຖະກິດພາຍໃນເມືອງໄດ້ຮັບຜົນກະທົບໃນບ່າງຂົງເຂດເສດຖະກິດ ໂດຍສະເພາະໃນລະຫ່ວາງເດືອນ (4-5) ໄດ້ມີການຢຸດການເຄື່ອນໄຫວ ຂອງບັນດາຫົວໜ່ວຍທຸລະກິດພາກການບໍລິການ, ການທ່ອງ ທ່ຽວ, ແຕ່ເຖິງຢ່າງໃດກໍ່ຕາມເມືອທຽບໃສ່ໄລຍະດຽວກັນຂອງປີຜ່ານມາ (GDP) ຍັງເພີ່ມຂື້ນ 7,09%, ມາຮອດປະຈຸບັນມູນຄ່າ GDP ປະຕິບັດໄດ້ 871 ຕື້ກີບ, ເທົ່າກັບ 99,89% ຂອງແຜນການປີ (ແຜນການ 872 ຕື້ກີບ), ສະເລ່ຍຕໍ່ພົນລະເມືອງ ໄດ້ 1.946 ໂດລາ/ຄົນ, ເທົ່າກັບ 97,88% ຂອງແຜນການປີ (ແຜນການ 1.988 ໂລາສາຫະລັດ). 


Image may contain: 2 people, indoor


ດ້ວຍອັດຕາການຂະຫຍາຍຕົວ 2,23% ຫຼຸດແຜນ 4,27% (ແຜນ 6,50%) ໃນຈໍານວນພົນລະເມືອງ 53.328 ຄົນ ໃນນັ້ນ, ຂະແໜງກະສິກໍາມີມູນຄ່າຜົນຜະລິດໄດ້ 695,393 ຕື້ກີບ, ເພີ່ມຂື້ນ 8,29%, ລືນແຜນ 1,66 % ຂອງແຜນປີ(ແຜນ 684,022 ຕື້ກີບ); ກວມ 79,76% ຂອງມູນຄ່າລວມ GDP. 


ຂະແໜງອຸດສາຫະກໍາ ມີມູນຄ່າຜົນຜະລິດ 113,816 ຕື້ກີບ, ເພີ່ມຂື້ນ 2,68 %, ເທົ່າກັບ 92,74% ຂອງແຜນການປີ (ແຜນ 122 ຕື້ກີບ) ກວມ 13,06% ຂອງມູນຄ່າລວມ GDP.ຂະແໜງບໍລິການ ມີ ມູນຄ່າ 62,603 ຕື້ກີບ, ເພີ່ມຂື້ນ 1,58 , ເທົ່າກັບ 94,87% ຂອງແຜນປີ (ແຜນ 65,986 ຕື້ກີບ), ກວມ 7,18% ຂອງ GDP,ການປະຕິບັດລາຍຮັບ-ລາຍຈ່າຍ.


ຜ່ານການຈັດຕັ້ງປະຕິບັດລາຍຮັບເຂົ້າງົບປະມານປີ 2020 ມາຮອດປະຈຸບັນນີ້ສາມາດເກັບໄດ້ແລ້ວ 2, 155 ຕື້ກີບເທົ່າກັບ 68,27% ຂອງແຜນການປີ(ແຜນການປີ 3,157 ຕື້ກີບ) ຖ້າທຽບໃສ່ໄລຍະດ່ຽວກັນຂອງປີຜ່ານມາເພີ່ມຂື້ນ13,36%,ການປະຕິບັດຄາດໝາຍແຫຼ່ງທຶນການພັດທະນາການຂຸດຄົ້ນແຫຼ່ງທຶນເຂົ້າໃນການພັດທະນາເສດຖະກິດ-ສັງຄົມຂອງເມືອງໃນໄລຍະ 1 ປີ ຜ່ານມາ ເພື່ອ ຕອບ ສະໜອງໃຫ້ແກ່ແຜນງານ ແລະ ໂຄງການທີ່ເມືອງກຳນົດໄວ້ໄດ້ທັງໝົດ 20,837.62 ຕື້ກີບ ເທົ່າກັບ 21,39% ຂອງແຜນການປີ(ແຜນການ 97,377.0 ຕື້ກີບ),ດ້ານຄົມມະນາຄົມ-ຂົນສົ່ງ ໄດ້ສຸມໃສ່ຈັດຕັ້ງປະຕິບັດໂຄງການຟື້ນຟູໄພພິບັດປີ 2020 ໃນຈຳນວນ 01 ໂຄງການ, ມູນຄ່າ 333 ລ້ານກີບ ປະຕິບັດສຳເລັດ 100%. 


Image may contain: 1 person, on stage and sitting


ໄດ້ລົງຕິດຕາມໂຄງການກໍ່ສ້າງທາງເບຕົງເມືອງ ແລະ ບ້ານໄດ້ທັງໝົດ 8 ເສັ້ນ, ມີລວງຍາວທັງໝົດ 1.511 ແມັດ ທຽບໃສແຜນການປີ ປະຕະບັດໄດ້ລື່ນແຜນ 3 ເສັ້ນ(ແຜນການ 5 ເສັ້ນ), ອັນທີ່ພົ້ນເດັ່ນແມ່ນ: ການກໍ່ສ້າງທາງເບຕົງ ບ້ານ ມ່ວງໄຂ່ ຍາວ 455 ແມັດ, ກໍ່ສ້າງທາງເບຕົງ ບ້ານ ນາພານ ຍາວ 327 ແມັດ, ກໍ່ສ້າງທາງເບຕົງ ບ້ານ ເວີນຄູນ ຍາວ 272 ແມັດ, ກໍ່ສ້າງທາງເບຕົງ ບ້ານ ພູມມະເຈດີ ຍາວ 50 ແມັດ, ກໍ່ສ້າງທາງເບຕົງ ບ້ານ ທ່າດ່ານ ຍາວ 100 ແມັດ, ກໍ່ສ້າງທາງເບຕົງ ບ້ານ ຂົວດຳ ຍາວ 43 ແມັດ, ການກໍ່ສ້າງທາງເບຕົງເດີນວັດພະທາດໂຜ່ນຍາວ 55 ແມັດ ແລະ ພວມດໍາເນີນການກໍ່ສ້າງທາງເບຕົງບ້ານເຮືອນຫີນ (ຄຸ້ມດົງໝາກມີ້ຫວານ) ມີຄວາມຍາວ 1.700 ແມັດ,ສ່ວນວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກຕິດພັນກັບ ວຽກງານ 3 ສ້າງ: ໄດ້ຫັນພະນັກງານລົງ ກໍ່ສ້າງຮາກຖານການເມືອງທັງໝົດໃນ 40 ບ້ານ ມີທັງໝົດ 46 ຄົນ, ຍິງ 6 ຄົນ ໃນນີ້: ແມ່ນເລັ່ງໃສ່ 5 ບ້ານເປົ້າໝາຍ ຜ່ານການຈັດຕັ້ງປະຕິບັດເຫັນວ່າບັນດາຕົວຊີ້ວັດທີ່ກຳນົດໄວ້ໃນ ດຳລັດ 348/ລບ ໃນ 5 ບ້ານເປົ້າໝາຍນັ້ນໄດ້ມີຜົນສຳເລັດຢ່າງຕັ້ງໜ້າ. 


ຈາກນັ້ນ,ກໍ່ໄດ້ຄົ້ນຄ້ວາ ເຊຶ່ອມຊຶມເອກະສານບັ້ນດໍາເນີນການເມືອທີ່ກ່ຽວຂ້ອງ, ໄດ້ແບ່ງຈຸສໍາຫຼວດສະມາຊິກພັກ ແລະ ຜ່ານບົດສໍາຫຼວດສະມາຊິກພັກແຕ່ລະສະຫາຍທັງສົມບູນ ແລະ ສໍາຮອງ ພ້ອມດໍາເນີນການທາບທາມຄະນະພັກຊຸດໃໝ່ ຮອບທີ I


ພາບ-ຂ່າວພັນທະມິດ ວົງສຸທິ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments