ຮອງປະທານສູນກາງແນວລາວສ້າງຊາດເຂົ້າຢ້ຽມຂໍ່ານັບທ່ານ ເຈົ້າແຂວງໆ ຊຽງຂວາງ



ຊຽງຂວາງ: ໃນຕອນເຊົ້າຂອງວັນທີ 16 ກັນຍາ 2020 ທີ່ຫ້ອງວ່າການແຂວງຊຽງຂວາງ ທ່ານ ເຍ່ຍເກີຍ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ເຂົ້າຢ້ຽມ ຂໍ່ານັບ ທ່ານ ບຸນຕົ້ນ ຈັນທະພອນ ເລຂາພັກແຂວງ ເຈົ້າແຂວງໆຊຽງຂວາງ.

ໃນໂອກາດດັ່ງກ່າວທ່ານ ຮອງປະທານສູນກາງແນວລາວສ້າງຊາດ ໄດ້ລາຍງານຈຸດປະສົງການມາເຄື່ອນໄຫວເຮັດຢູ່ແຂວງຊຽງຂວາງໃນຄັ້ງນີ້ເປັນຕົ້ນແມ່ນ: ເຜີຍແຜ່ຄຳແນະນຳກ່ຽວກັບການສະຫຼອງວັນບຸນຕ່າງໆ ແລະ ປະຕິບັດບາງຮີດຄອງປະເພນີຂອງປະຊາຊົນລາວບັນດາເຜົ່າ ແລະປຶກສາວຽກງານທີ່ຈຳເປັນຈຳນວນໜື່ງ. ເຊີ່ງການເຄື່ອນໄຫວຂອງທ່ານຮອງປະທານສູນກາງແນວລາວສ້າງຊາດໃນຄັ້ງນີ້, ຈະໄດ້ເຄື່ອນຢູ່ໃນ 3 ເມືອງຄື: ເມືອງແປກ ເມືອງຄໍາ ແລະ ເມືອງໜອງແຮດ. ເພື່ອເປັນການອະນຸລັກ ແລະ ເສີມຂະຫຍາຍ ເພີ່ມທະວີຄວາມສະເໝີພາບ ແລະ ສາມັກຄີປອດອງພາຍໃນຊົນເຜົ່າ, ລະຫວ່າງບັນດາເຜົ່າດ້ວຍກັນ ໂດຍສະເພາະແມ່ນການສະຫຼອງບຸນ, ຮີດຄອງປະເພນີຕ່າງໆ ຂອງປະຊາຊົນບັນດາເຜົ່າ ເພື່ອຍົກສູງສະຕິຄວາມເປັນເຈົ້າຕົນເອງ ເພື່ອຫຼຸດຜ່ອນພຶດຕິກຳທີ່ບໍເຄົາລົບວັດທະນະທຳຮີດຄອງປະເພນີອັນດີງາມ ທັງສະກັດກັ້ນປະກົດການຫຍໍ້ທໍ້ຕ່າງໆ ໃຫ້ທ່ານເຈົ້າແຂວງຮັບຊາບ. 

ໃນໂອກາດດຽວກັນນີ້ ທ່ານ ເຈົ້າແຂວງ ໄດ້ຕີລາຄາສູງຕໍ່ການລົງມາຢ້ຽມຍາມ ແລະ ເຮັດວຽກຢູ່ແຂວງຊຽງຂວາງ ຂອງທ່ານ ຮອງປະທານສູນກາງແນວລາວສ້າງຊາດ ແລະພ້ອມທັງ ລາຍງານສະພາບການພັດທະນາເສດຖະກິດ-ສັງຄົມ ເປັນຕົ້ນດ້ານປະກົດການຫຍໍ້ທໍ້ຕ່າງໆທີ່ເກີດຂື່ນຢູ່ໃນບຸນປະເພນີຕ່າງໆ, ເກີດຂື້ນຢູ່ໃນການຈັດຕັ້ງສັງຄົມ ເພື່ອຊອກຫາວິທີ ແລະ ມີທິດທາງແກ້ໄຂຕໍ່ໜ້າ ເພື່ອເຮັດໃຫ້ແຂວງຊຽງຂວາງມີການພັດທະນາ, ມີຄວາມສະຫງົບສຸກໂດຍພຶ້ນຖານ.

ພາບ-ຂ່າວ: ເປຕ່າ ແນວລາວສ້າງຊາດແຂວງຊຽງຂວາງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

Post a Comment

0 Comments