ແຂວງ ໄຊຍະບູລີ ສະຫລຸບຂະບວນການແຂ່ງຂັນຮັກຊາດ ແລະ ພັດທະນາ



ຕິດພັນກັບການຈັດຕັ້ງຜັນຂະຫຍາຍວຽກງານ 3 ສ້າງເຂົ້າສູ່ລວງເລິກ, ໃນຕອນເຊົ້າຂອງວັນທີ 4 ກັນຍາ 2020, ແຂວງໄຊຍະບູລີ ໄດ້ຈັດກອງປະຊຸມ ສະຫລຸບຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການຈັດຕັ້ງຜັນຂະຫຍາຍວຽກງານ 3 ສ້າງ ເຂົ້າສູ່ລວງເລິກຂຶ້ນ, ທີ່ຫ້ອງປະຊຸມໃຫຍ່ຂອງແຂວງ, ເປັນກຽດເຂົ້າຮ່ວມມີ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ມີການນໍາຂັ້ນແຂວງ, ຂັ້ນເມືອງ 11 ເມືອງ, ມີຫົວໜ້າ, ຮອງຫົວໜ້າພະແນກການ, ກົມກອງ, ມີກໍາລັງປະກອບອາວຸດ ແລະ ນັກທຸລະກິດ-ຜູ້ປະກອບການ, ຄອບຄົວຕົວແບບດ້ານຕ່າງໆທົ່ວແຂວງ ເຂົ້າຮ່ວມຢ່າງຫລວງຫລາຍ.

Image may contain: 6 people, people sitting, flower and indoor

ທ່ານ ນາງ ບຸນພັກ ອິນທະປັນຍາ ຮອງເຈົ້າແຂວງ ໄຊຍະບູລີ ໄດ້ຂຶ້ນຜ່ານບົດສະຫລຸບການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາ, ຜັນຂະຫຍາຍວຽກງານ 3 ສ້າງເຂົ້າສູ່ລວງເລິກ ແຕ່ປີ 2015-2020 ແລະ ທິດທາງແຜນການ 2020-2025, ມີເນື້ອໃນບາງຕອນວ່າ: ຄວາມໝາຍຄວາມສໍາຄັນຂອງການແຂ່ງຂັນຮັກຊາດ ແລະ ພັດທະນາ ຄື: ຮັກຊາດແມ່ນຕ້ອງຕິດພັນກັບການຮັກລະບອບໃໝ່ ແລະ ພັດທະນາແມ່ນເຮັດໃຫ້ມີການຫັນປ່ຽນຈາກອັນເກົ່າໄປສູ່ອັນໃໝ່ທີ່ຂະຫຍາຍຕົວກ້າວໜ້າຂຶ້ນ

Image may contain: 2 people, people standing, flower and indoor

ຜົນສໍາເລັດຂອງການຈັດຕັ້ງປະຕິບັດຂະບວນການແຂ່ງຂັນຮັກຊາດ ແລະ ພັດທະນາເຫັນວ່າ: ການສ້າງບ້ານເປັນຫົວໜ່ວຍພັດທະນາຕາມທິດນໍາ 3 ສ້າງທັງ 4 ດ້ານສາມາດບັນລຸແຕ່ລະດ້ານ 80% ຂຶ້ນໄປ ຈໍານວນ 375 ບ້ານ, ເທົ່າກັບ 87% ຂອງຈໍານວນບ້ານທັງໝົດ, ບໍ່ບັນລຸ 55 ບ້ານ, ການສ້າງເມືອງເປັນຫົວໜ່ວຍເຂັ້ມແຂງຮອບດ້ານຕາມທິດນໍາ 3 ສ້າງໃຫ້ໄດ້ 5-7 ເມືອງຜ່ານການປະເມີນເຫັນວ່າບໍ່ບັນລຸ, ຂະບວນການແຂ່ງຂັນຮັກຊາດ ແລະ ພັດທະນາປະເພດຄອບຄົວມີ 3 ປະເພດຄື: ຄອບຄົວກະສິກອນທົ່ວໄປເຂົ້າຮ່ວມແຂ່ງຂັນທັງໝົດ 64.384 ຄອບຄົວ, ມີເນື້ອໃນແຂ່ງຂັນລວມ 9 ຂໍ້, ສາມາດຕີລາຄາການຈັດຕັ້ງປະຕິບັດ ແລະ ຕີລາຄາປະເພດ I ມີ 50.338 ຄອບຄົວ, ປະເພດ II ມີ 7.182 ຄອບຄົວ ແລະ ປະເພດ III ມີ 1.950 ຄອບຄົວ

Image may contain: 1 person

ຄອບຄົວທຸລະກິດຜູ້ປະກອບການເຂົ້າຮ່ວມແຂ່ງຂັນທັງໝົດ 5.099 ຄອບຄົວ, ມີເນື້ອໃນແຂ່ງຂັນລວມ 5 ຂໍ້, ໄດ້ປະເພດ I ມີ 730 ຄອບຄົວ, ປະເພດ II ມີ 241 ຄອບຄົວ ແລະ ປະເພດ III ມີ28 ຄອບຄົວ, ຄອບຄົວພະນັກງານ, ທະຫານ, ຕໍາຫລວດເຂົ້າຮ່ວມແຂ່ງຂັນທັງໝົດ 7.948 ຄອບຄົວ, ມີເນື້ອໃນແຂ່ງຂັນລວມ 6 ຂໍ້, ໄດ້ປະເພດ I ມີ 7.944 ຄອບຄົວ, ປະເພດ II ມີ 642 ຄອບຄົວ, ປະເພດ III ມີ 31 ຄອບຄົວ, ຂັ້ນບ້ານ ເຂົ້າຮ່ວມແຂ່ງຂັນ ທັງໝົດ 430 ບ້ານ, ມີ 19 ຂໍ້ແຂ່ງຂັນ, ໄດ້ປະເພດ I ມີ 318 ບ້ານ, ປະເພດ II ມີ 113 ບ້ານ, ປະເພດ III ມີ 1 ບ້ານ, ຂັ້ນເມືອງປະເພດບຸກຄົນມີພະນັກງານ-ລັດຖະກອນ ເຂົ້າຮ່ວມແຂ່ງຂັນ 8.053 ຄົນ, ມີ 7 ຂໍ້ແຂ່ງຂັນ, ໄດ້ປະເພດ I ມີ 3.168 ຄົນ, ປະເພດ II ມີ 1.120 ຄົນ, ປະເພດ III ມີ 42 ຄົວ, ປະເພດກົມກອງອ້ອມຂ້າງ 11 ເມືອງ ເຂົ້າຮ່ວມແຂ່ງຂັນ 275 ກົມກອງ, ມີ 9 ຂໍ້ແຂ່ງຂັນ, ໄດ້ປະເພດ I ມີ 246 ກົມກອງ, ປະເພດ II ມີ 39 ກົມກອງ, ປະເພດ III ມີ 16 ກົມກອງ, ຂັ້ນແຂວງ ປະເພດບຸກຄົນ ມີພະນັກງານ-ລັດຖະກອນເຂົ້າຮ່ວມແຂ່ງຂັນ 2.792 ຄົນ, ໄດ້ປະເພດ I ມີ 347 ຄົນ, ປະເພດ II ມີ 353 ຄົນ, ປະເພດ III ມີ 2.092 ຄົນ, ປະເພດພະແນກການ, ກົມກອງອ້ອມຂ້າງແຂວງ ເຂົ້າຮ່ວມແຂ່ງຂັນ 42 ກົມກອງ ມີ 11 ຂໍ້ແຂ່ງຂັນ, ໄດ້ປະເພດ I ມີ 10 ກົມກອງ, ປະເພດ II ມີ 16 ກົມກອງ, ປະເພດ III ມີ 16 ກົມກອງ, ການຍ້ອງຍໍຜົນງານ 5 ປີ ໃນບັ້ນແຂ່ງຂັນ ຮັກຊາດ ແລະ ພັດທະນາ ປະເພດກົມກອງ ແລະ ບຸກຄົນ ມີທັງໝົດ 8.310 ກົມກອງ ແລະ ບຸກຄົນ, ໃນນັ້ນ: ຍ້ອງຍໍປະເພດຫລຽນໃຫ້ແກ່ກົມກອງ 270 ກົມກອງ, ປະເພດບຸກຄົນ 8.047 ທ່ານ.

Image may contain: one or more people, crowd and indoor

ກອງປະຊຸມໄດ້ຮັບຟັງການປະກອບຄໍາເຫັນຈາກຄອບຄົວຕົວແບບດ້ານຕ່າງໆ, ພ້ອມທັງການປະດັບຫລຽນ , ຍ້ອງຍໍ ຊົມເຊີຍ ບຸກຄົນ, ກົມກອງດີເດັ່ນ ແລະ ໄດ້ຮັບຟັງການໂອ້ລົມຈາກທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ແລະ ຈະໄດ້ດໍາເນີນໄປເປັນເວລາ 1 ວັນຈຶ່ງຈະສໍາເລັດ.


ຂ່າວ-ຮູບ: ອຸ່ນເຮືອນ ໂພທິລັກ


















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments