ປະກາດແຕ່ງຕັ້ງຮອງຫົວໜ້າດ່ານ ຕມ ສາກົນຂົວມິດຕະພາບລາວ-ໄທ



ກອງບັນຊາການ ປກສ ນວ ໄດ້ຈັດພິທີປະກາດແຕ່ງຕັ້ງ ຮອງຫົວໜ້າດ່ານ ຕມ ສາກົນ ຂົວມິດຕະພາບລາວ-ໄທ I ແລະ ຮອງຫົວໜ້າດ່ານ ຕມ ສາກົນສະຖານີລົດໄຟທ່ານາແລ້ງ ຕອນບ່າຍວັນທີ 3 ກັນຍາ 2020, ທີ່ຫ້ອງປະຊຸມດ່ານ ຕມ ສາກົນຂົວມິດຕະພາບລາວ-ໄທ I ໂດຍການເປັນປະທານຂອງ ພັອ ສຸກພະຈັນ ບຸດດາຄຳ ຫົວໜ້າກອງບັນຊາການ ປກສ ນວ, ເຂົ້າຮ່ວມໂດຍ ພັອ ປັອ ຄຳພອນ ເທບພະວົງ ຫົວໜ້າດ່ານ ຕມ ສາກົນຂົວມິດຕະພາບລາວ-ໄທ I; ມີ ພັທ ສັງວານ ຂາວປະເສີດ ຫົວໜ້າຫ້ອງສັນຕິບານ, ມີບັນດາຄະນະພັກ-ຄະນະບັນຊາ, ພະນັກງານຫຼັກແຫຼ່ງ ຈໍານວນ 50 ສະຫາຍ, ຍິງ 20 ສະຫາຍ ເຂົ້າຮ່ວມເປັນສັກຂີພະຍານ.

Image may contain: 5 people, people sitting, table and indoor

Image may contain: 4 people, people sitting and indoor

ໃນພິທີ ພັທ ນາງ ບົວລະພັນ ທິລະສັກ ຫົວໜ້າຫ້ອງການເມືອງ ປກສ ນວ ໄດ້ຜ່ານຂໍ້ຕົກລົງ ວ່າດ້ວຍການແຕ່ງຕັ້ງນາຍຕໍາຫຼວດ ເປັນຮອງຫົວໜ້າດ່ານ ຕມ ສາກົນ ສະບັບເລກທີ 792/ປກສ ນວ, ລົງວັນທີ 24 ກໍລະກົດ 2020, ໃນນີ້ ໄດ້ແຕ່ງຕັ້ງ ພັທ ພູມີ ອິນທະວົງ, ພັທ ເຕິ້ນ ພົມໂສພາ, ພັຕ ສົມປາດຖະໜາ ໜໍ່ເພັງວານິດ, ພັຕ ບຸນແສງ ແສງມະນີ, ພັຕ ພູມີ ດວງມະນີ ແລະ ພັຕ ຄໍານ້ອຍ ວົງວິໄລ ເປັນຮອງຫົວໜ້າດ່ານ ຕມ ສາກົນ ຂົວມິດຕະພາບລາວ-ໄທ I; ແຕ່ງຕັ້ງ ພັທ ຈໍາປາ ທໍາມະວົງ ແລະ ພັທ ສຸລິວົງ ວັນທະນາ ເປັນຮອງຫົວໜ້າດ່ານ ຕມ ສາກົນ ສະຖານີລົດໄຟທ່ານາແລ້ງ.

Image may contain: 1 person, sitting, child and indoor

Image may contain: 3 people, people sitting and indoor

ຕອນທ້າຍພິທີ ພັອ ສຸກພະຈັນ ບຸດດາຄຳ ຫົວໜ້າກອງບັນຊາການ ປກສ ນວ ໄດ້ກ່າວສະແດງຄວາມຍິນດີ ນຳບັນດາສະຫາຍທີ່ຖືກແຕ່ງຕັ້ງ ແລະ ພ້ອມທັງ ໃຫ້ເອົາໃຈໃສ່ 5 ບັນຫາຄື: 1. ເພີ່ມທະວີຄວາມສາມັກຄີພາຍໃນກົມກອງລວມໝູ່; 2. ເອົາໃຈໃສ່ຮັກສາແບບແຜນວິທີເຮັດວຽກທີ່ດີໄວ້; ພ້ອມປັບປຸງ ແລະ ພັດທະນາໃຫ້ກ້າວໄປສູ່ໂສມໜ້າໃໝ່, ມີການແບ່ງຄວາມຮັບຜິດຊອບກັນຢ່າງຊັດເຈນ; 3. ເອົາໃຈໃສ່ຕິດຕາມຊຸກຍູ້ພະນັກງານນັກຮົບຢູ່ພາຍໃຕ້ການບັນຊາເພື່ອເລືອກເຟັ້ນເອົາພະນັກງານສືບທອດປ່ຽນແທນ ໃຫ້ມີຄວາມກ້າວໜ້າ; 4. ເອົາໃຈໃສ່ຂອດປະສານສົມທົບລະຫວ່າງກົມກອງ ໃຫ້ມີຄວາມກົມກຽວ; 5. ປັບປຸງກວດກາການເຄື່ອນໄຫວການປະຕິບັດໜ້າທີ່ວຽກງານວິຊາສະເພາະຢູ່ແຕ່ລະໜ່ວຍງານທີ່ຂຶ້ນກັບດ່ານ ຕມ ສາກົນ ຂົວມິດຕະພາບລາວ-ໄທ I ແລະ ດ່ານ ຕມ ສາກົນສະຖານີລົດໄຟທ່ານາແລ້ງ ໃຫ້ມີຄຸນນະພາບສູງຂຶ້ນ ເຊື່ອໝັ້ນວ່າຫຼັງຈາກໄດ້ຮັບການແຕ່ງຕັ້ງແລ້ວທຸກໜ້າທີ່ວຽກງານຈະໄດ້ມີບາດກ້າວອັນໃໝ່ ທີ່ດີຫຼາຍຂຶ້ນກວ່າເກົ່າ.

Image may contain: one or more people, people sitting, table and indoor

Image may contain: one or more people and indoor

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments