ເມືອງປາກທາ ແຂວງບໍ່ແກ້ວ ປິດຊຸດຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນໃຫ້ພະນັກງານຫຼັກແຫຼງ ແລະ ສືບທອດ ຊຸດທີ I



ພິທີປິດຊຸດຝຶກອົບຮົມກົດໝາຍຂັ້ນພື້ນຖານລະບົບບຳລຸງ 45 ວັນ ໃຫ້ພະນັກງານຫຼັກແຫຼງ ແລະ ສືບທອດຊຸດທີ I ເມືອງປາກທາ ແຂວງບໍ່ແກ້ວໄດ້ອັດລົງດ້ວຍຜົນສຳເລັດຢ່າງຈົບງາມ ໃນວັນທີ 3 ກັນຍານີ້ທີສະໂມສອນຂອງເມືອງ ໃຫ້ກຽດເຂົ້າຮວມມີ ປອ ບົວຄົງ ນາມມະວົງ ກຳມະການສຳຮອງສູນກາງພັກ ເລຂາພັກແຂວງ ເຈົ້າແຂວງບໍ່ແກ້ວ ມີຮອງເຈົ້າແຂວງ, ຄະນະປະຈຳພັກແຂວງ ເຈົ້າເມືອງ ຄະນະປະຈຳພັກເມືອງ-ກຳມະການພັກເມືອງ ແຂກຊີນຂັ້ນແຂວງ, ຂັ້ນເມືອງ ຄູ-ອາຈານ ແລະ ສຳມະນາກອນເຂົ້າຮ່ວມ.

Image may contain: 2 people, indoor, text that says 'ปะทาบ'

Image may contain: 14 people, people sitting, table and indoor

ທ່ານ ຄຳຫຼ້າ ອຸດທະຍອດ ກຳມະການພັກແຂວງ ຫົວໜ້າພະແນກຍຸຕິທຳແຂວງບໍ່ແກ້ວ ໄດ້ກ່າວວ່າ: ຊຸດອົບຮົມແມ່ນໄດ້ເລີມເປີດມາຕັ້ງແຕ່ ວັນທີ 6 ກໍລະກົດຜ່ານມາ ມີສຳມະນາກອນເຂົ້າຮຽນທັງໝົດ 50 ສະຫາຍ, ຍິງ 11 ສະຫາຍ ມາຈາກກົມກອງຫ້ອງການ ແລະ ສອງກອງບັນຊາການປກຊ-ປກສ ເມືອງ ເຊິ່ງໃຊ້ເວລາຮຽນທັງໝົດ 45 ວັນມີຜົນສຳເລັດຕາມຄາດໝາຍ ເຊິ່ງຫຼັກສູດດັ່ງກ່າວລວມມີ 32 ວິຊາ ມີ 22,5 ໜ່ວຍກິດ, ມີ 360 ຊົ່ວໂມງ ຜ່ານການຮຽນການສອນແມ່ນເຫັນວ່າສຳມະນາກອນໄດ້ມີຄວາມເປັນເຈົ້າການສູງໃນການ ປະຕິບັດຕາມກົດລະບຽບ ແລະ ການຄົ້ນຄວ້າບົດຮຽນ ພ້ອມກັນ ສົນທະນາແລກປ່ຽນຄຳຄິດເຫັນກັບບັນດາຄູ-ອາຈານຢ່າງກົງໄປກົງມາ. ເພື່ອຮັບຮູ້ ແລະ ເຂົ້າໃຈຢ່າງຖືກຕ້ອງ ເຊິ່ງສາມາດປະເມີນລະດັບຄວາມຮັບຮູ້ຂອງສຳມະນາກອນ: ລະດັບຄວາມຮັບຮູ້ດິເລີດມີ 47 ສະຫາຍ, ຍິງ 11 ສະຫາຍ ເທົ່າກັບ 94%, ລະດັບຄວາມຮູ້ດີມີ 3 ສະຫາຍ ເທົ່າກັບ 6%. ໂອກາດນີ້ ຍັງໄດ້ມອບໃບຢັ້ງຢືນ ໃຫ້ສໍາມະນາກອນ ມອບໂດຍ ປອ ບົວຄົງ ນາມມະວົງ ກຳມະການສຳຮອງສູນກາງພັກ ເລຂາພັກແຂວງ ເຈົ້າແຂວງບໍ່ແກ້ວ.

Image may contain: 13 people, people standing, table and indoor


ພາບ-ຂ່າວ: ພອນສະຫວັນ ມະນີສີ.
ພັດສະວົງ ບຸນຍະຜົນ.



















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments